San Juan 10:16 - Bible in Tzotzil de Chenalhó with Deuterocanon

¹⁶ Jech noxtoc oy to yantic jchijtac ti muc li'uc oyic ta corale. Le'e ta ono'ox xquic'an tal ec. Ta xa'ibicun jc'op; jun no'ox scoralil chc'ot scotol, xchi'uc jun no'ox jchabivanej chc'ot yu'unic.

Tzotzil Zinacantan

¹⁶ Oy maꞌuc jchiꞌiltic ta jurioal chlic yichꞌicon ta mucꞌ uc. Persa ta xquiqꞌuic uc. Ta xchꞌunic ti cꞌusitic chcalbeique. Jtos chacꞌot achiꞌuquic. Jun noꞌox Avajchabivanejic, voꞌon chajchabiic.

Bible in Tzotzil de Chamula

¹⁶ Oy to yan jchijtac ti mu'yuc to ochem talel ta corral li'e, ti tsots sc'oplal ta xba jtsob talele. Jech ec un, ta sts'etan xchiquinic ta ya'yiel ti jc'ope, ta xch'unic, ta stsob sbaic ta jmoj, jun no'ox ti j'il-chij yu'unique.

LEQUIL ACH' C'OP

¹⁶ Ja' no'ox yech noxtoc oy to yan jchijtac ti mu to bu li'ic ta corrale; persa ta xquiq'uic tal uc. Jun xa no'ox scorral chcomic, jun xa no'ox yajchabivanejic.

Tzotzil San Andres

¹⁶ Oy buchꞌutic maꞌuc jchiꞌiltactic ta israelal ta xlic schꞌunic ti joꞌon Yajcoltavanejicune. Persa ta xquicꞌan eꞌuc. Ta schꞌunic eꞌuc li cꞌusi ta xcale, jech jmojoxuc xa achiꞌuquic ti jayvoꞌ chachꞌunic ti joꞌon Avajcoltavanejicune. Jun noꞌox Avajchabivanejic acotolic, yuꞌun joꞌon ti Avajchabivanejicune.

Tzotzil de Huixtán

¹⁶ Oy yanlum crixchanoetic chlic xch'umbun jc'op uc. Persa chquic' tal ti jtojol uc. Chiya'ibun jc'op uc hech jtos no'ox chac'otic xchi'uc ti jayiboxuc ti chach'umbun ti jc'ope. Jun no'ox totil avu'unic chc'ot acotolic. Ho'on obi.

San Juan 10:16 Iomraidhean Croise

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

Salmos 86:9

Scotol li yajvaltac jujun muc'tiquil lum laj apase ta xlic talicuc ta atojol; chayich'icot ta muc', ta xalic alequilal, Cajval.

Eclesiastés 12:11

Li sc'op boch'otic bijique ja' jech chac c'u cha'al c'usi lec ts'ubts'ub sni', li bic'tal chanubtaseletique ja' jech chac c'u cha'al lavuxetic ts'apajtic lec ta te', yu'un ja' yac'oj stuc li Jchabichije.

Isaías 11:10

C'alal tsta sc'ac'alil chloc' li sq'uelum Isaie, ja' jech chc'ot ta stojol jujun lum jech chac c'u cha'al bandera ti toyol muyesbile. Sa'bil yu'un scotol li cristianoetique; ti bu chnaquie, toj jun no'ox yutsil.

Isaías 43:6

Jech chcalbe li boch'otic te oyic ta nortee: ‘Tacbun sutel tal li cu'untaque’, chcut. Jech chcalbe li boch'otic te oyic ta sure: ‘Mu me teuc xavic'bun o comel; ac'bun sutel tal li jqueremetic, li jtsebetic te oyic ta sti'iltac banamile.

Isaías 49:6

Jech chal: “Mu xu' o ti ja' no'ox chacom ta cajtunel sventa ta jtsob tal yan velta sts'unubal li Jacobe, sventa ta jliques yan velta ti c'u to yepal comenic sts'unubal li Israele. Ja' yu'un ta xcac' noxtoc ti vo'ot luz chac'ot ta yantic banamile, yu'un vo'ot chavich' batel c'alal to ta sti'iltac banamil li coltaele”, xiyutun.

Isaías 52:10

Chac' ta ilel svu'el stsatsal ta jujun banamil; scotol cristianoetic c'alal to ta jujujot sti' banamil tsq'uelic c'u x'elan tscoltautic li Dios cu'untique.

Isaías 56:8

Vu'un ta xcal ta jamal jtuc ti ta xcac' suticuc tal, ti ta xcac' stsob sbaic yan velta li boch'o chucbilic batel ta yantic banamile”, xi li Muc'ul Diose.

Ezequiel 34:12

Jech chac c'u cha'al jun jchabichij ti tsots sc'oplal cha'ay li xchijtac ti butic tanpuc batemique, ja' jech tsots sc'oplal chca'ay ec li jchijtaque. Chbat quic' sutel tal ti bu la spuc sbaic batel ta scoj ti oy jun c'ac'al i'ic'ub osil, ti imac ta toc li banamile.

Ezequiel 34:23

Ta xcac' licuc jun smomnich'on cajtunel David; ja' jchabivanej ta xc'ot yu'unic. Ja' ta xac'be lec sve'elic; ja' ta xchabi.

Ezequiel 34:6

Li jchijtaque tanpuc ibatic ta toyol vitsetic, ta tseltseltic. La spuc sbaic batel ta sbejel banamil. Mu'yuc boch'o laj yat yo'nton ta scoj; mu'yuc boch'o x'ay st'un tal.

Ezequiel 37:22

Jun no'ox slumal chc'otic cu'un te ta yosilal li Israele; jun no'ox ajvalil yu'unic ta scotolic. Muc xa cha'voc'uc ta xc'otic; mu'yuc xa voc'ol li yosilalic bu c'alal tsventainique.

Ezequiel 37:24

Ja' no'ox ajvalil chc'ot yu'unic o li smomnich'on cajtunel Davide, xchi'uc ja' no'ox jchabivanej chc'ot o yu'unic. Jech chlic xch'unic li mantaletic, li chanubtaseletic cu'une; ja' chlic spasilanic o batel.

Oseas 1:10

Pero ta to sta sc'ac'alil, li israeletique ja' jech yepal chbatic jech chac c'u cha'al yi' ta ti'nab ti mu stac' atel, ti mu stac' bisele. Li xq'uexol ti jech to'ox laj yich'ic albele: “Li vo'oxuque muc xa jteclumalucoxuc”, ti x'utatique, jech chlic albaticuc: “Vo'oxuc xnich'naboxuc cuxul Dios”, x'utatic.

Zacarías 2:11

Me la sta li sc'ac'alil le'e, ep cristianoetic ta yantic banamil ta stsob sbaic tal ta stojol li Muc'ul Diose. Jech chal: “Ja' jteclumal chc'otic o, te chinaqui o ta stojolic”, xi. Jech chana'ic o ti ja' la stacun tal ta atojol li Muc'ul Dios ti tspas ta mantal scotol te ta vinajele.

San Mateo 17:5

C'alal ja'o chlo'ilaj li Pedroe, ital jvol toc, oy xojobal; te macbil ic'otic. Te laj ya'yic c'op ta yut toc, jech laj yal: “Li'i ja' jnich'on, lec jc'anoj. Lec jpatoj co'nton yu'un. A'ibeic sc'op”,, xi.

San Lucas 15:8

“Me oy jun ants oy lajuneb dracma staq'uine, me ich'ay junuc yu'une, ¿me mu tstsan stoj, xchi'uc me mu tsmes lec sna, yu'un ta st'un li staq'uin ich'ay yu'une? ¿Me mu ja'uc to chlaj yo'nton c'alal me la stae?

San Juan 10:11

Vu'un li lequil jchabichijune. Li lequil jchabichije chac' sba ta milel ta scoj li xchijtaque.

San Juan 10:2

Yan li boch'o ta ti'coral ta x'oche, ja' jchabichijetic ta melel.

San Juan 10:27

Li jchijtaque cha'ibicun li jc'ope xchi'uc xcotquinan, jech chists'aclinicun batel.

San Juan 10:3

Li jchabi ti'corale ta sjambe sti' li corale. Li chijetique cha'yic c'u x'elan xc'opoj li jchabivanej yu'unique. Li jchabichije ta xic' ta sbi li xchijtaque, ta xic'an loq'uel.

San Juan 10:4

C'alal me laj xa sloq'ues scotol li xchije, ja' ba'yucbe ta xbat. Te stsalet batel ta spat li xchije, yu'un cha'ibeic ta snuc' ti ja' yajvalique.

San Juan 10:5

Yan me mu ja'uc yajval cha'yic li chijetique, mu xchi'inic batel. Ta xjatovic batel, yu'un cha'yic ti mu ja'uc snuc' yajvalique —xi li Jesuse.

San Juan 11:52

Pero muc ja'uc no'ox chcham ta sventa li jun lum israeletique. Ja' sventa noxtoc ti xu' tstsob tal scotol xnich'nab Dios ti buyuc no'ox oyic ta sbejel banamile.

San Juan 17:20

“Mu ja'uc no'ox ta jc'anbot vocol ta stojolic li'i. Ta jc'anbot vocol ta stojolic noxtoc li boch'otic chlic yich'icun ta muc' ta sventaique.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

Hechos 15:14

Li Simón Pedroe laj xa yalbutic ca'itic c'u x'elan lic ic'aticuc yu'un Dios li yanlum cristianoetic ti mu xotquinic Diose; laj xa ca'itic c'u x'elan la st'uj yu'un jech ac'o c'otuc ta steclumal.

Hechos 18:10

Vu'un ta jchi'inot. Me junuc mu'yuc boch'o xu' chac' sc'ob ta atojol sventa oy c'usi chaspasbicot, yu'un oy ep cu'untac li' ta lume”, x'utat.

Hechos 22:14

Jech laj yalbun: ‘Li Dios yu'un jmoltot jyame'tic ta vo'onee ja' la st'ujot, yu'un ac'o ana' c'usi tsc'an yo'nton, xchi'uc ac'o avilbe sat li Boch'o Tuc' Yo'ntone, xchi'uc ac'o ava'ay c'usi chayalbot.

Romanos 11:25

Quermanotac, ta jc'an chana'ic c'usi chapal yu'un Dios ti mu'yuc to'ox boch'o la sna'e, yu'un jech mu xanopic ti lec xana'ique. Li' ta orae tsatsuben yo'ntonic li israeletique, pero ja' no'ox me its'aqui ti c'u yepal sc'oplal ch-ic'atic li yanlum cristianoetique,

2 Tesalonicenses 2:13

Pero ta sventa li vo'oxuc ti ach'unojic xae, ti c'anbiloxuc yu'un Cajvaltique, scotol c'ac'al tsc'an ta jtojbecutic ta vocol Dios ta aventaic. Yu'un t'ujbiloxuc ono'ox ta sliquebal, yu'un ac'o colanic sbatel osil ta sventa ti lecubtasbiloxuc xa yu'un li Ch'ul Espiritue, xchi'uc ta sventa ti laj ach'unic li c'usi melele.

Hebreos 13:20

Li Dios ti chac' jun o'ntonale, ti la xcha'cuxes loq'uel ta smuquinal li Cajvaltic Jesucristoe, ja' li Banquilal Jchabichij cu'untique, ti ja' ta sventa xch'ich'al laj yac' c'otuc o ta pasel sbatel osil li c'usi chapanbil yu'une,

1 Pedro 2:10

Ta vo'onee muc to'ox steclumalucoxuc li Diose, pero li' ta orae steclumaloxuc xa. Ta vo'onee mu'yuc to'ox c'uxubinbiloxuc yu'un li Diose, pero li' ta orae laj xa xc'uxubinoxuc.

1 Pedro 2:25

Yu'un li vo'oxuque ja' to'ox jechoxuc jech chac c'u cha'al ch'ayemal chijetic, pero li' ta orae lasutic tal ta stojol li Jchabivaneje. Ja' xa ta xchabioxuc jech chac c'u cha'al jchabichij, ja' xchabioj li acuxlejalique.

1 Pedro 5:4

Yu'un jech c'alal chtal li Banquilal yu'un jchabichijetique, chavich' amotonic ti toj jun yutsile ti mu sna' xlaj oe.

Apocalipsis 3:20

A'yo ava'yic, li vu'une li' oyun ta ti'na chajc'opanoxuc. Li boch'o cha'ay c'alal ta jc'opane, me chisjambun li ti'nae, ta x'och jchi'in; ta jchi'in ta ve'el, jech chixchi'inun ta ve'el ec.