San Juan 10:28 - Bible in Tzotzil de Chenalhó with Deuterocanon

²⁸ Vu'un ta xcac' cuxiicuc sbatel osil. Mu xbatic o ta ch'ayel, xchi'uc mu'yuc boch'o xu' yu'un chispojbun loq'uel ta jc'ob.

Tzotzil Zinacantan

²⁸ Ta xcacꞌ cuxlicuc ta sbatel osil, mu xꞌochic ta cꞌocꞌ. Muc muchꞌu xuꞌ chispojbe.

Bible in Tzotzil de Chamula

²⁸ Sbatel osil ta xcac'beic xcuxlejalic, mi ja'uc ta xch'ayic, mu'yuc buch'u xispojbun ta coc ta jc'ob.

LEQUIL ACH' C'OP

²⁸ Ta xcac' cuxlicuc ta sbatel osil, mu xa bu ch-ch'ayic o, muc' much'u xu' chispojbe ta jc'ob.

Tzotzil San Andres

²⁸ Chcacꞌ xcuxiic o sbatel osil, jech mu xchꞌayic o sbatel osil. Muc buchꞌu xuꞌ chispojbe loqꞌuel ta jcꞌob.

Tzotzil de Huixtán

²⁸ Chcac'be xcuxlejalic sbatel osil. Mu xch'ayic sbatel osil. Mu'yuc much'u xu' chispojbun loq'uel ti jc'ob.

San Juan 10:28 Iomraidhean Croise

Job 17:9

Pero li boch'o tuc' yo'ntone chac' ono'ox persa batel; li boch'o mu'yuc smule yantic ta stsatsub batel.

Salmos 31:5

Chcac' ta ac'ob li jch'ulele; coltaun me, Muc'ul Dios, vo'ot li Diosot ta melele.

Salmos 37:28

Yu'un li Muc'ul Diose ja' lec sc'anoj li boch'o tuc' c'usi tspase, mu scomtsan o li boch'o lecubtasbilic xa yu'une, scotol ora xchabioj o; yan li yalab xnich'nab boch'otic chopolique chich'ic ulesel o.

Proverbios 24:16

Ac'o me chyal ta lum vucubuc velta li boch'o tuc' yo'ntone, ta ono'ox stam sba liquel yan velta; yan li boch'o chopolique te chyalic o ta lum ta scoj svocolic.

Proverbios 4:18

Yan li sbe boch'otic tuc' yo'ntonique lec sac jaman jech chac c'u cha'al chvoc' tal yibel vinajel ta jujun sobe, jech ta c'unc'un tsacub batel ja' to c'alal sac xa o lec li osile.

Isaías 27:3

Vu'un jchabioj, noch'ic no'ox ta xcat'es; vu'un ta jq'uel ta c'ac'al ta ac'ubal, yu'un jech mu me boch'o xuts'inta.

Isaías 45:17

Yan li Israele coltabil yu'un li Muc'ul Diose, ch-ac'bat lec coltael sventa sbatel osil; mu'yuc chyalic ta q'uexlal, mu'yuc bu biq'uit chcomic.

Isaías 54:17

Pero mu'yuc spasojic jchopuc abtejebal ti xu' chayulesot oe. Vo'ot chamacbe yeic li boch'otic tstiq'uic amule. Ja' jech smoton chcac'beic li boch'otic chtunic cu'une; vu'un jtuc chcac' tal li coltael ta stojolique”, xi li Muc'ul Diose.

Isaías 55:3

A'yo ava'yic lec li c'usi chacalboxuque; la'ic ta jtojol, jech chacuxiic. Jech te chcom o ta atojolic sbatel osil li c'usi la jchapan ti jbel sc'oplal c'ux ta co'nton o li Davide.

Jeremías 23:4

Ta jva'anbe jchabivanejetic yu'unic, yu'un ac'o chabiaticuc, jech mu'yuc xa xi'el cha'yic, xchi'uc jech mu xa xch'ayic junuc”, xi li Muc'ul Diose.

Jeremías 31:3

Vo'one ono'ox laj cac' jba ta ilel ta stojolic, jech laj calbe: Laj cal ti j'ech'el la jc'anot oe, ja' yu'un yoquel to jech jc'anojot o.

Jeremías 31:34

Jech mu'yuc xa boch'o jech chalbe xchi'ilic, mu'yuc xa boch'o jech chalbe yuts' yalalic: ‘Tsc'an chavotquin lec li Muc'ul Diose’, mu'yuc xa boch'o xut. Yu'un scotolic chlic yotquinicun c'alal ta muc', ta biq'uit. Yu'un j'ech'el ta jch'aybe o ta co'nton li xchopolilique; mu'yuc xa ta jt'abbe o ta co'nton li smulique”, xi li Muc'ul Diose.

Jeremías 32:40

Oy c'usi ta jchapan ta stojolic ta sventa sbatel osil. Mu xlaj sc'oplal o ti lec c'usi ta jpas ta stojolique. Ta xcac'be jxi'elal o ta yo'ntonic yu'un jech ac'o yich'icun ta muc', jech mu svoc' o sbaic ta jtojol.

Marcos 13:22

Yu'un ta to xtal li boch'otic ta scuy sbaic ta Cristoe xchi'uc li boch'otic ta scuy sbaic ta j'alc'opetique. Ta spasic ep sq'uelubil stsatsalic sventa chlo'lavanic. Tsc'an ta slo'laic ec li boch'otic t'ujbilic yu'un Diose, pero mu xu' yu'unic.

San Lucas 23:46

Li Jesuse tsots i'avan, jech laj yal: —Tati, chcac' ta ac'ob li jch'ulele —xi. C'alal laj yal jeche, iloc' xch'ulel.

San Juan 10:29

Yu'un li Jtot ti laj yac'bun ta jc'obe, ja' toj ech'em smuc'ul ta scotol. Mu'yuc boch'o xu' yu'un ta spojbe loq'uel ta sc'ob li Jtote.

San Juan 11:25

Li Jesuse jech laj yalbe: —Vu'un jcha'cuxesvanejun, xchi'uc vu'un j'ac'cuxlejalun. Li boch'o ta xch'un ti vu'un Jcoltavanejune, ac'o me ta xcham, pero ta xcuxiic sbatel osil.

San Juan 14:19

Mu xa jaluc li' oyun. Li cristianoetic li' ta banamile mu'yuc xa bu chiyilicun o. Pero li vo'oxuque ta to xavilicun, yu'un li vu'une cuxulun o; ja' no'ox jech chacuxiic ec li vo'oxuque.

San Juan 17:2

Yu'un laj avac'bun jvu'el ta sventa scotol cristianoetic, yu'un jech xu' ta xcac'be xcuxlejalic ti c'u yepal chavac'bune.

San Juan 18:9

Ti jech laj yale yu'un ac'o c'otuc ta pasel ti jech ono'ox laj yalbe li Stote: “Ti jayib laj avac'bune me junuc muc xch'ay cu'un”, xi ono'ox.

San Juan 3:36

Li boch'o chch'un ti ja' Jcoltavanej li Nich'onile ja' chcuxi sbatel osil. Yan li boch'o mu sc'an xch'une mu xbat yil lequilal sbatel osil. Ja' xa no'ox oy ta sventa li tsots stojol mulil chac' Diose.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 5:24

“Jamal ta xcalboxuc ava'yic. Li boch'otic ta xa'ibun jc'ope, me ta xch'unic li boch'o la stacun tale, oy xcuxlejalic ta sventa sbatel osil. Mu'yuc xa chbat stoj smulic, yu'un icom xa yu'unic li lajele. Ijelovic xa ta sventa cuxlejal.

San Juan 6:27

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

San Juan 6:47

Jamal ta xcalboxuc ava'yic, li boch'o ta xch'une ja' ta xcuxi sbatel osil.

San Juan 6:68

Itac'ov li Simón Pedroe: —Cajval, ¿boch'o yan chbat jchi'incutic? Vo'ot no'ox chavalbuncutic li c'op sventa cuxlejal sbatel osile.

Hechos 7:59

C'alal ja'o chac'beic tone, la sc'opan Dios li Estebane, jech laj yal: “Cajval Jesús, ic'bun jch'ulel”, xi.

Romanos 5:17

Me ta sventa no'ox la sta smul jun vinic ti jech laj yu'uninutic o li lajele, ech'em to jech xu' chijyu'uninutic o cuxlejal ta sventa li jun vinic Jesucristo, vu'utic ti ta yutsil no'ox yo'nton, ti jmotontic no'ox lec xa chijyilutic Diose.

Romanos 5:2

Xchi'uc ja' ta sventa noxtoc ti laj xa jtatic ta sventa xch'unojel co'ntontic li c'uxubinel yu'un Diose, jech jun xa no'ox co'ntontic te oyutic o; xcuxet no'ox co'nton ta jmalatic chbat jchi'intic ta slequilal li Diose.

Romanos 5:21

Jech chac c'u cha'al laj yu'uninutic li mulil, yu'un jech ac'o chamcutic jcotoltique, ja' jech ac'o yu'uninutic noxtoc li slequil yo'nton Diose, yu'un jech ac'o cuxicutic jcotoltic ta sventa li Jesucristoe, ja' li Cajvaltique.

Romanos 5:9

Ja' yu'un c'u to x'elan lec chijyilutic ta sventa xch'ich'al li Cristoe, yu'un ja' ta sventa ti mu'yuc xa chbat jtoj jmultique.

Romanos 6:23

Yu'un li stojol mulile ja' ti chijchamutique; yan li jmotontic chijyac'butic Dios ta sventa ti jun oyutic jchi'uctic li Cajvaltic Cristo Jesuse ja' li cuxlejal sventa sbatel osile.

Romanos 8:1

Ja' yu'un li' ta orae, mu'yuc xa sc'oplal chbatic ta tojob mulil li boch'otic oyic xa ta stojol Cristo Jesuse.

Romanos 8:29

Yu'un li boch'otic vo'one ono'ox yotquinoje, vo'one st'ujoj noxtoc. Snopoj ti co'ol chc'otic jech chac c'u cha'al li Xnich'one. Ja' yu'un li Xnich'one ja' ba banquilal chc'ot yu'un scotol li jch'unolajeletique.

Deuteronomio 33:3

Li Muc'ul Diose lec sc'anoj li jteclum yu'une; lec chchabi li boch'o chac' sba ta sc'obe. Ja' yu'un ta squejan sbaic o ta stojol; ta xch'unbeic li c'usitic ch-albatique.

Filipenses 1:6

Jch'unoj ti mu xpaj o li abtel avu'unic jech chac le'e. Yu'un li boch'o la sliques lequil abtel ta atojolique ta svu'es o batel c'alal to tsta sc'ac'alil chtal li Cristo Jesuse.

2 Tesalonicenses 2:13

Pero ta sventa li vo'oxuc ti ach'unojic xae, ti c'anbiloxuc yu'un Cajvaltique, scotol c'ac'al tsc'an ta jtojbecutic ta vocol Dios ta aventaic. Yu'un t'ujbiloxuc ono'ox ta sliquebal, yu'un ac'o colanic sbatel osil ta sventa ti lecubtasbiloxuc xa yu'un li Ch'ul Espiritue, xchi'uc ta sventa ti laj ach'unic li c'usi melele.

1 Timoteo 1:16

Pero la xc'uxubinun li Jesuse, yu'un jech laj yac' ta ilel ta jventa ti toj muc' yo'ntone, yu'un jech ac'o yilic ti xu' tsta xcuxlejalic sbatel osil ec li boch'otic ta xch'unique.

2 Timoteo 1:12

Ta sventa ti jech ta jpase, jech ta xquich' o ep vocol. Pero mu xiq'uexov o, yu'un xcotquin lec li Boch'o jch'unojbe sc'ope. Jna'oj lec ti oy svu'el sventa chchabibun li xch'unojel co'nton c'alal to ta slajebal c'ac'ale.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.

1 Pedro 1:5

Ta sventa xch'unojel avo'ntonic ta stojol Dios, jech ta xchabioxuc ta svu'el yu'un jech xu' chataic li coltael xchapanoje; ja' to chayac'boxuc avilic ta slajebal c'ac'al.

1 Juan 1:2

Li Cuxlejale laj xa yac' sba ta otquinel; laj quilcutic li vu'uncutique, ja' yu'un ta xcalbecutic sc'oplal. Ta xcalcutic ava'yic c'u x'elan li Boch'o sventainoj cuxlejal sbatel osile. Te ono'ox xchi'uc sbaic xchi'uc li Jtotic Diose. Laj xa yac' sba ta ilel ta jtojolcutic.

1 Juan 2:19

Ja' li' iliquic ta jtojoltic, pero ta melel mu ja'uc ono'ox jch'unolajeletic; ti ja'uc jch'unolajeletique, li' jchi'uctic o ti jechuque. Ti jech ic'ot ta pasele ja' svinajeb ti mu ja'uc ono'ox jch'unolajeletique.

1 Juan 2:25

Li Cajvaltic Jesucristoe laj yal ti oy c'usi chijyac'butique, ja' li cuxlejal sbatel osile.

1 Juan 5:11

Li c'usi yaloj Diose ja' li'i: Ja' ti chijyac'butic cuxlejal sventa sbatel osile. Li cuxlejal sventa sbatel osile ja' te oy ta stojol li Xnich'one.

Judas 1:1

Vu'un Judasun, yajtunelun li Jesucristoe, yits'inun li Santiagoe, chabanuc chacalboxuc tal vo'oxuc ti ic'biloxuc yu'un Jtotic Diose, ti c'anbiloxuc yu'une, xchi'uc ti chabibiloxuc yu'un Cajvaltic Jesucristoe.

Judas 1:21

Te me oyanic o ta stojol li Dios ti lec sc'anojoxuque, junuc avo'ntonic malaic tsta sc'ac'alil chixc'uxubinutic li Cajvaltic Jesucristoe, ja' ti chac' jcuxlejaltic sventa sbatel osile.

Judas 1:24

Li Dios ti stuc no'oxe, ti ja' Jcoltavanej cu'untique, xu' yu'un chaxchabioxuc, yu'un jech mu xayalic ta spasel li c'usi chopole, jech mu'yuc amulic ti c'alal chc'ot ava'an abaic ta xch'ul lequilale. Jech toj xcuxet no'ox avo'ntonic. Ja' yu'un stuc no'ox ac'o albatuc slequilal, ac'o spas mantal, ac'o sventain ta svu'el stsatsal stuc li' ta ora ta sventa li Jesucristoe, xchi'uc c'alal to ta sbatel osil. Jechuc.

1 Samuel 2:9

Ja' chchabi batel ta jujujet yacan li boch'otic tuc' yo'ntonique; yan li boch'otic chopolique chch'ayic batel ta ic' osil, yu'un mu'yuc boch'o xu' tstsal ta stsatsal stuc.