San Juan 10:32 - Bible in Tzotzil de Chenalhó with Deuterocanon

³² Li Jesuse jech laj yal: —Puru lequil abtel la jpas ta sventa li Jtote. ¿Bu chopol la jpas ti chac'an chamilicun ta tone? —xut.

Tzotzil Zinacantan

³² Iꞌalbatic yuꞌun ti Jesuse: ―Jaꞌ ta smantal Jtot ti lec ti cꞌusitic lacacꞌbe avilique. ¿Cꞌusi chopol icacꞌ avilic ti avoꞌonicuc amilicone? ―xꞌutatic.

Bible in Tzotzil de Chamula

³² Xi laj yal ti Jesuse: —Ta sventa smuc'ul stsatsal ti Jtote, ep ti c'usi laj jpas ta aba ta asatique. ¿C'usi jtosucal yo' ta xavac'beicun ti ton yu'un une?

LEQUIL ACH' C'OP

³² Pero ti Jesuse ja' yech iyal chac li'i: ― Ta syu'el ti Jtote ep c'usitic lec ijpas ta atojolic, ¿C'usi ti chopol ijpas avilic ti avo'onicuc amilicone? ―X'utatic.

Tzotzil San Andres

³² Jech iꞌalbatic yuꞌun li Jesuse: ―Naca lec li cꞌustic laj cacꞌ avilic ta sventa li Jtote. ¿Cꞌusi ti chopol laj cacꞌ avilic ti chac amilicun ta tone? ―xꞌutatic yuꞌun li Jesuse.

Tzotzil de Huixtán

³² Hech i'albat yu'un ti Jesuse: ―Oy ep lequil abteletic laj xa jpasboxuc aq'uelic ti sventa ti Jtote. ¿C'usi abtelal mu xtun laj jpas yu'un chavac'bucun ton? ―xchi.

San Juan 10:32 Iomraidhean Croise

Salmos 35:12

Li c'usi lec la jpasbeique puru chopol chispacbicun sutel; le'e ja' chiyac'bun ep at-o'nton.

Eclesiastés 4:4

Laj quil noxtoc, ti c'alal tsots chij'abtejutique ti c'alal lec chbat cu'untic li c'usi ta jpastique, ja' no'ox te ta xlic jti'-o'nta jbatic o. Scotol le'e mu'yuc stu; ja' jech chac c'u cha'al me ta jc'an ta jnutstic li iq'ue, mu'yuc c'usi ta jtatic o.

Jeremías 37:18

Li Jeremiase jech la sjac'be ec li ajvalil Sedequiase: —¿C'usi jmul ta atojol xchi'uc ta stojol li j'abteletic avu'une xchi'uc ta stojol li jchi'iltactic ti laj atic'un ta chuquele?

San Mateo 11:5

Li ma'satetique ta xilic xa osil. Li coxoetique ta xanovic xa. Li jc'a'el chameletique icolic xa. Li boch'otic macal to'ox xchiquinique ijam xa xchiquinic. Li animaetique icha'cuxiic xa. Li me'onetique icholbat xa ya'yic li Lequil A'yeje.

San Juan 10:25

Itac'ov li Jesuse: —Laj xa calboxuc, pero mu xach'unic. Laj avilic c'usitic la jpas ta sventa li Jtote, yu'un ac'o vinajuc ti ta melel vu'une.

San Juan 10:31

Li judioetique la stamic ton; tsc'an tsmilic ox ta ton yan velta li Jesuse.

San Juan 10:33

Itac'ovic: —Ma'uc ta sventa laj apas lequil abtel ti chacac'botcutic tone. Ja' ta sventa ti chatoy aba ta stojol Diose. Yu'un vinicot no'ox, pero chacuy aba ta Dios —xutic.

San Juan 10:37

Me mu ja'uc yabtel Jtot ta jpas chavilique, mu me xach'unic ti vu'un Xnich'onune.

San Juan 5:36

Li Juane ja' no'ox laj yalboxuc ava'yic jc'oplal. Pero li vu'une ta sventa cabtel ta xac'bun jpas li Jtote ja' ta svinajes ti ja' tacbilun tal yu'une.

Hechos 10:38

Xchi'uc xana'ic noxtoc ti i'ac'bat yich' Ch'ul Espíritu yu'un Dios li Jesús liquem tal ta Nazarete, xchi'uc ti i'ac'bat ep stsatsale. Buyuc no'ox ixanov la scoltaan ep cristianoetic, xchi'uc la scoltaan li boch'otic uts'intabilic yu'un pucujetique. Scotol ivu' yu'un, yu'un chi'inbil yu'un Dios.

Hechos 2:22

“Jchi'iltac israeletic, a'yo ava'yic c'usi ta xcal. Li Jesús liquem tal ta Nazarete, laj avilic lec ti ja' jun vinic t'ujbil yu'un Dios ta melele, yu'un la spas tsots sq'uelubil, tsots senyail xchi'uc c'usi labalic sba ta jtojoltic ta sventa li Diose. Lec xana'ic ti ja' jeche.

1 Juan 3:12

Mu me jpastic jech chac c'u cha'al Caín ti ja' xnich'on pucuje, jech la smil li yits'ine. ¿Me xana'ic c'u yu'un ti la smil li yits'ine? Yu'un li stuque toj chopol c'usi tspas; yan li yits'ine tuc' c'usi tspas.