San Juan 10:6 - Bible in Tzotzil de Chenalhó with Deuterocanon

⁶ Ja' jech x'elan lo'il laj yal li Jesuse. Pero muc xa'ibeic smelol c'usi sventa ti jech laj yale.

Tzotzil Zinacantan

⁶ Jaꞌ yech iyal loꞌil ti Jesuse. Ti jchiꞌiltaque muc xaꞌibeic smelol ti cꞌusi iꞌalbatique.

Bible in Tzotzil de Chamula

⁶ Jech laj sbabac'opta ti Jesuse. Mi ja'uc laj ya'ibeic ti smelol ti va'i s'elan laj yale.

LEQUIL ACH' C'OP

⁶ Ja' yech li lo'il iyal ti Jesuse, pero muc' xa'ibeic smelol ti c'usi i'albatique.

Tzotzil San Andres

⁶ Jaꞌ jech laj yal ta loꞌil li Jesuse. Li jchiꞌiltaque muc bu xaꞌibeic smelol li cꞌusi iꞌalbatic yuꞌun li Jesuse.

Tzotzil de Huixtán

⁶ Hech oy ti lo'il laj yac' ti a'yel ti Jesuse. Ti jchi'iltaque muc xa'ibeic sjam ti c'u che'el i'albat yu'un ti Jesuse.

San Juan 10:6 Iomraidhean Croise

Salmos 106:7

Li jmoltot jyame'cutic te ta Egiptoe mu'yuc tsots sc'oplal ta yo'ntonic li sq'uelubiltac atsatsal laj apase. Ich'ay ta yo'ntonic ti toj ep c'uxubinel avu'une; la stoy sbaic ta atojol te ta ti' Tsajal Nab.

Salmos 82:5

“Li vo'oxuque mu xava'yic, mu xc'ot ta avo'ntonic, yu'un ta ic'al osil chaxanovic; ta soc xa avu'unic banamil ta scoj ti mu'yuc tuc' chachapanvanique”, xi.

Proverbios 28:5

Li boch'o chopolique mu xa'ibeic smelol li c'usi tuq'ue; yan li boch'o ja' ta sa'ic Muc'ul Diose lec cha'ibeic smelol scotol.

Isaías 56:11

Ja' jechic jech chac c'u cha'al ts'i' ti mu xnoj xch'utic ta ve'ele. Ja' jchabichijetic ti mu j'ech'el xa'ibeic o smelole. Ja' stamojic o li sbe stuquique; ja' no'ox tsa'ic c'usi lec cha'ay stuquic.

Daniel 12:10

Ep boch'otic lecubenic, sacubenic, jun yutsilic chcomic. Li boch'otic chopol yo'ntonique ja' tspasic o batel li xchopolilique. Li boch'otic chopolique me junuc mu xa'ibeic o smelol li c'usi chc'ot ta pasele. Yan li boch'otic bijique cha'ibeic smelol.

San Mateo 13:34

Li Jesuse ta puru lo'il c'op la sc'opan li cristianoetique. C'alal me mu'yuc lo'il c'ope, mu'yuc ichanubtasvan.

San Mateo 13:51

Li Jesuse jech la sjac'be li yajchanc'optaque: —¿Me laj ava'ibeic smelol scotol li c'usi laj cale? —xi. —Laj ca'icutic, Cajval —xutic.

Marcos 4:34

Me mu'yuc lo'iletique, mu'yuc la ichanubtasvan. Yan li yajchanc'optaque laj yalbe ya'yic smelol ti c'alal stuquic xae.

San Juan 16:25

“Scotol li c'usi laj calboxuque ta lo'il c'op no'ox laj calboxuc. Pero ta sta yorail ti muc xa ta lo'il c'opuc chajc'opanoxuque; jamal chacalboxuc ava'yic sc'oplal li Jtotic Diose.

San Juan 16:29

Li yajchanc'optaque jech laj yalbeic: —Li' ta orae jamal xa laj avalbuncutic; muc xa ta lo'il c'opuc chac'opoj.

San Juan 6:52

Li judioetique jech laj yalilanbe sbaic: —¿C'u x'elan xu' ta xac'butic jve'tic li sbec'tal chale? —xut sbaic.

San Juan 6:60

C'alal laj ya'yique, ep j'a'yejc'opetic yu'un Jesús jech laj yalic: —Toj tsots ta a'yel li sc'ope. ¿Boch'o xu' cha'ibe smelol? —xiic.

San Juan 7:36

¿C'usi smelol ti jech laj yale: ‘Ta to xasa'icun, pero mu xataicun. Yo' bu chic'ote mu xu' chac'otic te ec li vo'oxuque’, ti xijyututique? —xut sbaic.

San Juan 8:27

Muc xa'ibeic o smelol ti ja' laj yalbe sc'oplal li Dios Totile.

San Juan 8:43

¿C'u yu'un mu xava'ibeic smelol li c'usi chacalboxuque? Ja' ti yu'un ono'ox mu xac'an xava'yic c'usi chcale.

1 Corintios 2:14

Yan li boch'o tojol cristianoetic no'oxe mu xc'ot ta yo'ntonic c'alal chcalbecutic li c'usitic ja' sventa Espíritu yu'un Diose. Bol lo'il no'ox cha'yic, yu'un mu xa'ibeic o smelol, yu'un tsc'an lec nopel ta sventa Ch'ul Espíritu.

2 Pedro 2:22

Ja' jech chc'ot ta pasel yu'un jech chac c'u cha'al chal ta bic'tal chanubtaseletic ti ja' melele: “Li ts'i'e chbat slo' yan velta li xee”, xi. Jech chich' alel noxtoc: “Li me'chitom ti ja' to laj yich' atintasele chbat sbon sba ta ach'el yan velta”, xi sc'oplal.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.