San Juan 1:45 - Bible in Tzotzil de Chenalhó with Deuterocanon

⁴⁵ Li Felipee la sta ta c'opanel li Natanaele, jech laj yalbe: —Laj xa jtacutic li boch'o ts'ibabil comel sc'oplal ta svun Moisese xchi'uc ta svun yantic j'alc'opetique. Ja' li Jesús xnich'on José te ta lum Nazarete —xut.

Tzotzil Zinacantan

⁴⁵ Ti Felipee ora ba saꞌ ti Natanaele. ―Iquilticotic xa ti muchꞌu tsꞌibabil scꞌoplal ta svunic ti Moisese xchiꞌuc ti yan yajꞌalcꞌoptac Riox ti ta voꞌnee. Jesús sbi, screm José ta jteclum Nazaret ―xut la.

Bible in Tzotzil de Chamula

⁴⁵ Xi laj yal ti Felipe c'alal bat sa' ti Natanaele: —Laj xa quilcutic ma' ti Buch'u ts'ibabil sc'oplal ta jpoc svunal ti oy c'usi tsots sc'oplal albil yu'un ti Moisese, xchi'uc ti ts'ibabil yu'un ti j'alc'opetique, ja' ti Jesuse, xnich'on ti José ti nacal ta jteclum Nazarete.

LEQUIL ACH' C'OP

⁴⁵ Ti Felipee, ora ba sa' ti Natanaele, xi iyalbee: ―Ijtaticotic xa ti much'u ist'sibabe sc'oplal ta svunal mantaletic ti Moisese xchi'uc ti yan yaj'alc'optac Rioxe. Ja' ti Jesuse, ti screm José ta Nazarete. —Xut.

Tzotzil San Andres

⁴⁵ Li Felipee ba saꞌ ta ora li Natanaele. Jech cꞌot yalbe: ―Ijtacutic xa li buchꞌu tsꞌibabil comel scꞌoplal ta sjunic li jtotic jmeꞌtic Moisese schiꞌuc li yan li buchꞌutic iyalic scꞌop Dios ta voꞌonee. Jaꞌ Jesús, snichꞌon José li te ta jteclum Nazarete ―xut.

Tzotzil de Huixtán

⁴⁵ Ti Felipee ba sa' ti Natanaele. C'ot yalbe: ―Jtaojtutic xa ti much'u ts'ibabil comel sc'opilal ti sun ti antiguo jtatamoltic Moisese xchi'uc ti sun ti j'alc'opetic yu'un ti Diose. Ja' Jesús ti liquem tal ti Nazarete. Ja' snich'on ti Josee ―xchi.

San Juan 1:45 Iomraidhean Croise

Génesis 22:18

Ja' ta sventaic chich' bendición scotol li muc'tic lumetic li' ta banamile, yu'un laj ach'un li c'usi laj calbote’, xayutot li Muc'ul Diose —xi li j'almantale.

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

Isaías 4:2

Me la sta yoraile, li Muc'ul Diose ta xac' q'uelumajuc li sts'unube. Li sq'uelume ja' slequilal, yutsilalic chc'ot li israeletic ti cuxajtic to chcomique. Li sat c'usitic chloc' yu'unique ja' yich'elic ta muc' chc'ot.

Isaías 53:2

Li Yajtunel Diose ich'i ta stojol Muc'ul Dios jech chac c'u cha'al q'uelum te'; laj yac' lec yibel ta taqui banamil, ma'uc toj c'upil sba, ma'uc toj yan xa o ta q'uelel, ma'uc yu'un xch'ay xa co'ntontic yu'un.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

Zacarías 6:12

Jech xavalbe: ‘Jech chal li Muc'ul Dios ti tspas ta mantal scotol te ta vinajele: Q'uelavilic, li' oy li vinic ti Ach' Sq'uelum xi sbie; ta xlic q'uelumajuc, ja' ta xcha'pas li ch'ulna cu'une.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

San Mateo 10:3

xchi'uc Felipe, Bartolomé, Tomás xchi'uc Mateo ti jtsobpatan to'oxe, xchi'uc Santiago xnich'on Alfeo, xchi'uc Lebeo,

San Mateo 13:55

¿Me mu ja'uc xnich'on li carpinteroe? ¿Me mu ja'uc sme' li Mariae? ¿Me mu ja'uc xchi'iltac li Jacoboe, li Josee, li Simone, xchi'uc li Judase?

San Mateo 2:23

Te bat nacluc ta jun lum Nazaret, yu'un jech ac'o c'otuc ta pasel ti laj yal yaj'alc'optac Dios ta vo'one, te liquem tal ta Nazaret, xi sc'oplale.

San Mateo 21:11

Itac'ov li epal cristianoetique: —Ja' Jesús. Ja' li yaj'alc'op Dios liquem tal ta Nazaret ta Galilea banamile —xiic.

Marcos 14:67

C'alal laj yil ti te ta xc'atin li Pedroe, la sq'uel lec, jech laj yalbe: —Vo'ote ja' achi'il li Jesús liquem tal ta Nazarete —xut.

Marcos 6:3

¿Me mu ja'uc li carpintero yol Mariae? ¿Me mu ja'uc xchi'iltac li Santiago, li José, li Judas, xchi'uc Simone? ¿Me mu ja'uc xchi'iltac noxtoc li antsetic li' jchi'uctic ta nacleje? —xut sbaic. Jech muc xich'ic o ta muc' li Jesuse.

San Lucas 18:37

I'albat ti ja' te ta xjelov batel li Jesús liquem ta Nazarete.

San Lucas 2:4

Jech ec li Josee iloc' batel ta lum Nazaret ta Galilea banamil. Ibat ta lum Belén te ta Judea banamil, yu'un ja' te ivoc' li smoltot ta vo'onee, ja' li Davide.

San Lucas 2:48

C'alal laj yilic li José xchi'uc Mariae, toj ch'ayel ic'ot yo'ntonic. Li Jesuse jech i'albat yu'un li sme'e: —Querem, ¿c'u yu'un ti jech laj apasbuncutique? La jt'unotcutic xchi'uc li atote. Ep laj cat co'ntoncutic avu'un —xut.

San Lucas 24:27

Jech lic yac'be sna'ic scotol li sc'oplal ts'ibabil comele. La sliques ta svun Moisés c'alal to ta svunic li yantic yaj'alc'optac Diose. Laj yalbe smelol scotol ti butic ts'ibabil sc'oplale.

San Lucas 24:44

Jech i'albatic: —C'alal jchi'inojoxuc to'oxe, jech ono'ox laj calboxuc chac li'i: ‘Ta persa ta xc'ot ta pasel scotol li jc'oplal ts'ibabil ta svun Moisese, xchi'uc ta svunic li yantic j'alc'opetique, xchi'uc ta svunal q'ueojetique’, xacutoxuc ono'ox —x'utatic.

San Lucas 3:23

C'alal lic abtejuc li Jesuse, yich'oj xa'ox van lajuneb xcha'vinic (30) jabil. Chalic ti ja' xnich'on li Josee. Li Josee ja' stot li Elie.

San Lucas 4:22

Jech scotolic lec laj yalbeic sc'oplal li Jesuse. Ich'ay yo'ntonic ta sventa ti toj lec c'usi laj yale, jech lic yalbe sbaic: —¿Me mu ja'uc xnich'on li Josee? —xut sbaic.

San Juan 1:44

Li Felipee te liquem tal ta lum Betsaida, ja' te yo' bu slumalic ec li Andrés xchi'uc Pedroe.

San Juan 12:21

Bat sc'opanic li Felipe liquem ta lum Betsaida te ta Galilea banamile. Jech laj yalbeic: —Tata, chac jq'uel ca'icutic li Jesuse —xutic.

San Juan 14:8

Li Felipee jech laj yal: —Cajval, ac'bun cotquincutic li Jtotic Diose jech cux xi co'ntoncutic —xut.

San Juan 18:5

Itac'ovic: —Ja' ta jsa'cutic li Jesús liquem tal ta Nazarete —xutic. Itac'ov li Jesuse: —Ja' vu'un —xi. Te va'al xchi'uquic li Judase, ja' li j'ac'vanej ta c'abale.

San Juan 18:7

Li Jesuse la sjac'be yan velta: —¿Boch'o chasa'ic? —xut. —Ja' ta jsa'cutic li Jesús liquem tal ta Nazarete —xutic.

San Juan 19:19

Li Pilatoe laj yac' ta ts'ibael jun te'. Te la sbajic ta sjol scruzal li Jesuse, jech chal: “JA' JESÚS LIQUEM TAL TA NAZARET. JA' AJVALIL YU'UN JUDIOETIC”, xi ts'ibabil.

San Juan 21:2

Te jmoj tsobolic li Simón Pedroe, xchi'uc li Tomás ti loin xi sc'oplale, xchi'uc li Natanael liquem ta lum Caná ta Galilea banamile, xchi'uc te oyic li chib xnich'nab Zebedeoe, xchi'uc yan chib xchi'ilic ta abtel.

San Juan 6:42

Jech laj yalbe sbaic: —Ja' xnich'on José li Jesús li'i. Xcotquinbetic li stot sme'e. ¿C'u yu'un ta xal ti te liquem tal ta vinajele? —xut sbaic.

San Juan 6:5

C'alal la stoy sat li Jesuse, laj yil ti ta xtal ta stojol epal cristianoetique, ja' yu'un jech la sjac'be li Felipee: —¿Bu ta xbat jmantic tal pan sventa ta xcac'betic sve'ic li epal cristianoetic le'e? —xut.

San Juan 6:7

Itac'ov li Felipee: —Ta lajunvinic (200) denario pane mu ono'ox xloc' o, ac'o me jutuc no'ox ta xcac'betic —xi.

Hechos 10:38

Xchi'uc xana'ic noxtoc ti i'ac'bat yich' Ch'ul Espíritu yu'un Dios li Jesús liquem tal ta Nazarete, xchi'uc ti i'ac'bat ep stsatsale. Buyuc no'ox ixanov la scoltaan ep cristianoetic, xchi'uc la scoltaan li boch'otic uts'intabilic yu'un pucujetique. Scotol ivu' yu'un, yu'un chi'inbil yu'un Dios.

Hechos 2:22

“Jchi'iltac israeletic, a'yo ava'yic c'usi ta xcal. Li Jesús liquem tal ta Nazarete, laj avilic lec ti ja' jun vinic t'ujbil yu'un Dios ta melele, yu'un la spas tsots sq'uelubil, tsots senyail xchi'uc c'usi labalic sba ta jtojoltic ta sventa li Diose. Lec xana'ic ti ja' jeche.

Hechos 22:8

Jech la jac'be: ‘¿Boch'oot?, Cajval’, xcut. Jech laj yalbun: ‘Vu'un Jesusun ti liquemun tal ta Nazarete. Vu'un ti chavuts'intaune’, xiyutun.

Hechos 26:9

“Li vu'une laj to'ox jnop ti ep c'usi xu' cu'un ta jpas sventa ta jcontrain li Jesús liquem tal ta Nazarete.

Hechos 3:6

Li Pedroe jech laj yal: —Mu'yuc jsepuc taq'uin cu'un, pero li c'usi oy cu'une chacac'bot. Ta sbi Jesucristo ta Nazaret, va'lan, xanovan —xut.