San Juan 11:55 - Bible in Tzotzil de Chenalhó with Deuterocanon

⁵⁵ C'alal jutuc xa'ox sc'an sta yorail q'uin Coltael yu'un li judioetique, ep cristianoetic ta jujun lum ibatic ta Jerusalén, yu'un bat yac' sbaic ta lecubtasel ti c'alal mu'yuc to chlic li q'uin Coltaele.

Tzotzil Zinacantan

⁵⁵ Poꞌot xaꞌox sqꞌuinal ti cꞌalal iloqꞌuic ta mozoil ti baꞌyi jtot jmeꞌticotic voꞌoticotic li juriooticotique. Ep jchiꞌilticotic baꞌyi icꞌotic ta Jerusalén, cꞌot xchap sbaic chac cꞌu chaꞌal yaloj ti Rioxe yoꞌ lec xꞌileic o yuꞌun Riox ta qꞌuine.

Bible in Tzotzil de Chamula

⁵⁵ Jutuc xa sc'an xlic ti q'uin Colel yu'un ti israeletique. Yepal no'ox ti jnaclejetic ta banomile ta xbatic ta Jerusalén yo' ta xchapan sbaic ta smesel stusel sbaic jech c'u cha'al liquem yu'unic c'alal mu'yuc to xlic ti q'uine.

LEQUIL ACH' C'OP

⁵⁵ Po'ot xa'ox sq'uinal ti c'alal iloq'uic ta mozoil ti jurioetique, ep crixchanoetic ibatic ta Jerusalen ba yac' sbaic ta lecubtasel chac c'u cha'al tspasulanic c'alal po'ot xa'ox li q'uin Coltaele.

Tzotzil San Andres

⁵⁵ Poꞌot xaꞌox li qꞌuin Coltael cuꞌuncutique. Ep jchiꞌiltac baꞌi ibatic ta Jerusalén, ba yacꞌbeic smoton Dios yoꞌ ta xꞌacꞌbatic perton yuꞌun li smulique, yoꞌ jech xuꞌ ta slajesic li chij sventa li qꞌuin Coltaele.

Tzotzil de Huixtán

⁵⁵ Po'ot xa tsta yorail q'uin cu'untutic. Ja' ti q'uin Pascua sbie c'alal ti jna'tutic ti c'u che'el icoltaat loq'uel ti Egipto ti vo'one ti antiguo jtatamoltutique. Yu'un po'ot xa ti q'uine, oy ep ti jchi'iltaque icajbatic te ti Jerusalén yu'un te chba scaj'ac' sbaic ti lecubtasel yu'un hech lec ac'o ilatuc yu'un ti Diose ti yorail ti q'uine.

San Juan 11:55 Iomraidhean Croise

Génesis 35:2

Li Jacobe laj yalbe ya'ay li yajnil xnich'nabe xchi'uc scotol li boch'otic te xchi'uque: —Loq'uesic scotol li sloc'obal diosetic avich'ojic tale. Atinanic lec; lapo yan ac'u'ic.

Job 1:5

C'alal chcuch yu'unic spasel li q'uine, li Jobe chic'an li xnich'nabe. Sob chliquic ta yoc'omal; chchic' smoton Dios ta sventa li jujun xnich'nabe, yu'un chac' ta lecubtasel ta sventa smulic. Yu'un li Jobe jech snopoj ta yo'nton: “Oy yic'al oy bu tsta smulic; oy bu chchopolc'opojic ta stojol Dios ta yo'ntonic li jnich'nabe”, xi. Ja' yu'un ja' jech la spasilan o.

Salmos 26:6

Pocbil xa lec li jc'obe; mu'yuc xa li jmule, jech xu' xa chinopaj batel ta sts'el li scajleb amotone.

Éxodo 19:10

Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Números 9:10

Li vo'oxuque acotolic c'alal ta amomnich'nabtaquic tsc'an chapasic li q'uin Coltael sventa chavich'icun ta muq'ue. Li boch'o mu'yuc lequic ta sventa ti la spiquic animae xchi'uc li boch'otic nom bu batemique,

Números 9:6

Pero oy jayibuc viniquetic te xchi'uquic, mu'yuc yac'oj sbaic ta lecubtasel ta sventa la spicbeic sbec'tal jun anima, jech muc spasic o li q'uin Coltael ta sc'ac'alil le'e. Li viniquetic le'e ta ora bat sc'opanic li Moisés xchi'uc Aarone.

San Mateo 26:1

C'alal ilaj yo'nton ta lo'il li Jesuse, jech lic yalbe li yajchanc'optaque:

San Mateo 26:2

—Xana'ic ti chib xa c'ac'al sc'an li q'uin Coltaele. Ja' xa yorail chi'ac'at ta c'abal, vu'un ti Xnich'on cristiano lic'ote; ta xisjoc'anicun ta cruz —xut.

Marcos 14:1

Sc'an to'ox chib c'ac'al q'uin Coltael, xchi'uc sq'uinal ta sve'ic pan ti mu'yuc yich'oj svolesubil xch'ute. Li banquilal paleetic xchi'uc li boch'otic lec xchanoj smantal Diose la snopic c'u x'elan xu' ta slo'laic li Jesuse, yu'un jech xu' ta smilic.

San Lucas 22:1

Jutuc xa'ox sc'an sta sc'ac'alil sq'uinal ta sve'ic pan ti mu'yuc yich'oj svolesubil xch'ute, ja' li q'uin Coltael sbie.

San Juan 12:1

Vaquib c'ac'al sc'an q'uin Coltael, ibat yan velta ta Betania li Jesuse. Ja' te yo' bu nacal li Lázaro ti icha'cuxesat loq'uel ta smuquinale.

San Juan 13:1

C'alal yu'un xa ta xlic li q'uin Coltaele, li Jesuse sna'oj ti ja' xa yorail ta scomtsan li banamile ti ta sut batel ta stojol li Stote. Ti c'u x'elan sc'anoj li yu'untac ta sliquebe, ja' jech sc'anoj o c'alal ta slajeb.

San Juan 18:28

Laj yiq'uic loq'uel ta sna Caifás li Jesuse, bat yaq'uic ta cabildo. Bats'i sob ic'otic. Li paleetic xchi'uc xchi'iltaque muc x'ochic ta cabildo, yu'un mu xu' tscap sbaic xchi'uc li yan lum cristianoetique, yu'un jech xu' tsti'ic li ch'ium chij ta sventa q'uin Coltaele.

San Juan 2:13

C'alal jutuc xa'ox sc'an sta sc'ac'alil q'uin Coltael cu'uncutic, vu'uncutic li judiouncutique, ibat ta Jerusalén li Jesuse.

San Juan 2:6

Te oy vacbej yav vo' pasbil ta ton, ja' sventa tslecubtas sbaic jech chac c'u cha'al stalel tspasic li judioetic c'alal tspoc sc'obique. Li jujubej yav vo'e x'och chib oxib muc'tic q'uib vo'.

San Juan 5:1

Ts'acal to la sta sc'ac'alil yan q'uin cu'uncutic, vu'uncutic li judiouncutique. Jech ibat ta Jerusalén li Jesuse.

San Juan 6:4

Jutuc xa sc'an sta yorail q'uin Coltael cu'uncutic, vu'uncutic li judiouncutique.

Hechos 21:24

Ja' xachi'in batel ta ch'ulna, bat ac'o abaic ta lecubtasel achi'uc. Vo'ot xatojbe li c'usi chaq'uic ta smoton Dios jujunique, xchi'uc li stojol sventa chac' ta loq'uel sjolique. Jech tsna'ic o scotol jchi'iltactic ti mu meleluc c'usi albil ta aventae, xchi'uc jech chilic ti chach'un c'usi chal li smantaltac Diose.

Hechos 21:26

Ja' yu'un li Pabloe ta yoc'omal laj yic' batel li chanibique; laj yac' sbaic ta lecubtasel ta ch'ulna. Li Pabloe laj yalbe ya'yic bu ora tsts'aqui yu'unic ti chac' sbaic ta lecubtasele, yu'un jech xu' ta xac'beic smoton Dios jujunic.

Hechos 24:18

C'alal ja'o jech ta jpase, te c'ot staicun jayibuc jchi'iltac ta judioal liquemic ta Asia banamil. Lecubtasbilun xa'ox ta ch'ulna la staicun. Mu'yuc boch'o ep te jchi'uc; mu'yuc ta jliques c'op c'ot staicun.

1 Corintios 11:28

Ja' yu'un li jujunoxuque a'yo abaic lec c'u xa'elanic ti c'alal chave'ic li pane, xchi'uc c'alal chavuch'ic li ya'lel ts'usube.

Santiago 4:8

Nopajanic ta stojol li Diose, jech chnopaj ta atojolic ec. Comtsanic c'usitic chopol chapasic vo'oxuc jpasmuliletic. Lecubtaso avo'ntonic vo'oxuc ti cha'jot bu avac'oj avo'ntonique.

1 Samuel 16:5

Itac'ov li Samuele: —Tal, yu'un tal jmilbe smoton Muc'ul Dios. Lecubtaso abaic, bat chi'inicun ta smilbel smoton li Muc'ul Diose —xut. Li Samuele te lic slecubtas li Isaí xchi'uc xnich'nabe; laj yalbe ti ac'o bat chi'inatuc ta smilbel smoton Muc'ul Diose.