San Juan 12:27 - Bible in Tzotzil de Chenalhó with Deuterocanon

²⁷ “Li' ta orae, solel oyun ta c'op-o'nton. ¿Pero c'usi xu' chcal?: ‘Tati, coltaun, mu me xicham’, ¿me xu' xichi? Yu'un ja' ta sventa tal chamcun ti lital li' ta banamile”, xi.

Tzotzil Zinacantan

²⁷ ’Xuꞌ yaꞌel ti mu xichame, pero mu xuꞌ xcalbe ti Rioxe ti mu jcꞌan xichame, ti acꞌu spojone. Ti lital liꞌ ta sba balamile, persa chicham ―xi.

Bible in Tzotzil de Chamula

²⁷ “¡Mu xnel, mu x'ech' ta xca'i ta j'ech'el ti vocole! ¿C'usi ta xcal un? ¿Mi ja' van xichi ta xcale: ‘Tot, coltaun yo' mu xc'ot ta jtojol ti vocol avi li'e?’ ti c'alal ja' sventa lital li'e.

LEQUIL ACH' C'OP

²⁷ »¡Lavie chcat co'on ta jmec! ¿C'usi stac chcal? ¿Mi xu' xi chcale: “Tot mu xa vac' ti chcat co'one”? Mi xi chi. ¡Pero ja' talemon o ti chquich' jvocole! ―Xi.

Tzotzil San Andres

²⁷ ’Acꞌo mi mu jcꞌan xicham, pero mu jechuc ta xcalbe li Diose: “Tata, coltaun, mu me xicham”, mu xichi ta stojol. Ti lital liꞌ ta balumile, jaꞌ sventa chicham ―xi li Jesuse.

Tzotzil de Huixtán

²⁷ ’Manchuc mi vocol chca'i ti jpas, mu xcalbe ti Diose: Tote, coltaun yu'un hech mu xquich' vocol ti ora to, mu xichi ti stojol. Yu'un ja' sventail ti nital li' ti balumile, yu'un tal chamucun.

San Juan 12:27 Iomraidhean Croise

Salmos 6:3

Toj ch'ayem xa no'ox co'nton chca'ay. Muc'ul Dios, ¿c'usi to ora chatal?

Salmos 88:3

Yu'un ista xa co'nton yu'un li vocole; po'ot xa chibat ta yavil animaetic chca'ay.

Isaías 38:15

Pero ¿c'usi xu' chcal ti me jech la sc'an stuque? Ja' jech abul jba o ta scoj tsots jvocol ti jayib c'ac'al cuxulune.

Isaías 53:3

Solel na'lebil, bajbil yu'un li cristianoetique, ja' jun vinic ti pixil ta tsots vocole. Solel la snopes sba lec ta xcuchel scotol vocol; solel mu xa stac' q'uelel; bajbil ta j'ech'el, pero mu'yuc sc'oplal laj ca'itic.

San Mateo 11:25

Lic sc'opan Dios li Jesuse, jech laj yal: “Tati, vo'ot yajvalot li vinajel banamile. Colaval ti muc xavac'be ya'yic smelol c'usi laj cal xchi'uc c'usi la jpas li boch'otic bijique xchi'uc li boch'otic lec sna' yalojique. Ja' no'ox laj avac'be ya'yic smelol li boch'otic ja' jechic jech chac c'u cha'al ololetique.

San Mateo 11:26

Lec oy Tati, yu'un jech la sc'an avo'nton”, xi.

San Mateo 26:42

Bat sc'opan Dios xchibal velta li Jesuse, jech laj yal: “Tati, me mu xu' chaloq'uesbun li tsatsal vocol li'i, ja' ac'o c'otuc ta pasel li c'usi tsc'an avo'ntone”, xut.

San Mateo 26:45

Ital yoxibal velta li Jesuse, jech c'ot yalbe li yajchanc'optaque: —¿Me yoquel to vayemoxuc? ¿Me yoquel to chacux avo'ntonic? Q'uelavilic, ista xa yorail chi'ac'at ta c'abal ta sc'ob jpasmuliletic, vu'un ti Xnich'on cristiano lic'ote.

San Lucas 22:44

C'alal mu xa xnel svocol laj ya'ay li Jesuse, yo'to ep la sc'opan Dios. Ep ichiq'uinaj. Li xchiq'ue ja' jech chac c'u cha'al ch'ich' ti sts'ujts'un no'ox yalel ta banamile.]

San Lucas 22:53

Jujun c'ac'al te oyun ta atojolic ta yamaq'uil ch'ulna, muc xatsaquicun. Pero li' ta orae ic'ot xa sc'ac'alil avu'unic, xchi'uc ic'ot xa sc'ac'alil yu'un li yajval ic'al osile —xut.

San Juan 11:41

Jech la sloq'uesic li ton ti smacojbeic o sti' smuquinal Lazaroe. Li Jesuse la stoy muyel sat ta toyol, jech laj yal: —Tati, colaval ti chava'ibun jc'ope.

San Juan 12:23

Jech i'albatic yu'un li Jesuse: —Laj xa sta sc'ac'alil chi'ich'at ta muc', vu'un ti Xnich'on cristiano lic'ote.

San Juan 13:21

C'alal laj yal jech li Jesuse, toj yan sba yo'nton laj ya'ay. Lic yal ta jamal li boch'o ta x'ac'van ta c'abale. Jech laj yal: —Jamal chacalboxuc ava'yic, oy jun avu'unic li'i ti ja' chiyac'un ta c'abale —xi.

San Juan 18:37

Li Pilatoe jech laj yalbe: —¿Yu'un ono'ox vo'ot ajvalilot cha'e? —xut. Itac'ov li Jesuse: —Vo'ot chloc' ta ave atuc ti vu'un ajvalilune. Ja' sventa ti tal voc'cune, xchi'uc ja' sventa ti lital li' ta banamile, yu'un tal cal li c'usi melele. Scotol li boch'otic oyic ta sventa li c'usi melele ja' ta xa'ibicun li jc'ope —xut.

1 Timoteo 1:15

Ja' melel li c'op li'i; ja' tsc'an ac'o yich' ch'unel. Li Jesucristoe i'ay ta banamil, ay scolta jpasmuliletic. Vu'une ech'em la jsa' li jmule; ja' mu sta jech li yantique.

Hebreos 2:14

Jech chac c'u cha'al oy xch'ich'al, oy sbec'tal li xnich'nabtaque, ja' no'ox jech ic'ot ec li stuque. Ja' yu'un c'alal ichame, la slajesbe o stsatsal li boch'o sventainoj lajele, ja' li pucuje.

Hebreos 5:7

C'alal ja'o yorail yich'oj sbec'tal li Cristoe, ep la sc'an vocol; ta ya'lel sat xvocolet ta stojol li Dios ti ja' xu' yu'un chiscoltautic ta sventa lajele. I'aybat sc'op ta sventa ti jun yo'nton laj yich' ta muc' li Diose.