San Juan 11:40 - Bible in Tzotzil de Chenalhó with Deuterocanon

⁴⁰ Li Jesuse jech laj yalbe: —Laj xa calbot ti me chach'une, chavilbe slequilal li Diose —xut.

Tzotzil Zinacantan

⁴⁰ ―Lacalbe onox mi chachꞌune chavil cꞌu xꞌelan slequilal syuꞌelal ti Rioxe ―xꞌutat yuꞌun ti Jesuse.

Bible in Tzotzil de Chamula

⁴⁰ Xi laj yal ti Jesuse: —Mi ta xc'ot ta avo'ntone, ta xavilbe yutsilal slequilal Dios, ¿mi mu xacutot?

LEQUIL ACH' C'OP

⁴⁰ Itac'bat yu'un ti Jesuse: —¡Mi muc' bu lacalbe ti mi chach'une, chavilbe slequilal syu'elal Riox? ―X'utat.

Tzotzil San Andres

⁴⁰ Li Jesuse jech laj yalbe: ―Laj xa calbot ti mi chachꞌun ti joꞌon Jcoltavanejune jech chavil o li cꞌu sba li stsatsal sjuꞌel li Diose ―xi li Jesuse.

Tzotzil de Huixtán

⁴⁰ Ti Jesuse hech laj yalbe: ―Laj calbot ti mi chach'une, hech chaq'uel ti jelaven sp'ijil ti Diose, xacut ―xchi ti Jesuse.

San Juan 11:40 Iomraidhean Croise

2 Crónicas 20:20

Ta yoc'omal sob iliquic. La stam batel sbeic; ibatic ta xocol banamil Tecoa. C'alal chloq'uic xa'ox batele, te lic sva'an sba li Josafate, jech laj yal: “Judaetic xchi'uc jnaclumetic ta Jerusalén, a'yic c'usi ta xcal: Ja' no'ox pato avo'ntonic o ta stojol li Muc'ul Dios cu'untique, jech jbel sc'oplal lec oyoxuc o. Xchi'uc pato avo'ntonic ta stojol li j'alc'opetic avu'unique, jech lec chbat scotol li c'usitic chapasique”, xi.

Salmos 63:2

Yu'un ta jc'an ta jq'uel avu'el xchi'uc avutsilal, jech chac c'u cha'al laj to'ox jq'uelot te ta ach'ulnae.

Salmos 90:16

Ac'bun quilcutic avabtel vu'uncutic li avajtuneluncutique; ac'bun quilcutic alequilal c'alal ta jmomnich'nabcutic.

Éxodo 16:7

Sob oc'ome chavilbeic slequilal li Muc'ul Diose, yu'un laj ya'ay ti chachopolc'opojic ta stojole. Li vu'uncutique ¿c'usi xu' cu'uncutic ec ti chachopolc'opojic ta jtojolcutique? —xut.

San Mateo 17:20

Itac'ov li Jesuse: —Ja' ta scoj ti mu'yuc to lec ach'unojique. Melel li c'usi chacalboxuque, me oy xa xch'unojel avo'ntonic jech chac c'u cha'al biq'uit bec' moztasae, xu' avu'unic jech chavalbeic li vits li'i: ‘Loc'an batel li'i, batan le'e’, me xavutique, ta xbat avu'unic. Mu'yuc c'usi ti mu xu' avu'unique.

Marcos 9:23

Li Jesuse jech laj yalbe: —Me chach'une, xu'. Yu'un scotol xu' tspasbat li boch'o ta xch'une —xi.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 11:4

C'alal laj ya'ay li Jesuse, jech laj yal: —Li chamel ip cha'ye mu ja'uc sventa ta xcham o. Ja' no'ox sventa ac'o ich'atuc ta muc' li Diose, xchi'uc ac'o ich'atuc ta muc' ec li Xnich'on Diose —xi.

San Juan 12:41

C'alal jech laj yal li Isaiase, ja'o ti c'alal laj yilbe slequilal yutsilale, ja' yu'un jech laj yalbe sc'oplal.

San Juan 9:3

Itac'ov li Jesuse: —Muc ta scojuc smul, xchi'uc muc ta scojuc smul stot sme'. Ti jech ma'sat ivoq'ue, yu'un jech ac'o vinajuc o stsatsal Dios ta sventa.

Romanos 6:4

Ta sventa ti laj quich'tic vo'e, co'ol lijmucatutic jchi'uctic Cristo noxtoc. Ta sventa ti lijchamutique, jech xu' chijcha'cuxiutic noxtoc jech chac c'u cha'al icha'cuxesat ta stsatsal Dios li Cristoe, jech ach' xa jtaleltic chquich'tic.

2 Corintios 3:18

Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.