San Juan 10:10 - Bible in Tzotzil de Chenalhó with Deuterocanon

¹⁰ Li j'elec' chije ja' no'ox yabtel ta x'elc'aj, ta xmilvan, ta soquesvan. Yan li vu'une ja' tal cac'be xcuxlejalic, jech mu'yuc c'usi yan tsc'anic o.

Tzotzil Zinacantan

¹⁰ ’Li jꞌelecꞌchije ch-elcꞌaj noꞌox, tsocvan, chmilvan. Yan li voꞌone chcacꞌ cuxlicuc ta sbatel osil. Jaꞌ noꞌox yech jun yoꞌonic ch-echꞌic liꞌ ta sba balamile.

Bible in Tzotzil de Chamula

¹⁰ Ti j'eleq'ue, ja' no'ox ta xtal ta soquesel, ta yelc'anel, ta smilel. Ja'uc ti vu'une lital ta yac'bel xcuxlejal ti ja' bats'i xcuxlejal ta j'ech'ele.

LEQUIL ACH' C'OP

¹⁰ »Li j'elec'chije ja' no'ox chtal elc'ajuc, chmilvan xchi'uc tsocvan; yan li vo'one tal cac' cuxlejal ti mu xlaj ta sbatel osile.

Tzotzil San Andres

¹⁰ ’Li jꞌelecꞌchije jaꞌ noꞌox yabtel ta xꞌelcꞌaj, ta xmilvan, ta socvan. Yan li joꞌone jaꞌ tal cacꞌbe scuxlejalic sventa sbatel osil, jech lec oyic o.

Tzotzil de Huixtán

¹⁰ ’Ti j'elec'carneroe ja' no'ox yabtel ch-elc'aj, chmilvan, chjinvan. Ja'uc ti ho'one tal cac'be xcuxlejalic sbatel osil. Hech jun no'ox yutsil chc'otic o.

San Juan 10:10 Iomraidhean Croise

Isaías 56:11

Ja' jechic jech chac c'u cha'al ts'i' ti mu xnoj xch'utic ta ve'ele. Ja' jchabichijetic ti mu j'ech'el xa'ibeic o smelole. Ja' stamojic o li sbe stuquique; ja' no'ox tsa'ic c'usi lec cha'ay stuquic.

Oseas 7:1

c'alal ta jc'an ta jpoxta li Israele, ja' ta xlic vinajuc smul li Efraine; ta xlic vinajuc xchopolil li Samariae. Yu'un scotolic puru lo'lavanej tspasic. Ta x'och elec'ajicuc ta nanatic; ta xbat svilubtaic li cristianoetic ta xoraltique, yu'un tspojbeic c'usi oy yu'unic.

San Mateo 18:10

“Q'uelo me abaic, mu me mu'yucuc stu chavilic junuc li ololetic li'i. Chacalboxuc ava'yic, li j'almantaletic yu'unic te ta vinajele scotol ora te chilbeic o sat li Jtot te oy ta vinajele.,

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

San Mateo 21:13

Jech laj yalbe: —Jech ts'ibabil ta sc'op Dios: ‘Li jnae ja' snail sc'opanubil Dios’, xi li Diose. Pero li vo'oxuque apasojic xa ta snailch'en j'eleq'uetic —xi.

San Mateo 23:13

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chamaquic ta be li ventainel yu'un Diose. Yu'un li vo'oxuque mu xac'anic ventainel yu'un Dios, ja' yu'un chamaquic li boch'otic tsc'anique.

Marcos 11:17

Te lic chanubtasvanuc li Jesuse, jech laj yal: —¿Me mu xana'ic ti jech ts'ibabile?: ‘Li jnae ja' snail sc'opanbil Dios yu'un scotol cristianoetic’, xi yaloj li Diose. Pero li vo'oxuque apasojic ta snailch'en j'eleq'uetic —x'utatic yu'un li Jesuse.

San Lucas 19:10

Vu'un ti Xnich'on cristiano lic'ote ja' tal jcolta, ja' tal jsa' li boch'otic ch'ayemique —xi li Jesuse.

San Juan 10:1

Li Jesuse jech laj yal noxtoc: —Jamal chacalboxuc ava'yic, li boch'o muc ta sti' scoraluc chij ta x'oche, me ta xbit no'ox ochel ta pat corale, ja' j'elec' chijetic, ja' j'uts'intavanejetic.

San Juan 10:11

Vu'un li lequil jchabichijune. Li lequil jchabichije chac' sba ta milel ta scoj li xchijtaque.

San Juan 12:47

Li boch'otic ta xa'ibicun jc'ope, me mu spas li c'usi cha'yique, muc vu'cun ta jchapan. Yu'un muc talemucun ta xchapanel li cristianoetic li' ta banamile. Talemun sventa ta jcoltaic.

San Juan 12:6

Ti jech laj yal li Judase, mu yu'unuc ja' tsc'an ta xc'uxubin li me'onetique. Yu'un li stuque ja' j'elec'. Yu'un ja' xchabioj li yavil jtaq'uincutique, jech te ono'ox ta xelc'an li taq'uin te tiq'uile.

San Juan 3:17

Ti la stac tal li' ta banamil Xnich'on li Diose, mu yu'unuc tal yac'be stoj smul li cristianoetique. Ja' tal scolta.

San Juan 5:40

Pero mu xac'an xatalic ta jtojol ti jech xu' chacuxiic o sbatel osile.

San Juan 6:33

Li vaj yu'un Diose ja' li boch'o te liquem tal ta vinajele. Ja' tal yac'be xcuxlejal cristianoetic li' ta banamil —xut.

San Juan 6:51

Vu'un li vajun sventa cuxlejal ti te liquem tal ta vinajele. Li boch'o ta sve' li vaj le'e, cuxul o ta sbatel osil. Li vaj ti vu'un ta xcaq'ue ja' li jbec'tale. Yu'un jbec'tal jtuc ta xcac' sventa ac'o sta xcuxlejal li cristianoetic li' ta banamile —xi li Jesuse.

Romanos 2:21

Me ta melel vo'oxuc jchanubtasvanejoxuque, ¿c'u yu'un mu xachanubtas aba atuquic? C'alal chacholic sc'op Diose, chavalic ti mu xu' chij'elc'aje, pero avochelic elec' atuquic.

1 Timoteo 1:15

Ja' melel li c'op li'i; ja' tsc'an ac'o yich' ch'unel. Li Jesucristoe i'ay ta banamil, ay scolta jpasmuliletic. Vu'une ech'em la jsa' li jmule; ja' mu sta jech li yantique.

Hebreos 6:17

Ja' no'ox jech ec li Diose solel laj yac' lec ta ilel ti jbel sc'oplal chac' li c'usi yaloj ono'ox chac'be li boch'otic sc'oplal chac'bee. Jech lic yal ta jamal ta sventa sbi stuc noxtoc, yu'un jech chvinaj ti mu xlaj sc'oplal oe.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.

2 Pedro 1:11

Jech lec jamal ti'na ta aventaic, jech ta jbel sc'oplal cha'ochic yo' bu chventainvan sbatel osil li Cajvaltique, ja' li Jesucristo Jcoltavanej cu'untique.