San Juan 1:51 - Bible in Tzotzil de Chenalhó with Deuterocanon

⁵¹ Li Jesuse jech laj yal noxtoc: —Ta melel, jamal chacalboxuc ava'yic. Li' tana xchi'uc le' to batele, chavilic jamal li vinajele; chavilic te xyal xmuyic ta jtojol li yaj'almantaltac Diose, vu'un ti Xnich'on cristiano lic'ote —xi li Jesuse.

Tzotzil Zinacantan

⁵¹ ―Ta melel chacalbeic, voꞌon ti coꞌol crixchanootique, chavilic ti voꞌon chaquiqꞌuic echꞌel ta vinajele ti chba achiꞌinic ti Rioxe ―xiyutoticotic.

Bible in Tzotzil de Chamula

⁵¹ Xi laj yal xtoc ti Jesuse: —Ta xcalboxuc ava'iic ta melel, ta xavilic liquel ta xlic jamuc ti vinajele, ti xmuy xyal ti yaj'ánjeltac Dios ta jts'el ti vu'un co'ol j'elantique.

LEQUIL ACH' C'OP

⁵¹ Ti Jesuse ja' yech iyal noxtoc chac li'i: —Ta melel chacalbeic, ti ta to xavilic ta xjam li vinajele, chavilic ti chyal chmuyic li yaj-anjeltac Riox ta jtojol vo'on ti Xch'amal crixchano li c'ote. —X'utatic yu'un ti Jesuse.

Tzotzil San Andres

⁵¹ Li Jesuse jech laj yalbuncutic jcotolcutic: ―Melel li cꞌusi chacalbeique, joꞌon li coꞌol crixchanoutique chavilic ti ta jventa joꞌon ti chabatic ta stojol li Diose ―xijyutcutic.

Tzotzil de Huixtán

⁵¹ Ti Jesuse hech lic yalbuntutic jcotoltutic: ―Melel ti c'usi chacalboxuque, chavilic chjam ti vinajele. Chavilic xch'ul'abat ti Diose chmuic chyalic ti jtojol, ho'on ti co'ol crixchanoucutique ―xiyutuntutic ti Jesuse.

San Juan 1:51 Iomraidhean Croise

Génesis 28:12

Te ivaychin. Te laj yil ta xvayech jun tec'ubal xlic ta banamil xc'ot c'alal ta vinajel. Te xyal xmuyic yaj'almantal Dios laj yil.

Ezequiel 1:1

C'alal ja'o te oyun ta ti' muc'ta uc'um Quebar ta Babilonia banamil yo' bu chucbiluncutic batel jchi'uc yantic jchi'iltaque, laj quil ijam li vinajele; te laj quil ta jch'ulel li Diose. Ja' ta yo'bal c'ac'al stsacoj xchanibal u ta slajunebal xcha'vinic (30) jabil, ja' yo'bal jabil xa'ox xchuquel batel ta Babilonia ec li ajvalil Joaquine.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

San Mateo 25:31

Jech laj yal noxtoc li Jesuse: “C'alal chital jchi'uc jxojobal, vu'un ti Xnich'on cristiano lic'ote, ta jchi'in tal scotol li ch'ul j'almantaletique; ja'o chlic chotlicun ta jchotleb ti jun yutsil slequile.

San Mateo 26:24

Ta melel vu'un ti Xnich'on cristiano lic'ote ta xipasbat jech chac c'u cha'al ts'ibabil ono'ox ta sc'op Diose. Pero toj abul sba li boch'o chiyac'un ta c'abale. Ja' lec ti manchuc voc'uc li vinic le'e —xi li Jesuse.

San Mateo 3:16

C'alal laj yich' vo' li Jesuse, iloc' ta uc'um; ta ora ijam li vinajele. Laj yil iyal tal ta sba li Espíritu yu'un Diose, xco'laj xchi'uc stsumut yilel.

San Mateo 4:11

Jech ibat li pucuje. Ta ora ital j'almantaletic, tal scoltaic li Jesuse.

San Mateo 8:20

Itac'ov li Jesuse: —Li vetetique oy xch'enic; li mutetique oy stasic. Vu'un ti Xnich'on cristiano lic'ote mu'yuc bu xu' ta jmochan jba —xi.

San Mateo 9:6

Pero ta sventa ac'o ana'ic ti oy jvu'el li' ta banamil sventa ta jpas perdón yu'un mulil, vu'un ti Xnich'on cristiano lic'ote, q'uelic me c'usi ta jpas li'i —xut. Jech laj yalbe li jchamele: —Lican, ich'o batel avayab, batan ta ana —xut.

Marcos 1:10

C'alal iloc' ta uc'um li Jesuse, ta ora laj yil ijam li vinajele. Laj yil iyal tal ta sba yac'ol li Ch'ul Espiritue, xco'laj xchi'uc stsumut yilel.

Marcos 14:62

Itac'ov li Jesuse: —Vu'un. Ta to xavilic chotolun ta sbats'ic'ob li Boch'o ech'em svu'ele. Ta to xavilic chiyal tal ta toc ta vinajel, vu'un ti Xnich'on cristiano lic'ote —xi.

San Lucas 2:13

Ta ora no'ox ivinaj yan epal j'almantaletic liquemic tal ta vinajel. Laj yalic slequilal Dios, jech laj yalic:

San Lucas 2:9

Ta ora te ivinaj jun yaj'almantal Cajvaltic ta stojolic. Joyibtabil ic'otic ta xojobal Cajvaltic. Toj xi'el no'ox ic'otic.

San Lucas 22:43

[Te ivinaj tal jun yaj'almantal Dios ta vinajel, yu'un tal ac'batuc stsatsal li Jesuse.

San Lucas 22:69

Pero li' ta ora vu'un ti Xnich'on cristiano lic'ote, ta xa xlic chotlicun ta sbats'ic'ob Dios ti ech'em svu'ele —xut.

San Lucas 24:4

C'alal te chlo'ilaj yo'ntonique, te va'al ivul ta sts'elic chib viniquetic, oy xojobal li sc'u'ique.

San Lucas 3:21

C'alal ja'o te chich'ic vo' ta stojol Juan li epal cristianoetique, te c'ot sc'an ich'vo' ec li Jesuse. C'alal la sc'opan Dios li Jesuse, ijam li vinajele.

San Juan 1:50

Li Jesuse jech laj yalbe: —Ta sventa ti laj ach'un c'alal laj calbot ti laj cotquinot te oyot ta yolon higoe, jech ech'em to smuc'tiquil c'usi ta xlic avil batel —xut.

San Juan 10:1

Li Jesuse jech laj yal noxtoc: —Jamal chacalboxuc ava'yic, li boch'o muc ta sti' scoraluc chij ta x'oche, me ta xbit no'ox ochel ta pat corale, ja' j'elec' chijetic, ja' j'uts'intavanejetic.

San Juan 10:7

Li Jesuse jech laj yal noxtoc: —Jamal chacalboxuc ava'yic, vu'un li sti' scoralil chij c'otemune.

San Juan 13:16

Jamal chacalboxuc ava'yic, li boch'o mozo no'oxe ma'uc muc' c'otem ta stojol li yajvale. Jech noxtoc li boch'o tacbil no'ox ta spasel c'usi tspase, ma'uc muc' c'otem ta stojol li boch'o itacvane.

San Juan 13:38

Itac'ov li Jesuse: —¿Me ta melel xu' chavac' aba ta milel ta jventa? Jamal chacalbot ava'ay, tana c'alal mu'yuc to'ox ta x'oc' li cotse, oxib xa'ox velta laj amucun ta avo'nton —xut.

San Juan 14:12

Jamal chacalboxuc ava'yic, li boch'o ta xch'unicune, xu' chlic spasic ec jech chac c'u cha'al ta jpase. Toj ven tsotsic c'usitic chlic spasic, yu'un li vu'une ta xa xibat yo' bu oy li Jtote.

San Juan 16:20

Ja' melel li c'usi chacalboxuc ava'yique: Li vo'oxuque ta to xa'oq'uic; ta to xavat avo'ntonic. Yan li cristianoetic li' ta banamile xcuxet no'ox yo'ntonic. Pero ac'o me chavat avo'ntonic li vo'oxuque, chlic c'atajuc ta xcuxetel avo'ntonic.

San Juan 16:23

“C'alal jech chc'ot ta pasele, mu'yuc xa c'usi chajac'bicun. Ja' melel li c'usi chacalboxuc ava'yique: Scotol c'usi chac'anbeic ta jbi li Totile chayac'boxuc.

San Juan 21:18

Jamal chacalbot ava'ay: Ti c'alal ven queremot to'oxe, lec to'ox sololot laj ava'ay, laj achapan aba, laj achuc lec ach'ut ti buyuc no'ox labate. Pero ti c'alal molot xae, ja' xa no'ox chalich'an ac'ob. Yan xa boch'o chtal yac'bot achuc, chayiq'uicot batel ti bu mu xac'an xabate —x'utat.

San Juan 3:3

Itac'ov li Jesuse: —Ta melel, jamal ta xcalbot ava'ay, li boch'o mu'yuc chcha'voc' ta ach'e, mu xu' chich' ventainel yu'un Dios —xut.

San Juan 3:5

Itac'ov li Jesuse: —Ta melel, jamal ta xcalbot ava'ay: Li boch'o mu'yuc chcha'voc' ta sventa vo' xchi'uc ta sventa Ch'ul Espiritue, mu xu' chich' ventainel yu'un Dios.

San Juan 5:19

Li Jesuse jech laj yalbe: “Jamal chacalboxuc ava'yic, vu'un li Xnich'onun Diose mu'yuc c'usi xu' cu'un ta jpas jtuc; ja' no'ox li c'usi tspas chquil li Jtote, ja' jech ta jpas ec.

San Juan 5:27

Jech noxtoc, yac'ojbun jvu'el sventa chichapanvan, yu'un Xnich'on Cristiano lic'ot.

San Juan 6:26

Itac'ov li Jesuse: —Jamal chacalboxuc ava'yic. Ti tal asa'icune, ma'uc ta sventa yu'un ic'ot ta avo'ntonic li sq'uelubil jtsatsal la jpase. Ja' no'ox ta sventa yu'un lec ta ve'el ava'yic li pane, xchi'uc ti lec inoj ach'utic oe.

San Juan 6:32

Li Jesuse jech laj yalbe: —Jamal ta xcalboxuc ava'yic, li Moisese mu ja'uc laj yac' li mero vaj liquem tal ta vinajele. Yan li Jtote ja' ta xac'boxuc li mero lequil vaj liquem tal ta vinajele.

San Juan 6:47

Jamal ta xcalboxuc ava'yic, li boch'o ta xch'une ja' ta xcuxi sbatel osil.

San Juan 6:53

Li Jesuse jech laj yalbe: —Jamal ta xcalboxuc ava'yic, me mu'yuc chave'bicun jbec'tal, vu'un ti Xnich'on cristiano lic'ote, me mu'yuc chavuch'bicun li jch'ich'ale, mu'yuc acuxlejalic o.

San Juan 8:34

Itac'ov li Jesuse: —Jamal ta xcalboxuc ava'yic, scotol li boch'otic ta sa'ilan smulique ja' smozo mulil c'otemic o.

San Juan 8:51

Jamal chacalboxuc ava'yic, li boch'otic ta xch'unic jc'ope, mu'yuc ta xchamic —xi li Jesuse.

San Juan 8:58

Itac'ov li Jesuse: —Jamal chacalboxuc ava'yic, c'alal mu'yuc to'ox li Abrahame, te ono'ox oyun li vu'une —xi.

Hechos 10:11

Laj yil ijam li vinajele. Laj yil oy c'usi iyal tal ta vinajel xco'laj xchi'uc muc'ta poc'. Lec chucanbil xchanjotal xchiquin iyal tal ta banamil.

Hechos 7:56

Li Estebane jech laj yal: —A'yo ava'yic, jamal xa vinajel ta xquil. Te oy ta sbats'ic'ob Dios ta xquil li boch'o xco'laj xchi'uc Xnich'on cristiano ic'ote —xi.

2 Tesalonicenses 1:7

Vo'oxuc ti chavich'ic vocol li' ta orae, co'ol ta jcux co'ntontic c'alal chyal tal ta vinajel li Cajvaltic Jesucristoe xchi'uc li yaj'almantaltac ti ech'em svu'elique.

2 Tesalonicenses 1:9

Le'e tsts'ic svocolic o ta ch'ayel sbatel osil. Nom oyic o ta stojol li Cajvaltique. Mu xilbeic o slequilal xchi'uc svu'el.

1 Timoteo 3:16

Yu'un jbel sc'oplal toj yan to sba smuc'ul li c'usi melel la jch'untique: Ja' li sc'oplal li Boch'o laj yac' sba ta ilel ta jtojoltic xchi'uc sbec'tale, ivinaj ta sventa Ch'ul Espíritu ti tuc' yo'ntone; i'ilat yu'un j'almantaletic. Ipucbat batel sc'oplal ta yantic banamil; laj yich' ch'unel li' ta banamil, xchi'uc laj yich' iq'uel muyel ta lequilal.

Hebreos 1:14

Yu'un li j'almantaletique ja' no'ox chtunic yu'un Dios. Tacbilic no'ox yu'un Dios, yu'un ac'o bat scoltaic li boch'otic sc'oplal chcolic sbatel osile.

Judas 1:14

Jech ec li Enoc ti ja' svucc'olal xa smomnich'on Adane, lec jamal laj yal c'usi chc'ot ta pasel ta stojol li cristianoetic le'e: “Laj quil ital li Cajvaltique, xchi'uc tal ep ta mil yaj'almantaltac.

Apocalipsis 19:11

Laj quil ijam li vinajele; te laj quil jcot saquil ca'. Li boch'o scajlebinoje Xc'ot chc'opoj, Melel c'usi chal, xi sbi. Tuc' chchapanvan, tuq'uil pleito tspas.

Apocalipsis 4:1

C'alal jech li'albat scotol chac' le'e, ts'acal laj quil jamal ti'na ta vinajel. Li c'op ti ba'yuc laj ca'ay, ti xco'laj xchi'uc x'oc' oq'uese, jech laj yalbun: “La' muyan tal li'i; vu'un chacac'bot avil scotol li c'usitic ta to xc'ot ta pasele”, xiyutun.