San Juan 11:2 - Bible in Tzotzil de Chenalhó with Deuterocanon

² Li Mariae ja' ti la smalbe muil poxil ta yacan li Cajvaltique, xchi'uc ti la scusbe ta stsotsil sjole. Ja' yixlal li Lázaro ti ip cha'ye.

Tzotzil Zinacantan

² Ti Maríae jaꞌ ti tsꞌacal to ismalbe muil nichim ta yoc ti Cajvaltic Jesuse, ti iscusbe ta stsatsal sjole. Jaꞌ stsebal ti Lázaroe.

Bible in Tzotzil de Chamula

² Ti María taje, ja' ti buch'u laj smalbe muil poxil ta yoc ti Cajvaltique, ti laj staquintas ta stsotsil sjole, xchi'uc ja' yixlel ti Lázaro ti ip ta xa'ie.

LEQUIL ACH' C'OP

² Ti Maríae ja' stsebal ti Lázaroe ja' ti much'u ismalbe perfume ta yoc ti Cajvaltique, ti iscusbe ta stsatsal sjole.

Tzotzil San Andres

² Li Maríae jaꞌ li tsꞌacal to la smalbe muil vomol ta yoc li Cajvaltique schiꞌuc ti la scusbe yoc ta stsotsil sjole. Jaꞌ yixlel li Lázaroe.

Tzotzil de Huixtán

² Ja' ono'ox ti María ti patil lic smalbe perfume ti yacan ti Cajvaltique, ti lic scusbe yacan ti stsotsil sjole. Ti much'u tsacbil ti chamele, ja' ti Lázaroe, ja' ximel ti Maríae.

San Juan 11:2 Iomraidhean Croise

Marcos 14:3

C'alal te oy ta Betania li Jesuse, te oy ta sna li Simón ti tsacbil to'ox ta c'a'el chamele. C'alal te chve' ta mexa li Jesuse, te ital jun ants yich'oj tal jun limita muil poxil nardo sbi. Li slimitaile pasbil ta alabastro ton. Bats'i toyol stojol. La svoc' li yavile; la smalbe ta sjol Jesús li sbele.

San Lucas 7:13

C'alal laj yil li Cajvaltique, toj abul sba laj yil li antse. Jech laj yalbe: —Mu xa'oc' —xut.

San Lucas 7:19

la stac batel yo' bu oy li Jesuse. Jech laj yalbe: —Bat jac'beic Jesús me ja' li boch'o sc'oplal ono'ox chtale, o me ta to jmalatic yan —xut batel.

San Juan 11:21

Li Martae jech laj yalbe li Jesuse: —Cajval, li'uc oyot c'alal i'ipaj li jxi'mele, muc xcham ti jechuque.

San Juan 11:3

Li yixlaltac Lazaroe la staquic ta iq'uel li Jesuse, jech laj yalbeic: —Cajval, ip cha'ay li Lazaroe, ja' ti lec ac'anoj aba achi'uque —xutic c'otel.

San Juan 11:32

Li Mariae ic'ot yo' bu oy li Jesuse. C'alal laj yile, la spatan sba ta banamil ta stojol. Jech laj yalbe: —Cajval, li'uc oyot c'alal i'ipaj li jxi'mele, muc xcham ti jechuque —xi.

San Juan 12:3

Li Mariae laj yich' tal o'lol litro muil poxil, nardo sbi. Ven toyol stojol, yu'un ja' li bats'i nardoe. La xjaxbe ta yacan li Jesuse; ts'acal la scus ta stsotsil sjol. Li yic' muil poxile ipuc ta sbejel yut na.

San Juan 13:13

Li vo'oxuque, ‘Jchanubtasvanej, Cajval’, xavuticun. Lec ti jech chavalbicune, yu'un vu'un ta melel.

San Juan 13:14

Pero me la jpocboxuc avacanic, vu'un li Avajvalicun, vu'un li Jchanubtasvanejun avu'unique, ja' tsc'an ec ti jech chapocbe aba avacanic li vo'oxuque.