San Juan 10:4 - Bible in Tzotzil de Chenalhó with Deuterocanon

⁴ C'alal me laj xa sloq'ues scotol li xchije, ja' ba'yucbe ta xbat. Te stsalet batel ta spat li xchije, yu'un cha'ibeic ta snuc' ti ja' yajvalique.

Tzotzil Zinacantan

⁴ Mi laj sloqꞌues ti jaycot xchij jujun jchabichije, jaꞌ chjelav li jchabichije, jaꞌ napꞌal chbat li chije yuꞌun xaꞌibe ye li yajvale.

Bible in Tzotzil de Chamula

⁴ C'alal loc' xa batel scotole, jba'be ta xanav batel ti stuque. Xlamet ech'el ti xchijtac ta spate yu'un xa'ibeic ti sc'opojele.

LEQUIL ACH' C'OP

⁴ Mi laj loc'uc scotol li chijetique, li jchabi chije ja' babe chbat, li chijetique ja' nap'al chbat yu'un xa'ibe ye li yaj chabielique.

Tzotzil San Andres

⁴ Cꞌalal mi la sloqꞌuesic scotol li jaycot schijtaquique, jaꞌ sbabe ta xbatic li jchabiejchijetique. Te tijil ta xbatic ta spatic li schijique yuꞌun ta xꞌaꞌibatic li cꞌu sba scꞌopojelic yuꞌun li schijique.

Tzotzil de Huixtán

⁴ C'alal laj xa sloq'ues batel ti jaycot ti scarneroe, ja' jbael chbat ti yajvale. Ti carneroetique ja' sts'acliic batel ti yajvale yu'un ch-ic'at yu'un ti yajvale.

San Juan 10:4 Iomraidhean Croise

Cantares 2:8

Li jc'upil vinique tal xa; chc'opoj xa tal. Te xa ch-anilaj tal ta vitsetic; te xa xbitbun tal ta tseltseltic.

Cantares 5:2

Mocholun xa chivay, pero li co'ntone mu xvay o, yu'un ja' jc'upil vinic ti chc'opoje, ti tstij ti'nae, jech chal: “Jambun li ti'nae, cunin ixlal, cunin c'upil tseb, cunin stsumut, cunin tuq'uil tseb, yu'un i'ach' xa ta job osil li jole, solel sts'ujlajet xa ya'lel li stsotsil jole”, xiyutun.

San Mateo 16:24

Li Jesuse jech laj yalbe: —Li boch'o tsc'an chists'aclinune tsc'an mu tsotsuc sc'oplal cha'ay sba stuc. Ac'o xq'uech scruz, ac'o sts'aclinun batel.

San Juan 10:16

Jech noxtoc oy to yantic jchijtac ti muc li'uc oyic ta corale. Le'e ta ono'ox xquic'an tal ec. Ta xa'ibicun jc'op; jun no'ox scoralil chc'ot scotol, xchi'uc jun no'ox jchabivanej chc'ot yu'unic.

San Juan 10:27

Li jchijtaque cha'ibicun li jc'ope xchi'uc xcotquinan, jech chists'aclinicun batel.

San Juan 10:3

Li jchabi ti'corale ta sjambe sti' li corale. Li chijetique cha'yic c'u x'elan xc'opoj li jchabivanej yu'unique. Li jchabichije ta xic' ta sbi li xchijtaque, ta xic'an loq'uel.

San Juan 10:5

Yan me mu ja'uc yajval cha'yic li chijetique, mu xchi'inic batel. Ta xjatovic batel, yu'un cha'yic ti mu ja'uc snuc' yajvalique —xi li Jesuse.

San Juan 10:8

Li boch'otic ba'yuc ono'ox li' oyique, ja' jlo'lavanejetic, ja' j'elec' chijetic. Pero mu x'ich'atic ta muc' yu'un li mero chijetique.

San Juan 12:26

Scotol li boch'o tsc'an ta xtun cu'une ac'o sts'aclinun batel. Ti bu chic'ote, te chc'otic ec li cajtuneltaque. Li boch'o ta xtunic cu'une, ta x'ac'atic ta ich'el ta muc' yu'un li Jtote.

San Juan 13:15

Ti c'u x'elan laj cac'boxuc avilique, ja' jech xapasic ec.

San Juan 18:37

Li Pilatoe jech laj yalbe: —¿Yu'un ono'ox vo'ot ajvalilot cha'e? —xut. Itac'ov li Jesuse: —Vo'ot chloc' ta ave atuc ti vu'un ajvalilune. Ja' sventa ti tal voc'cune, xchi'uc ja' sventa ti lital li' ta banamile, yu'un tal cal li c'usi melele. Scotol li boch'otic oyic ta sventa li c'usi melele ja' ta xa'ibicun li jc'ope —xut.

San Juan 3:29

Li malalile ja' chic' li yajnile; yan li boch'o ja' no'ox chchi'in li malalile ja' no'ox te va'al tsq'uel. C'alal cha'ay c'usi chal li malalile, toj xcuxet no'ox yo'nton. Ja' no'ox jech ec li vu'une toj bats'i xcuxet no'ox co'nton chca'ay.

1 Corintios 11:1

Ja' chanic c'usi ta jpas jech chac c'u cha'al ja' ta jchan c'usi la spas li Cristoe.

Efesios 5:1

Ja' chanbeic yo'nton li Diose, yu'un xnich'naboxuc xa, lec sc'anojoxuc.

Deuteronomio 1:30

Ja' ba'yucbe chbat avu'unic li Muc'ul Dios cu'untique. Ja' stuc ta stsalboxuc batel avajcontraic jech chac c'u cha'al laj avilic la spas ta atojolic te ta Egipto,

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.

Hebreos 6:20

yo' bu i'och batel ta c'opojel cu'untic li Jesuse, yu'un ba'yuc ijelov batel cu'untic. Ja' banquilal pale ic'ot cu'untic ta stojol Dios; ja' jech yabtel laj yich' jech chac c'u cha'al yabtel li Melquisedeque.

1 Pedro 2:21

Yu'un ja' jech tsc'an Dios ti laj yic'oxuc ta stojole, yu'un ja' jech laj yich' vocol ta aventaic ec li Cristoe. Ja' laj yac'boxuc avilic c'usi tsc'an chapasic, yu'un jech ac'o ats'aclinic batel.

1 Pedro 4:1

Ja' yu'un ja'uc me jechoxuc li vo'oxuque, cuchuc me avu'unic ec li vocol jech chac c'u cha'al laj yich' vocol li Cristoe. Yu'un li boch'o laj xa yich' vocol ta sbec'tale itsal xa yu'un o li mulile,

1 Pedro 5:3

Mu me xacuy abaic ta jpasmantal ta stojol li boch'otic aventainojique. Ja' tsc'an vo'oxuc chavaq'uic ta ilel c'usi lec ta pasel ta stojolic.