San Juan 10:3 - Bible in Tzotzil de Chenalhó with Deuterocanon

³ Li jchabi ti'corale ta sjambe sti' li corale. Li chijetique cha'yic c'u x'elan xc'opoj li jchabivanej yu'unique. Li jchabichije ta xic' ta sbi li xchijtaque, ta xic'an loq'uel.

Tzotzil Zinacantan

³ Li jchabiejtiꞌcorrale jaꞌ noꞌox chacꞌ ochuc li jchabichijetique. Li chije xaꞌibeic ye li yajvalique. Li jchabichijetique ta sbiiltasic jucot ti cꞌalal tsloqꞌuesique.

Bible in Tzotzil de Chamula

³ Ta xjambat sti' corral yu'un ti jchabiej ti' corrale, ta x'och batel. Ti j'il-chije, ta jujun ta sloq'uesbe sbi ti xchijtaque. Ti chijetique ta xa'ibeic ti sc'opojele. Ta sloq'ues ech'el ta corral un.

LEQUIL ACH' C'OP

³ Li jchabiej ti' corrale ja' tsjam li ti' corrale, li jchabi chije ta sbiiltas jucot li xchije, li chijetique xa'ibeic ye li yajchabielique; ta sloq'ues ech'el ta scorral.

Tzotzil San Andres

³ Li jchabiej tiꞌcorrale ta sjambe stiꞌ li corrale yoꞌ acꞌo ochuc li jchabiejchijetique. Li chijetique xaꞌibeic cꞌu sba scꞌopojel li yajchabivanejique. Li jchabiejchijetique ta sbiiltasanic li schijtaquique li cꞌalal ta sloqꞌuesic batele.

Tzotzil de Huixtán

³ Ti jchabiejcorrale tsjambe sti' corral yu'un ch-och batel ti mero jq'uelcarneroe. Ti carneroetique cha'ibeic sc'op ti yajvale. Ti yajvale tsbiiltas ti jaycot ti scarneroe. Tsloq'ues batel.

San Juan 10:3 Iomraidhean Croise

Salmos 80:1

Jchabichij yu'un Israel, a'ibun li ca'yeje, vo'ot ti chachabibe li sts'unubal José jech chac c'u cha'al chije, vo'ot ti te nacalot ta o'lol yu'unic li chib querubinetique,, ac'o tal li axojobale.

Éxodo 33:17

Itac'ov li Muc'ul Diose: —Xu' ta jpas li c'usitic laj avalbune yu'un lec chaquilot ta melel, xchi'uc jpatoj co'nton avu'un —xi.

Proverbios 27:23

Q'uelo me lec c'u x'elan li achijtaque; teteuc me ach'ulel achi'uc.

Cantares 8:13

Vo'ot ti te nacalot ta ts'unubaltic achi'uc li tsebetique, c'opojan tal ca'tic, tsc'an cha'yic li jchi'iltaque.

Isaías 40:11

Ta xtal jech chac c'u cha'al jun jchabichij ti lec ta xchabi xchije; ta spet liquel ta sc'ob li ch'ium chijetique, ta spatan batel ta sna yo'nton; lec ta sq'uel ta stuc'ulan ti bu ja' to chvoq'uique.

Isaías 42:16

Li ma'satetique ta jbeiltasic batel ta be ti bu mu xotquinique; ta xcac' xanovicuc batel ta bic'tal beetic ti bu mu'yuc ono'ox xanovenic tee. Ta jc'atajesbe ta sac osil li ic' osile; ta jpasbeic lec ta parejo li banamil ti bu slomol spots'ole. Scotol le'e ta persa ta jpas, muc ja'uc no'ox chcal.

San Juan 10:14

Vu'un li lequil jchabichijune. Li jchijtaque xcotquinan, jech xiyotquinicun ec.

San Juan 10:16

Jech noxtoc oy to yantic jchijtac ti muc li'uc oyic ta corale. Le'e ta ono'ox xquic'an tal ec. Ta xa'ibicun jc'op; jun no'ox scoralil chc'ot scotol, xchi'uc jun no'ox jchabivanej chc'ot yu'unic.

San Juan 10:4

C'alal me laj xa sloq'ues scotol li xchije, ja' ba'yucbe ta xbat. Te stsalet batel ta spat li xchije, yu'un cha'ibeic ta snuc' ti ja' yajvalique.

San Juan 10:9

Vu'un li ti'coralune; scotol li boch'otic ta x'ochic ta jtojole ja' chcolic. Jech xloc' x'ochic no'ox ta scoralic, jech tsta lec sve'elic.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

San Juan 6:45

Jech ts'ibabil comel ta svunic li j'alc'opetique: ‘Scotolic ta xchanubtasatic yu'un li Diose’, xi ono'ox sc'oplal. Ja' yu'un, scotol li boch'otic cha'ibeic sc'op li Jtote, xchi'uc ti ja' tsbijubtasatic yu'une ta xtalic ta jtojol.

Romanos 8:30

Li boch'o st'ujoj ono'oxe laj yic' ta stojol. C'alal laj yic' ta stojole, la slecubtas. C'alal la slecubtase, yac'ojbe xa slequilal yutsilal laj ya'ay.

1 Corintios 16:9

Yu'un yo'to ijam lec ti'na, lec xu' ep chi'abtej li'i, pero ep noxtoc li boch'otic chiscontrainicune.

Filipenses 4:3

Ta jc'anbot vocol ec quermano, vo'ot li jchi'il jbatique ti co'ol jun co'ntontic chijtun yu'un Cajvaltique, avocoluc coltao me li antsetique, yu'un ja' co'ol la jts'iccutic vocol ta xcholel li Lequil A'yeje. Xchi'uc coltao me li Clementee xchi'uc li yantic jchi'iltac ta abtele. Le'e te xa ts'ibabil sbiic ta vun sventa cuxlejal sbatel osil.

Colosenses 4:3

C'alal chac'opanic Diose, c'opanbuncutic Dios ta jtojolcutic ec, yu'un jech ac'o sjam lec ti'na li Diose. Jech xu' ta jpucbecutic li sc'ope, jech chlic ya'ibeic sc'oplal li Cristoe, ja' ti mu'yuc to'ox vinajeme. Yu'un ja' ta sventa ti li' tiq'uilun ta chuquele.

2 Timoteo 2:19

Ac'o me tsc'anic ac'o chibajuc yo'nton li boch'otic xch'unojique, pero jbel sc'oplal c'usi yaloj li Diose. Jech ts'ibabil: “Li Cajvaltique xotquin li boch'otic yu'untaque”, xi. Jech ts'ibabil noxtoc: “Scotol li boch'otic yich'ojic ta muc' Cajvaltique, ta xcom yu'unic c'usitic chopol”, xi ts'ibabil.

1 Pedro 1:12

Li Diose laj yac'be sna'ic ti mu ja'uc ta sventa stuquic li c'usi laj yalique, ti ja' ta aventaic vo'oxuque. Ja' ti laj xa avich'ic albel yu'un li boch'otic ja' yabtel chcholic li Lequil A'yej ta sventa svu'el Ch'ul Espíritu tacbil tal ta vinajele. Li j'almantaletique toj chac ox sq'uel ya'yic ec ti jech chc'ot ta pasele.

1 Juan 4:6

Yan li vu'utique xnich'nabutic xa li Diose. Li boch'otic xotquinic Diose ta xa'ibutic li jc'optique. Yan li boch'o mu xotquinic Diose mu xich'ic ta muc' li jc'optique. Ja' jech ta xcotquintic li boch'otic ja' ventainbilic yu'un li Espíritu ti ja' melele. Jech ta xcotquintic noxtoc li boch'otic ja' ventainbilic yu'un jlo'lavaneje.

3 Juan 1:14

Yu'un ta jc'an chtal jq'uelot ta ora, jech xu' ta jc'opan jbatic lec.

Apocalipsis 20:15

Li boch'otic muc xtabat sbiic ta vun sventa cuxlejale, ijipatic ochel ta muc' ta c'oc'.

Apocalipsis 3:20

A'yo ava'yic, li vu'une li' oyun ta ti'na chajc'opanoxuc. Li boch'o cha'ay c'alal ta jc'opane, me chisjambun li ti'nae, ta x'och jchi'in; ta jchi'in ta ve'el, jech chixchi'inun ta ve'el ec.

Apocalipsis 7:17

Yu'un ja' chabibilic o yu'un li Ch'ium Chij te oy ta o'lol yo' bu chotol li Diose; ja' ch-ic'atic batel ta nio' sventa cuxlejal. Tscusbat ya'lel satic yu'un li Diose”, xiyutun.