San Juan 1:4 - Bible in Tzotzil de Chenalhó with Deuterocanon

⁴ Ja' te oy ta stojol li cuxlejale. Li cuxlejale ja' luz ic'ot yu'un li cristianoetique.

Tzotzil Zinacantan

⁴ Ti Muchꞌu iꞌaye cuxul ta sbatel osil. Jaꞌ noꞌox yech xuꞌ chiyacꞌbotic jcuxlejaltic ta sbatel osil voꞌotic ti jmulavilotic liꞌ ta sba balamile.

Bible in Tzotzil de Chamula

⁴ Ja' ta sventa ayan talel ti cuxlejale. Ti cuxlejal taje, ja' c'ot ta saquilal osil yu'un ti jnaclejetic ta banomile.

LEQUIL ACH' C'OP

⁴ Yu'un tey liquem tal ta stojol li cuxlejale, li cuxlejale ja' luz yu'un li crixchanoetique.

Tzotzil San Andres

⁴ Jaꞌ sventainoj cuxlejal sventa sbatel osil. Jech ta jnaꞌtic o ti xuꞌ chijcuxiutic o sbatel osil ta sventae jech chac cꞌu chaꞌal cuxul o li stuque. Jaꞌ sjamobil jsatic jchiquintic yoꞌ ta jtatic o jcuxlejaltic sbatel osil, joꞌotic ti oyutic ta mulil liꞌ ta balumile.

Tzotzil de Huixtán

⁴ Stuc ja' j'ac'cuxlejal. Yu'un laj yac'bucutic jna'tic ti ja' chijcuxiucutic sbatel osil ti sventa, hech yu'un ja' c'oc' ic'ot cu'untic ti ho'ucutic ti li'oyucutic ti balumile ti oyucutic ti ic' osil ti scoj ti mulile.

San Juan 1:4 Iomraidhean Croise

Salmos 49:6

Li boch'o spatoj yo'ntonic yu'un c'usi oy yu'unique stoyoj sba o xchi'uc li sc'ulejalique.

Salmos 84:11

Yu'un li Muc'ul Diose ja' xa te xojoban o ta jtojol, ja' jmacubbail c'otem; puru utsilal, puru c'uxubinel xa chiyac'bun. Li boch'otic tuc' yo'ntonique mu'yuc chjalanbatic o li c'usitic leque.

Isaías 42:16

Li ma'satetique ta jbeiltasic batel ta be ti bu mu xotquinique; ta xcac' xanovicuc batel ta bic'tal beetic ti bu mu'yuc ono'ox xanovenic tee. Ta jc'atajesbe ta sac osil li ic' osile; ta jpasbeic lec ta parejo li banamil ti bu slomol spots'ole. Scotol le'e ta persa ta jpas, muc ja'uc no'ox chcal.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Mateo 4:16

ja' li cristianoetic ti nacalic to'ox ta ic' osile laj xa yilic sac osil. Li boch'o oyic xa'ox ta sventa lajele xojoban xa luz ta stojolic”, xi ono'ox li j'alc'op Isaiase.

San Lucas 2:32

Ja' sac osil chc'ot yu'unic ec li yanlum cristianoetique; ja' slequilalic chc'ot li ateclumal Israele”, xi li Simeone.

San Juan 11:25

Li Jesuse jech laj yalbe: —Vu'un jcha'cuxesvanejun, xchi'uc vu'un j'ac'cuxlejalun. Li boch'o ta xch'un ti vu'un Jcoltavanejune, ac'o me ta xcham, pero ta xcuxiic sbatel osil.

San Juan 12:35

Itac'ov li Jesuse: —Mu xa epuc c'ac'al li' oy ta atojolic li luze. Ja' lec xanovanic ta sac osil ti c'alal yo'to li' oy li luze, yu'un jech mu me ch'ayeluc avo'ntonic chastaoxuc li ic' osile. Yu'un li boch'o chanov ta ic' osile mu sna' bu chbat.

San Juan 12:46

Vu'un luz c'otemun li' ta banamil. Scotol li boch'o ta xch'unicune mu xanovic ta ic' osil.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 3:19

Chbat stoj smulic yu'un ital xa li' ta banamil li luze. Pero li cristianoetique ja' la sc'anic o li ic' osile. Ja' muc sc'anic li luze, yu'un puru chopol li yabtelique.

San Juan 5:21

Jech chac c'u cha'al ta xcha'cuxes animaetic li Jtote xchi'uc ti ta xac'be xcuxlejalique, ja' no'ox jechun ec, xu' ta jcha'cuxes li boch'o ta jc'an ta jcha'cuxese; ta xcac'be xcuxlejal ec.

San Juan 5:26

Jech chac c'u cha'al oy cuxlejal sbatel osil ta stojol li Jtote; ja' no'ox jech yac'ojbun cuxlejal sbatel osil ta jventa ec.

San Juan 8:12

Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

San Juan 9:5

C'alal li' to oyun ta banamile, vu'un luz c'otemun li' ta banamil —xi.

Hechos 26:23

Ja' laj yalic ti ta persa ta xich' vocol li Cristoe, xchi'uc ti ja' ba'yuc ta xcha'cuxi yu'un scotol li boch'otic chamenique, yu'un jech xu' chalbe jun ta lum israel xchi'uc yanlumetic ti oy sac osil ta sventae”, xi li Pabloe.

1 Corintios 15:45

Jech ts'ibabil ta sc'op Dios: “Li sba vinic Adane ac'bil no'ox xch'ulel, jech icuxi”. Yan li slajeb Adane cuxul o; ja' chac' cuxlejal noxtoc.

Efesios 5:14

Ja' yu'un chc'ot ta pasel ti jech albil sc'oplale: “Lican, vo'ot ti vayemote; totsan tal ta stojol li animaetique, jech chlic yac' xojobal ta atojol li Cristoe”, xi.

Colosenses 3:4

C'alal chtal li Cristo ti ja' xa acuxlejalique, co'ol chac'ot achi'uquic, co'ol alequil avutsil achi'uquic.

1 Juan 1:1

Ta jts'ibaboxuc tal ava'yic sc'oplal li Boch'o te ono'ox oy ta sliquebal banamile, yu'un laj ca'ibecutic sc'op, laj quil ta jsat jtuccutic, la jq'uelcutic lec, xchi'uc la jpic ta jc'obcutic. Ja' li Boch'o sventainoj cuxlejale.

1 Juan 1:2

Li Cuxlejale laj xa yac' sba ta otquinel; laj quilcutic li vu'uncutique, ja' yu'un ta xcalbecutic sc'oplal. Ta xcalcutic ava'yic c'u x'elan li Boch'o sventainoj cuxlejal sbatel osile. Te ono'ox xchi'uc sbaic xchi'uc li Jtotic Diose. Laj xa yac' sba ta ilel ta jtojolcutic.

1 Juan 5:11

Li c'usi yaloj Diose ja' li'i: Ja' ti chijyac'butic cuxlejal sventa sbatel osile. Li cuxlejal sventa sbatel osile ja' te oy ta stojol li Xnich'one.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:16

“Vu'un Jesusun, vu'un la jtac tal caj'almantal, yu'un ja' chac'be sna' jujutsob jch'unolajel li c'usitic chc'ot ta pasele. Vu'un smomnich'onun li Davide. Ja' jechun jech chac c'u cha'al muc'ta c'anal ti xojoban ta po'ot sacubbale”, xiyutun li Jesuse.