San Juan 12:32 - Bible in Tzotzil de Chenalhó with Deuterocanon

³² C'alal chquich' joc'anel ta cruze, ja' jech ta xquic'an tal ta jtojol scotol li cristianoetique —xi li Jesuse.

Tzotzil Zinacantan

³² Jipil chicham ta scoj smulic li crixchanoetique yoꞌ voꞌon xa chiyichꞌic o ta muqꞌue ―xꞌutatic.

Bible in Tzotzil de Chamula

³² C'alal ta sta yorail ta xquich' jipanel ta curuse, ta jtijbe yo'nton ta yiq'uel talel scotolic ta jtojol.

LEQUIL ACH' C'OP

³² Ti c'alal chquich' jipanel ta cruze, ja' chtalic o ta jtojol li crixchanoetique. ―X'utatic.

Tzotzil San Andres

³² Ti chicham ta cruze, yoꞌ jech ta xquicꞌan scotol li buchꞌutic tscꞌan chiyichꞌic ta mucꞌ ta spꞌejel li balumile ―xi li Jesuse.

Tzotzil de Huixtán

³² Ti ho'one yu'un ti chicham ti cruze, hech chtalic scotol crixchanoetic ti jtojol ti much'utic chch'unic ti ho'on Jcoltavanejun yu'unique ti sjoylejal balumil ―xchi ti Jesuse.

San Juan 12:32 Iomraidhean Croise

2 Samuel 18:9

Li Absalone cajal batel ta machu; te la sta sbaic xchi'uc li svinictac Davide. Li xmachue i'och batel ta yolon jpets tulan, pero toj pim sc'ob li tulane. Jech te cacal icom snuc' ta c'ob tulan li Absalone, te xt'uyet icom. Li xmachue ijelov batel ta anil.

Cantares 1:4

Ic'un batel ta ora; ajvalil, ic'un batel ta ana. Toj xcuxet no'ox co'ntoncutic avu'un, yu'un toj jun yutsil li c'upinel avu'une, ja' jech chac c'u cha'al ya'lel ts'usub, ja' yu'un toj lec sc'anojicot li antsetique.

Isaías 11:10

C'alal tsta sc'ac'alil chloc' li sq'uelum Isaie, ja' jech chc'ot ta stojol jujun lum jech chac c'u cha'al bandera ti toyol muyesbile. Sa'bil yu'un scotol li cristianoetique; ti bu chnaquie, toj jun no'ox yutsil.

Isaías 49:6

Jech chal: “Mu xu' o ti ja' no'ox chacom ta cajtunel sventa ta jtsob tal yan velta sts'unubal li Jacobe, sventa ta jliques yan velta ti c'u to yepal comenic sts'unubal li Israele. Ja' yu'un ta xcac' noxtoc ti vo'ot luz chac'ot ta yantic banamile, yu'un vo'ot chavich' batel c'alal to ta sti'iltac banamil li coltaele”, xiyutun.

Oseas 11:4

Ta slequil co'nton laj quic' tal; ta yutsil co'nton la jnit tal ta jtojol. La jpatan tal ta sti' co'nton; la jcujan jba ta stojolic sventa laj cac'be sve'elic.

Números 21:9

Li Moisese la spas li sloc'obal chon ta broncee; la sjoc'an ta te'. C'alal oy boch'o chti'at ta chone, ja' la sq'uel batel li sloc'obal joc'ol ta te'e, jech muc xchamic.

San Juan 1:7

Ja' testigo ic'ot; ja' tal yalbe sc'oplal li luze, yu'un jech xu' ac'o xch'un scotol cristianoetic ta sventa.

San Juan 12:34

Itac'ov li cristianoetique: —Li vu'uncutique ca'yojcutic ta smantal Dios ti cuxul o sbatel osil li Cristoe. ¿C'u yu'un chaval: ‘Persa chquich' joc'anel ta cruz vu'un ti Xnich'on cristiano lic'ote’, xachi? ¿Boch'oot cha'e? —xutic.

San Juan 18:32

Ti jech laj yalique yu'un ja' ic'ot o ti laj ono'ox yal Jesús c'u x'elan ta xmilate.

San Juan 19:17

Laj yac'beic xq'uech batel scruzal li Jesuse. Ibatic yo' bu Baquil Jolal sbie; ja' li Gólgota sbi ta hebreo c'ope.

San Juan 3:14

A'yo ava'ay, jech chac c'u cha'al la stoy muyel ta toyol sloc'obal chon ta xocol banamil li Moisés ta vo'onee, ja' jech ta xquich' toyel muyel ec, vu'un ti Xnich'on cristiano lic'ote.

San Juan 6:44

Mu'yuc boch'o xu' yu'un ta xtal ta jtojol me muc ic'biluc tal yu'un li Jtot ti la stacun tale. Yu'un li boch'otic ta xtal ta jtojole, ta jcha'cuxesan ta slajebal c'ac'al.

San Juan 8:28

Ja' yu'un jech laj yalbe yan velta: —C'alal chatoyicun muyel, vu'un li Xnich'on cristiano lic'ote, ja' to te chana'ic o ti Vu'une, xchi'uc ti mu'yuc c'usi ta jpas ta jventa jtuque, ti ja' no'ox ta jpas jech chac c'u cha'al xchanubtasojun li Jtot ti la stacun tale.

Gálatas 3:13

Ja' yu'un i'ay li Cristoe, ay scoltautic ta sventa li stojol mulil ti sc'oplal chquich'tic ta sventa li mantaletique. Ja' la xcuch scotol li stojol mulil ti sc'oplal chquich'tique. Yu'un jech ts'ibabil ta sc'op Dios: “Li boch'o joc'ol ta te' chchame, ja' ac'bil stoj smul yu'un Dios”, xi ts'ibabil.

1 Timoteo 2:6

Yu'un ja' laj yac' sba ta milel cu'untic, ja' la smanutic jcotoltic. Yu'un ic'ot sc'ac'alil laj yac' ta ilel ti c'uxutic ta yo'ntone.

Hebreos 2:9

Pero chquiltic xa ti oy yabtel, ti ich'bil ta muc' li Jesús ti ja' biq'uit icom jayibuc c'ac'al jech chac c'u cha'al li j'almantaletique. Ti jech i'ich'at ta muq'ue, ja' ta sventa ti laj yich' vocol c'alal ichame. Ta sventa ti laj ya'ay c'u x'elan milele, ja' sventa slequilal scotol, yu'un toj ep slequil yo'nton li Diose.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.