San Juan 11:4 - Bible in Tzotzil de Chenalhó with Deuterocanon

⁴ C'alal laj ya'ay li Jesuse, jech laj yal: —Li chamel ip cha'ye mu ja'uc sventa ta xcham o. Ja' no'ox sventa ac'o ich'atuc ta muc' li Diose, xchi'uc ac'o ich'atuc ta muc' ec li Xnich'on Diose —xi.

Tzotzil Zinacantan

⁴ Cꞌalal iyaꞌi ti Jesuse ―Li chamel taje mu xcham o. Jaꞌ noꞌox yoꞌ xꞌichꞌe o ta mucꞌ ti Rioxe, yoꞌ xiꞌichꞌe o ta mucꞌ uque, voꞌon li Xchꞌamalone ―xi.

Bible in Tzotzil de Chamula

⁴ Xi laj yal ti Jesús c'alal laj ya'ie: —Ti jech ip ta xa'ie, mu xcham o xchi'uc. Ja' ta xc'ot ta pasel yo' ta svinajes yutsilal slequilal ti Dios ta stojole, xchi'uc ta svinajesel yutsilal slequilal Xnich'onun ti Diose.

LEQUIL ACH' C'OP

⁴ Ti c'alal iya'i ti Jesuse, ja' yech iyal chac li'i: —Li chamel taje mu xcham o, ja' no'ox yo' x'ich'e o ta muc' ti Rioxe, xchi'uc yo' x'ich'e o ta muc' ti Xch'amal Rioxe. ―Xi.

Tzotzil San Andres

⁴ Cꞌalal iyaꞌi li Jesuse, jech laj yal: ―Li schamele mu xcham o. Jaꞌ noꞌox ta sventa acꞌo ichꞌeuc ta mucꞌ li Diose, schiꞌuc acꞌo xiꞌichꞌe ta mucꞌ eꞌuc, joꞌon li Snichꞌonun li Diose ―xi.

Tzotzil de Huixtán

⁴ C'alal laj ya'i ti Jesuse, hech laj yal: ―Yu'un ti itsacat ti chamele, mu yu'unuc ja' sventa j'ech'el chcham o. Ja' sventa no'ox ch-ac'at ti pasel ti muc' ti Diose. Ja' no'ox yu'un hech chi'ac'at ti pasel ti muc' ti ho'on ti Snich'onun ti Diose ―xchi.

San Juan 11:4 Iomraidhean Croise

Éxodo 16:7

Sob oc'ome chavilbeic slequilal li Muc'ul Diose, yu'un laj ya'ay ti chachopolc'opojic ta stojole. Li vu'uncutique ¿c'usi xu' cu'uncutic ec ti chachopolc'opojic ta jtojolcutique? —xut.

San Juan 10:38

Pero me ja' yabtel ta jpasbe chavilique, ac'o me mu xach'unicun li vu'une, ch'unic ta sventa li cabtel ta jpase, yu'un jech chana'ic o ti li' oy ta jtojol li Jtote, xchi'uc ti oyun ta stojol eq'ue —xi li Jesuse.

San Juan 11:40

Li Jesuse jech laj yalbe: —Laj xa calbot ti me chach'une, chavilbe slequilal li Diose —xut.

San Juan 12:28

Ja' yu'un jech no'ox la sc'opan Dios li Jesuse: ‘Tati, ich'biluc ta muc' li abie’, xut. Jech oy boch'o ic'opoj ta vinajel, jech laj yal: “Laj xa cac' ta ich'el ta muc' ta aventa li jbie, pero ta to xcac' ta ich'el ta muc' yan velta”, xi.

San Juan 17:1

C'alal laj yal jech li Jesuse, la stoy muyel sat ta vinajel, jech laj yal: “Tati, laj xa sta sc'ac'alil, jech ac'un me ta ich'el ta muc', vu'un li Anich'onune, jech cha'ich'at ta muc' ta jventa ec.

San Juan 17:10

Scotol li cu'untaque ja' avu'un ec. Li avu'untaque ja' cu'une ec. Jech ich'bilun xa ta muc' ta sventaic.

San Juan 17:5

Ja' yu'un Tati, ac'bun xa yan velta jlequilal cutsilal te ta atojol jech chac c'u cha'al jlequilal cutsilal te ta atojol ti c'alal mu'yuc to'ox li banamile.

San Juan 2:11

Le'e ja' sba sq'uelubil stsatsal laj yac' ta ilel Jesús ti c'alal te oy ta Caná ta Galilea banamile. Jech ivinaj o slequilal yutsilal. Jech i'ayin lec xch'unojel yo'ntonic ta stojol li yajchanc'optaque.

San Juan 5:23

Yu'un jech ac'o ich'atcun ta muc', jech chac c'u cha'al ich'bil ta muc' li Jtote. Li boch'otic mu xiyich'icun ta muc' vu'un li xnich'onune ja' mu xich'ic o ta muc' li Jtot ti la stacun tale.

San Juan 8:54

Itac'ov li Jesuse: —Ti vu'cun no'ox jtuc ta xcac' jba ta ich'el ta muq'ue, mu'yuc c'usi xloc' o. Pero ja' chiyac'un ta ich'el ta muc' ec li Jtote, ja' li Dios avu'un acuyojique.

San Juan 9:24

Jech laj yiq'uic yan velta li vinic ti ma'sat to'oxe. Jech laj yalbeic: —Na'o ti cha'ay Dios li c'usi chavale. Yu'un li vu'uncutique jna'ojcutic lec ti ja' jpasmulil li vinic chavale —xutic.

San Juan 9:3

Itac'ov li Jesuse: —Muc ta scojuc smul, xchi'uc muc ta scojuc smul stot sme'. Ti jech ma'sat ivoq'ue, yu'un jech ac'o vinajuc o stsatsal Dios ta sventa.

Romanos 11:11

Ja' yu'un jech ta jac': ¿Me yu'un j'ech'el iyalic o ta lum c'alal la sbosi yacanic li israeletique? ¡Mo'oj! Ta scoj ti muc xch'unique, yu'un jech ja' ac'o c'otuc coltael ta stojol li yanlum cristianoetique, jech ac'o it'ixajuc yo'ntonic li israeletique.

Filipenses 1:11

Jech noxtoc ja' ac'o apasic li c'usitic tuc' ta pasele, ja' ta sventa Jesucristo xu' avu'unic, jech ch-ich'at ta muc', jech lec chbat sc'oplal avu'unic li Diose.

Filipenses 1:20

Jun co'nton jch'unoj o, jmalaoj chc'ot ta pasel, muc alticuc chcac'be jba q'uexlal. Ta sventa ti mu xlaj o li stsatsal co'ntone jech ch-ich'at ta muc' Cristo ta jventa jech chac c'u cha'al ono'oxe, ac'o me cuxulun to, o me chicham.

1 Pedro 1:21

Ja' ta sventa ti laj ach'unic Diose, yu'un li Diose la xcha'cuxes loq'uel ta smuquinal, xchi'uc laj yac'be slequilal yutsilal. Ja' yu'un li vo'oxuque jun avo'ntonic ach'unojic li Diose xchi'uc apatoj avo'ntonic ta stojol.

1 Pedro 4:11

C'alal me oy boch'o chc'opoje, ja' ac'o yal jech chac c'u cha'al chal li sc'op Diose. Me oy boch'o tsc'an ta xtune, ac'o spas ti c'u x'elan stsatsal ac'bil yu'un Diose. Scotol li c'usitic chapasique, ac'o ja'uc sventa ch-ich'at ta muc' Dios avu'unic ta sventa li Jesucristoe, yu'un ja' no'ox ich'bil ta muc', ja' no'ox oy svu'el sbatel osil. Jechuc.

1 Pedro 4:14

Cuxetuc no'ox avo'ntonic me oy boch'o chaxchopolc'optaoxuc ta scoj li Cristoe, yu'un li Ch'ul Espíritu yu'un Dios ti toj ech'em slequilale te xchi'inojoxuc o.