San Juan 12:21 - Bible in Tzotzil de Chenalhó with Deuterocanon

²¹ Bat sc'opanic li Felipe liquem ta lum Betsaida te ta Galilea banamile. Jech laj yalbeic: —Tata, chac jq'uel ca'icutic li Jesuse —xutic.

Tzotzil Zinacantan

²¹ Icꞌoponat ti Felipee, jaꞌ ti coꞌol yajchancꞌopoticotic ti Jesuse, ti liquem tal ta jteclum Betsaida ta estado Galileae. ―Totic, ¿mi xuꞌ jcꞌoponticotic li Jesuse? ―xꞌutat.

Bible in Tzotzil de Chamula

²¹ Taje, nopajic ech'el ta stojol ti Felipe ti liquem talel ta Betsaida jteclum ti oy ta Galilea banomile, ti xi xvocoletique: —Yojtot, ta jc'an ta xcojtiquin ca'icutic ti Jesuse.

LEQUIL ACH' C'OP

²¹ Tal sc'oponic ti Felipee, ja' ti liquem tal ta jteclum Betsaida ta yosilal Galileae, isc'anbeic vocol: ―Totic, ta jc'an ta jc'oponticotic ti Jesuse. ―Xutic.

Tzotzil San Andres

²¹ La scꞌoponic li Felipee, jaꞌ li jchiꞌilcutic ta yajchanbalajeltac li Jesuse. Jaꞌ te liquem talel ta Galilea balumil li te ta jteclum Betsaidae. Jech laj yalbeic: ―Tata, chac jcꞌoponcutic li Jesuse ―xutic li Felipee.

Tzotzil de Huixtán

²¹ Ja' laj sc'oponic ti Felipee, ja' jchi'il ti abtel ti liquem tal ti jteclum Betsaida sbi, te oy ti estado Galilea. Hech laj yalbe vocol ti stojol: ―Tote, co'nton jc'opontutic ti Jesuse ―xchiic.

San Juan 12:21 Iomraidhean Croise

San Mateo 11:21

“¡Toj abul aba, lum Corazín! ¡Toj abul aba, lum Betsaida! Ti lajuc yilic la jpas sq'uelubil jtsatsal ec li yanlum cristianoetic te nacajtic ta lum Tiro xchi'uc ta lum Sidón ta vo'one jech chac c'u cha'al laj avilic la jpas li' ta atojolic li vo'oxuque, la sutes yo'ntonic yu'un smulic, la slapic c'u'il sventa at-o'nton, xchi'uc la sbon sbaic ta tanil c'oc' ti jechuque.

San Mateo 2:2

Jech la sjaq'uic: —¿Bu voq'uem xana' li boch'o ta x'och ta ajvalilal avu'unic, vo'oxuc li judiooxuque? Yu'un laj quilbecutic tal sc'analil te ta sloq'ueb c'ac'al, jech litalcutic, tal quich'cutic ta muc' —xiic.

San Juan 1:48

Li Natanaele jech la sjac'be li Jesuse: —¿C'uxi laj avotquinun? —xut. Itac'ov li Jesuse: —Ja'o laj cotquinot ti c'alal te to'ox oyot ta yolon higo, ti c'alal mu'yuc to'ox chbat yic'ot tal li Felipee —xut.

San Juan 6:40

Li Jtot ti la stacun tale, ja' oy ta yo'nton jech chac li'i: Scotol li boch'otic ta xilic ti vu'un Xnich'onun Diose, ti ta xch'unicune, ja' tsc'an ti ac'o sta xcuxlejalic sventa sbatel osile, xchi'uc ti vu'un ta jcha'cuxes scotol ta slajebal c'ac'ale —xi li Jesuse.