San Juan 10:14 - Bible in Tzotzil de Chenalhó with Deuterocanon

¹⁴ Vu'un li lequil jchabichijune. Li jchijtaque xcotquinan, jech xiyotquinicun ec.

Tzotzil Zinacantan

^14-15 ’Voꞌon li lequil jchabichijon yaꞌele, ta jchabi lec ti muchꞌutic chiyichꞌic ta muqꞌue. Quilojbe cꞌu xꞌelan yoꞌonic, yilojic cꞌu xꞌelan coꞌon uc chac cꞌu chaꞌal yiloj cꞌu xꞌelan coꞌon ti Jtote, quilojbe cꞌu xꞌelan yoꞌon uc. Chcacꞌ jba ta milel yuꞌunic ti muchꞌutic chiyichꞌic ta muqꞌue.

Bible in Tzotzil de Chamula

¹⁴ Vu'unun ti lequil j'il-chije. Xcojtiquinan ti jchijtaque, xiyojtiquinic ec.

LEQUIL ACH' C'OP

^14-15 »Vo'on li lequil jchabichijone. Ja' c'ucha'al li Jtot ti xiyojtiquine, ja' no'ox yech xcojtiquin li Jtot uque, li vo'on uque, xcojtiquin li jchijtaque, li jchijtaque, xi yojtiquinic uc. Ta xcac' jba ta milel scoj li chijetique.

Tzotzil San Andres

¹⁴ ’Li buchꞌu yuꞌun stuc li chije, lec ta schabi li schijtaque schiꞌuc lec xojtaquinan. Jaꞌ noꞌox jechun eꞌuc li joꞌone, lec ta jchabiic li buchꞌutic ta schꞌunic ti ta xcolic ta jventae. Xcojtaquinic, jech xiyojtaquinic eꞌuc.

Tzotzil de Huixtán

¹⁴ ’Hech chaj c'u che'el ti lequil jq'uelcarnero lec chchabi ti scarneroe, ja' no'ox hechun uc ho'oni lec ti jchabi ti much'utic chch'unic ti chcolic ti jventae. Xcojtiquin, xiyojtiquinucun uc.

San Juan 10:14 Iomraidhean Croise

Salmos 1:6

Yu'un li Muc'ul Diose te oy sat ta sbe xaneb li boch'otic lequique; yan li boch'otic chopolique ja' no'ox sventa ch'ayel li be stamojique.

Isaías 40:11

Ta xtal jech chac c'u cha'al jun jchabichij ti lec ta xchabi xchije; ta spet liquel ta sc'ob li ch'ium chijetique, ta spatan batel ta sna yo'nton; lec ta sq'uel ta stuc'ulan ti bu ja' to chvoq'uique.

Isaías 53:11

Ta to xlic yil c'u yepal tsatin li vocol la sts'ique; toj xcuxet no'ox yo'nton ti c'alal chile. Ta sventa li tuq'uil Yajtunel Diose ep boch'otic mu'yuc smul chc'otic, yu'un la xcuchbe scotol li xchopolilique.

Nahúm 1:7

Li Muc'ul Diose toj lec yo'nton. Ja' stsatsal co'ntontic ti c'alal yorail oy tsots jvocoltique; ja' chchabi li boch'o ja' spatoj yo'ntonic ta stojole.

San Juan 10:11

Vu'un li lequil jchabichijune. Li lequil jchabichije chac' sba ta milel ta scoj li xchijtaque.

San Juan 10:13

Yu'un li jsa'taq'uinetic no'oxe ta xjatovic batel; mu'yuc tsots sc'oplal cha'yic li chijetique.

San Juan 10:27

Li jchijtaque cha'ibicun li jc'ope xchi'uc xcotquinan, jech chists'aclinicun batel.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

San Juan 17:8

Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

Efesios 1:17

Yu'un jech ac'o yac'boxuc abijilic li Dios yu'un Cajvaltic Jesucristoe, ja' li Totil ti toj ech'em slequilale. Xchi'uc ac'o yac' ana'ic c'u x'elan yo'nton li Diose, yu'un jech chavotquinic lec c'u x'elan.

Efesios 3:19

Xchi'uc jech chavotquinic ti mu xlaj jna'tic c'u yepal li c'anel yu'un Cristoe, jech chavich'beic scotol c'u yepal slequilal yutsilal li Diose.

Filipenses 3:8

Ja' jech mu'yuc xa stu chquil o scotol c'usitic yan ta sventa ti laj xa quil ti ja' toj ech'em slequil c'alal laj cotquin li Cristo Jesuse, ja' li Cajvale. Ta sventa ti ja' xa jc'anoj o li Cristoe, jech la jip o comel scotol li c'usitic jch'unoj to'oxe. Ja' xa jech chquil jech chac c'u cha'al c'a'ep, yu'un jech ja' la jta li c'usi jtunel cu'une, ja' li Cristoe.

2 Timoteo 1:12

Ta sventa ti jech ta jpase, jech ta xquich' o ep vocol. Pero mu xiq'uexov o, yu'un xcotquin lec li Boch'o jch'unojbe sc'ope. Jna'oj lec ti oy svu'el sventa chchabibun li xch'unojel co'nton c'alal to ta slajebal c'ac'ale.

2 Timoteo 2:19

Ac'o me tsc'anic ac'o chibajuc yo'nton li boch'otic xch'unojique, pero jbel sc'oplal c'usi yaloj li Diose. Jech ts'ibabil: “Li Cajvaltique xotquin li boch'otic yu'untaque”, xi. Jech ts'ibabil noxtoc: “Scotol li boch'otic yich'ojic ta muc' Cajvaltique, ta xcom yu'unic c'usitic chopol”, xi ts'ibabil.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

Apocalipsis 2:13

Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.

Apocalipsis 2:19

Vu'une xcotquin li avabtelique xchi'uc ti ac'anojicune. Xcotquin noxtoc ti oy xch'unojel avo'ntonique, ti lec cha'abtejic cu'une, xchi'uc ti lec tsts'ic avu'unic scotole. Jna'oj ti ech'em to cha'abtejic cu'un jech chac c'u cha'al la'abtejic ta sliquebe.

Apocalipsis 2:2

Vu'une xcotquin li avabtelique; jna'oj ti tsots cha'abtejic ta jtojole, xchi'uc ti tsts'ic avu'unic vocole, xchi'uc ti mu xac'an xachi'inic li boch'otic chopolique. Jech noxtoc laj xa aq'uelbeic lec yabtelic li boch'otic jcholc'opetic scuyoj sbaique; laj avilic ti ja' no'ox ch-epalc'opojique.

Apocalipsis 2:9

Vu'une xcotquin li avocolique xchi'uc li ame'onalic ta scoj vocole, pero jc'ulejoxuc chquil. Xchi'uc jna'oj noxtoc ti chchopolc'opoj ta atojolic li mero judioetic scuyoj sbaique. Pero ta melel mu ja'icuc. Ja' sna banquilal pucuj c'otemic.

Apocalipsis 3:1

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Sardise: ‘Li boch'o te oy ta stojol li vucub espíritu yu'un Diose xchi'uc li vucbej c'analetique, jech chayalboxuc: Li vu'une xcotquin li avabtelique. Lec cuxuloxuc ta alel, pero chamenoxuc.

Apocalipsis 3:15

Xcotquin li avabtelique. Jna'oj ti mu'yuc c'oc'oxuc xchi'uc ti mu'yuc sicoxuque. Lec ti oyuc c'uxi xasicubic, o ti oyuc c'uxi xac'ac'ubique.

Apocalipsis 3:8

Xcotquin li avabtelique. A'yo ava'yic, jamal xa lec ti'na cu'un ta aventaic; mu'yuc boch'o xu' tsmac. Ac'o me jutuc no'ox atsatsalic, pero ach'unojbicun o li jc'ope. Mu'yuc amucojicun ta avo'ntonic.