San Juan 11:52 - Bible in Tzotzil de Chenalhó with Deuterocanon

⁵² Pero muc ja'uc no'ox chcham ta sventa li jun lum israeletique. Ja' sventa noxtoc ti xu' tstsob tal scotol xnich'nab Dios ti buyuc no'ox oyic ta sbejel banamile.

Tzotzil Zinacantan

⁵² Mu jtucticoticuc noꞌox ijqꞌuexolinticotic. Jaꞌ ijqꞌuexolintic jcotoltic ta sjunlej balamil voꞌotic ti chquichꞌtic ta mucꞌ ti Rioxe, yechꞌo ti jtos xa noꞌox licꞌototic oe.

Bible in Tzotzil de Chamula

⁵² Yu'un ma'uc no'ox ta xcham ta sventa ti israeletique, yu'un ja' ta xc'ot ta sventa stsobel scotol xnich'nab ti Dios ti buyuc no'ox tanijemic batele.

LEQUIL ACH' C'OP

⁵² ma'uc no'ox ta scuenta li jun nación li'i, ja' noxtoc ta scuenta ta stsob tal scotol li xch'amaltac Riox ti butic tanijemique.

Tzotzil San Andres

⁵² Pero li Jesuse maꞌuc noꞌox snopoj ti ta xcham ta jcojcutic, joꞌoncutic li jꞌisraeluncutique. Jaꞌ ta xcham ta sventa scotol li buchꞌutic ta xichꞌic ta mucꞌ Dios li butic noꞌox oyic ta spꞌejel li balumile, yoꞌ jech jmojutic xa jcotoltic.

Tzotzil de Huixtán

⁵² Ma'uc no'ox chcham cu'untutic ho'ontutic ti judiountutique, ja' chcham yu'un scotol yol xnich'nab ti Diose ti buc no'ox oyic ti sjoylejal balumil, hech jun no'ox chijc'otucutic jcotoltic.

San Juan 11:52 Iomraidhean Croise

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

Salmos 22:15

Li jtsatsale itaquij xa jech chac c'u cha'al ti'bin; li coq'ue la spac' xa sba ta jpac'o. Ta xa xicham avu'un chca'ay.

Salmos 22:27

Scotol li jaychop cristianoetic oy ta sbejlijil banamile chlic sna'ic li Muc'ul Diose, chlic talicuc ta stojol, chlic yich'ic ta muc', chlic squejan sbaic ta stojol.

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Isaías 49:18

Toyo avil asat ta jujujot; le' xa xtalic li boch'otic tsutic tal ta atojole. “Vu'un li Muc'ul Diosun ti cuxulun oe, jech chcal ta jamal ta jbi jtuc: Scotol le'e ja' jech chc'otic ta atojol jech chac c'u cha'al ac'u' apoc' ti toj c'upilic sbae, jech chac c'u cha'al sc'u' spoc' jun tseb ti c'alal chnupine.

Isaías 49:6

Jech chal: “Mu xu' o ti ja' no'ox chacom ta cajtunel sventa ta jtsob tal yan velta sts'unubal li Jacobe, sventa ta jliques yan velta ti c'u to yepal comenic sts'unubal li Israele. Ja' yu'un ta xcac' noxtoc ti vo'ot luz chac'ot ta yantic banamile, yu'un vo'ot chavich' batel c'alal to ta sti'iltac banamil li coltaele”, xiyutun.

Isaías 55:5

A'yo ava'yic, vo'ot oy ta aventa chaviq'uic tal ep cristianoetic ti mu xavotquinique; ep cristianoetic mu xayotquinoxuc ch-anilajic tal ta atojolic. Ti jech chc'ot ta pasele, vu'un ta jventa, vu'un li Muc'ul Diosun avu'une; vu'un li Ch'ul Diosun yu'un Israele, yu'un chacac'ot ta ich'el ta muc'”, xi li Muc'ul Diose.

Isaías 56:8

Vu'un ta xcal ta jamal jtuc ti ta xcac' suticuc tal, ti ta xcac' stsob sbaic yan velta li boch'o chucbilic batel ta yantic banamile”, xi li Muc'ul Diose.

Isaías 60:4

Toyo avil asat, q'uelo avil ta joyob; scotolic jmoj tstsob sbaic tal, yu'un chtalic ta atojol. Li aqueremetique le' xa xtal xchi'uquic ta nome; li atsebetique lec cuchbil chtalic.

Ezequiel 34:12

Jech chac c'u cha'al jun jchabichij ti tsots sc'oplal cha'ay li xchijtac ti butic tanpuc batemique, ja' jech tsots sc'oplal chca'ay ec li jchijtaque. Chbat quic' sutel tal ti bu la spuc sbaic batel ta scoj ti oy jun c'ac'al i'ic'ub osil, ti imac ta toc li banamile.

Oseas 1:10

Pero ta to sta sc'ac'alil, li israeletique ja' jech yepal chbatic jech chac c'u cha'al yi' ta ti'nab ti mu stac' atel, ti mu stac' bisele. Li xq'uexol ti jech to'ox laj yich'ic albele: “Li vo'oxuque muc xa jteclumalucoxuc”, ti x'utatique, jech chlic albaticuc: “Vo'oxuc xnich'naboxuc cuxul Dios”, x'utatic.

San Lucas 15:8

“Me oy jun ants oy lajuneb dracma staq'uine, me ich'ay junuc yu'une, ¿me mu tstsan stoj, xchi'uc me mu tsmes lec sna, yu'un ta st'un li staq'uin ich'ay yu'une? ¿Me mu ja'uc to chlaj yo'nton c'alal me la stae?

San Lucas 2:32

Ja' sac osil chc'ot yu'unic ec li yanlum cristianoetique; ja' slequilalic chc'ot li ateclumal Israele”, xi li Simeone.

San Juan 1:12

Yan li boch'otic la sc'anic, ti laj yich'ic ta muq'ue, i'albatic ti xnich'nab Dios xa ic'otic oe.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

San Juan 10:16

Jech noxtoc oy to yantic jchijtac ti muc li'uc oyic ta corale. Le'e ta ono'ox xquic'an tal ec. Ta xa'ibicun jc'op; jun no'ox scoralil chc'ot scotol, xchi'uc jun no'ox jchabivanej chc'ot yu'unic.

San Juan 12:32

C'alal chquich' joc'anel ta cruze, ja' jech ta xquic'an tal ta jtojol scotol li cristianoetique —xi li Jesuse.

Hechos 18:10

Vu'un ta jchi'inot. Me junuc mu'yuc boch'o xu' chac' sc'ob ta atojol sventa oy c'usi chaspasbicot, yu'un oy ep cu'untac li' ta lume”, x'utat.

Romanos 3:29

Li Diose ¿me ja' no'ox Dios yu'un li judioetique? ¿Me mu ja'uc Dios yu'unic ec li yanlum cristianoetique? Ta melel ja' Dios yu'unic ec li yanlum cristianoetique.

Romanos 4:17

Yu'un jech ts'ibabil ta sc'op Dios: “Vo'ot stotot ep ta chop cristianoetic chac'ot cu'un”, x'utat yu'un li Diose. Ja' li Dios ti oy xch'unojel yo'nton ta stojole, ti xu' yu'un ta xcha'cuxes li boch'otic chamenique, xchi'uc ti xu' yu'un chac' ayinuc li c'usitic mu'yuc to'oxe.

Efesios 1:5

Nopbil ono'ox yu'un ti chijc'ot ta mero xnich'on ta sventa li Jesucristoe, yu'un jech la sc'an ta slequil yo'nton stuc.

Efesios 3:11

Yu'un jech ono'ox oy o ta yo'nton li Diose, jech laj yac' c'otuc ta pasel ta sventa li Cristo Jesuse, ja' li Cajvaltique.

Santiago 1:1

Vu'un Santiagoun,, vu'un yajtunelun Dios xchi'uc li Cajvaltic Jesucristoe. Chabanuc chacalboxuc tal vo'oxuc li lajcha'chop sts'unubaloxuc Israel ti butic puquemoxuc batel ta yantic banamile.

1 Pedro 1:1

Vu'un Pedroun, yajtacbolalun li Jesucristoe, chabanuc chacalboxuc tal, vo'oxuc ti te puquemoxuc batel ta Ponto, ta Galacia, ta Capadocia, ta Asia, xchi'uc ta Bitinia banamile.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.

1 Juan 3:1

A'yo ava'yic, toj ep la sc'anutic li Jtotic Diose, jech “jnich'nabtac” xijyututic. Ta melel vu'utic xnich'nabutic. Ja' yu'un li boch'otic ja' batem yo'ntonic ta sventa banamile mu xijyotquinutic, yu'un mu'yuc yotquinojic li Diose.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

1 Juan 3:2

Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.