San Juan 11:42 - Bible in Tzotzil de Chenalhó with Deuterocanon

⁴² Li vu'une ta jna' ti scotol c'ac'al chava'ibun jc'ope. Ti jech ta xcalbote, ja' ta scoj li epal cristianoetic li' setelique, yu'un jech ac'o xch'unic ti vo'ot laj atacun tale —xi.

Tzotzil Zinacantan

⁴² Jnaꞌoj ti scotol cꞌacꞌal chavaꞌie. Ti xꞌelan chacalbee, jaꞌ yoꞌ xaꞌiic o li muchꞌutic liꞌ nopol vaꞌajtique, yoꞌ xchꞌunic o ti voꞌot atacon tale ―xi.

Bible in Tzotzil de Chamula

⁴² Jna' ti ta ono'ox xava'ibun ti jc'ope. Jech ta xcal un, yo' ta xc'ot ta sventa slequilal yutsilal ti jnaclejetic li' oyique, yo' ta xc'ot ta yo'ntonic ta xch'unel ti vo'ot laj atacun talele.

LEQUIL ACH' C'OP

⁴² Jna'oj ti scotol c'ac'al chava'ibone, ti x'elan chcale, ja' ta scuenta slequilal li crixchanoetic li'i, ja' yo' xch'unic o ti vo'ot atacon tale. ―Xi.

Tzotzil San Andres

⁴² Jnaꞌoj ti scotol cꞌacꞌal chavaꞌibun li jcꞌope. Jech chacalbe yoꞌ acꞌo yaꞌiic eꞌuc li buchꞌutic liꞌ nopol vaꞌalique yoꞌ ta schꞌunic o ti joꞌot la atacun talele ―xi.

Tzotzil de Huixtán

⁴² Jna' ti scotol c'ac'al chatsacbun jc'op. Hech chcal yu'un ac'o ya'yic ti much'utic nopol va'ajtic li'to yu'un hech chch'unic ti ho'ot laj atacun talele ―xchi.

San Juan 11:42 Iomraidhean Croise

San Mateo 26:53

¿Me yu'un chanop ti mu xu' cu'un ta jc'opan Jtot yu'un ac'o stacbun tal ech'em ta lajuneb xchanvinic (70,000) ta mil j'almantaletic yu'un chiscoltaune?

San Juan 11:22

Pero jna'oj noxtoc, scotol c'usi chac'anbe li Diose ta xac'bot —xi.

San Juan 11:31

Li judioetic ti te talemic ta spatbel yo'nton li Marta xchi'uc Mariae, c'alal laj yilic iloc' batel ta anil li Mariae, te nabal ibatic. Jech laj yalic: —Yu'un bat oc'uc ta smuquinal li xi'mele —xiic.

San Juan 11:43

C'alal laj yal jeche, tsots i'avan li Jesuse: —¡Lázaro, loc'an tal! —xi.

San Juan 12:11

Yu'un ja' ta scoj ti ep cristianoetic tsvoc' sbaique, ti ja' chch'unic li Jesuse.

San Juan 12:17

Li cristianoetic ti te xchi'uquic Jesús c'alal la xcha'cuxes Lazaroe, la spuquic batel c'usi la spas li Jesuse.

San Juan 17:21

Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

San Juan 17:25

Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

San Juan 17:8

Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

San Juan 20:31

Ti c'u yepal laj yich' ts'ibael li'i, ja' sventa ac'o ach'unic ti ja' Cristo li Jesuse, ti ja' Xnich'on Diose. Yu'un me chach'unique, chacuxiic o sbatel osil ta sventa.

San Juan 3:17

Ti la stac tal li' ta banamil Xnich'on li Diose, mu yu'unuc tal yac'be stoj smul li cristianoetique. Ja' tal scolta.

San Juan 8:16

Me chcal vu'un ti oy boch'o oy smule, yu'un melel o. Yu'un mu vu'cun no'ox chcal jtuc; ja' jech chal ec li Jtot ti la stacun tale.

San Juan 8:29

Yu'un li boch'o la stacun tale, li' xchi'inojun o. Mu'yuc bu chiscomtsanun jtuc, yu'un ja' ta jpasbe scotol c'ac'al li c'usi lec chile —xi li Jesuse.

San Juan 8:42

Li Jesuse jech laj yalbe: —Ti ja'uc atotic li Diose, chac'anicun ti jechuque. Yu'un li vu'une te liquemun tal ta stojol li Diose. Muc ta co'ntonuc jtuc ti litale. Ja' la stacun tal li Diose.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

Gálatas 4:4

Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot.

Hebreos 5:7

C'alal ja'o yorail yich'oj sbec'tal li Cristoe, ep la sc'an vocol; ta ya'lel sat xvocolet ta stojol li Dios ti ja' xu' yu'un chiscoltautic ta sventa lajele. I'aybat sc'op ta sventa ti jun yo'nton laj yich' ta muc' li Diose.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.

1 Juan 4:14

Li vu'uncutique laj quil jtuccutic ti la stac tal Xnich'on li Jtotic Diose sventa tal scolta li cristianoetic li' ta banamile.