San Juan 1:38 - Bible in Tzotzil de Chenalhó with Deuterocanon

³⁸ Ijoyij li Jesuse, laj yil ti te nabalic batele, jech la sjac'be: —¿C'usi chasa'ic? —xut. Itac'ovic: —Jchanubtasvanej, ¿bu to oy anae? —xutic.

Tzotzil Zinacantan

³⁸ Ti Jesuse isqꞌuel sutel spat, iyil ti tey tijiloticotic echꞌele. ―¿Bu chabatic? ―xiyutoticotic. ―Jchanubtasvanej, ¿bu nacalot? ―xcuticotic.

Bible in Tzotzil de Chamula

³⁸ Ti Jesuse joybij laj sq'uel ti spate, laj yil ti ta sts'acliat batele. Xi laj sjaq'ue: —¿C'usi ta xasa'ic? —Jchanubtasvanej, ¿bu nacalot? —xi laj sjaq'uic ti cha'vo'ique.

LEQUIL ACH' C'OP

³⁸ Ti Jesuse isq'uel sutel spat, c'alal iyil ti tey nap'ajtic ech'ele, ja' yech isjac'be chac li'i: —¿C'usi cha sa'ic? —X'utatic. Xi istaq'uique: —Jchanubtasvanej ¿bu nacalot? —Xutic.

Tzotzil San Andres

³⁸ Li Jesuse la sqꞌuel svalapat, iyil ti te tijiluncutic batel ta spate. Jech la sjacꞌbuncutic: ―¿Cꞌusi chasaꞌic? ―xijyutcutic. La jtacꞌbecutic: ―Jchanubtasvanej, ¿bu nacalot? ―xcutcutic.

Tzotzil de Huixtán

³⁸ Ti Jesuse laj sjoyp'in sba. Laj yil te xa xibatutic ti spat. Laj sjac'buntutic: ―¿C'usi chasa'ic? ―xiyutuntutic. Nitac'avtutic: ―Rabí, ¿bu nacalot? ―xichitutic. (Ja' Rabí co'ol sjam xchi'uc Maestro.)

San Juan 1:38 Iomraidhean Croise

1 Reyes 10:8

Toj xcuxet no'ox yo'ntonic li avinictaque, xchi'uc li j'abteletic avu'un ti li' oyic ta ats'el ti scotol c'ac'al cha'yic c'u x'elan li abijil chac'opoje.

Salmos 27:4

Jun no'ox li c'usi jc'anojbe o li Muc'ul Diose, jun no'ox li c'usi oy ta co'nton oe; ja' ti te chicom o ta xch'ulna ti jayib c'ac'al cuxulune. Te chca'ay c'u yutsil stuc li Muc'ul Diose; te chquich' o ta muc' ta xch'ulna.

Proverbios 13:20

Li boch'o ja' chchi'in li boch'otic oy sbijilique ta xbijub batel ec; yan li boch'o ja' chbat xchi'in li bol cristianoetique te chbolib o ec.

Proverbios 3:18

Li jbijiltique ja' jech chc'ot jech chac c'u cha'al te' sventa cuxlejal ta sventa li boch'otic tsc'ane; xcuxet no'ox yo'ntonic li boch'o laj xa sta sbijilique.

Proverbios 8:34

Toj xcuxet no'ox yo'nton li boch'o cha'ay c'usi chcale, ti te oy satic scotol c'ac'al ta sti' jnae, ti scotol ora te chismalaicun oe.

Lamentaciones 5:19

Pero li vo'ote, Muc'ul Dios, te oyot o sbatel osil; vo'ot chapas o mantal ti jayc'ol cristianoetic chjelovic ta banamile.

San Lucas 10:39

Li Martae oy smuc, María sbi. Li Mariae te bat chotluc ta sts'el li Jesuse, yu'un tsc'an cha'ibe sc'op.

San Lucas 14:25

Bats'i ep cristianoetic bat xchi'inic li Jesuse. Ijoyij li Jesuse jech laj yalbe:

San Lucas 15:20

Jech isut batel ta sna li stote. “C'alal nom to'ox x'ech' batele, i'ilat yu'un li stote. Li totile ic'uxubaj ta yo'nton li xnich'one. Ibat ta anil, bat snup ta be; la smey, la sts'uts'.

San Lucas 19:5

C'alal ijelov li Jesuse, la sq'uel muyel. Jech laj yalbe: —Zaqueo, yalan tal ta anil, yu'un li' orae tsots sc'oplal te chibat ta ana —xut.

San Lucas 22:61

Ijoyij li Jesuse; la sq'uel li Pedroe. Li Pedroe it'ab ta yo'nton ti jech ono'ox i'albat yu'un li Cajvaltique: “Tana c'alal mu'yuc to'ox ta x'oc' cotse, oxib xa'ox velta laj aval ti mu xavotquinune”, x'utat ono'ox.

San Lucas 8:38

Li vinic ti iloq'uesbat pucujetic ta yo'ntone, la svocolta li Jesuse, jech laj yalbe: —Ta jchi'inot batel —xut. Pero li Jesuse la stac batel ta sna. Jech laj yalbe:

San Juan 1:37

C'alal laj ya'yic li chib yajchanc'ope, bat xchi'inic li Jesuse.

San Juan 1:39

Itac'ov li Jesuse: —Batic, bat q'uelavilic ti bu nacalune —xut. Jech ibatic, laj yilic ti bu nacale. Te icom xchi'inic, yu'un bat xa'ox c'ac'al.

San Juan 1:49

Li Natanaele jech laj yalbe li Jesuse: —Jchanubtasvanej, vo'ot Xnich'onot li Diose. Vo'ot ti cha'och ta ajvalilal li' ta stojol israeletique —xut.

San Juan 12:21

Bat sc'opanic li Felipe liquem ta lum Betsaida te ta Galilea banamile. Jech laj yalbeic: —Tata, chac jq'uel ca'icutic li Jesuse —xutic.

San Juan 18:4

Li Jesuse sna'oj ono'ox scotol li c'usi ta spasbate. Inopaj batel, jech la sjac'be: —¿Boch'o chasa'ic? —xut.

San Juan 18:7

Li Jesuse la sjac'be yan velta: —¿Boch'o chasa'ic? —xut. —Ja' ta jsa'cutic li Jesús liquem tal ta Nazarete —xutic.

San Juan 3:2

Li Nicodemoe i'ay sc'opan ta ac'ubaltic li Jesuse, jech laj yalbe: —Jchanubtasvanej, ta jna'cutic ti ta sventa Dios talemot, yu'un tal achanubtasuncutique. Yu'un li boch'o mu'yuc chi'inbil yu'un Diose, mu xu' yu'un tspas sq'uelubiltac stsatsal jech chac c'u cha'al chapase —xut.

San Juan 3:26

Jech ibatic ta stojol li Juane, jech laj yalbeic: —Jchanubtasvanej, li boch'o ital ta atojol le' ta jot uc'um Jordán ti laj avalbe sc'oplale, ta xac' ich' vo' ec. Scotol cristianoetic te ta xbatic ta stojol —xutic.

San Juan 4:31

C'alal ja'o batem li antse, li yajchanc'optaque jech laj yalbeic li Jesuse: —Jchanubtasvanej, ve'an —xutic.

San Juan 6:25

C'alal te c'ot staic ta jot nab li Jesuse, jech la sjac'beic: —Jchanubtasvanej, ¿c'uxi ora lavul tal li'i? —xutic.

Hechos 10:21

Jech iyal batel li Pedroe; bat sc'opan li viniquetic ti tacbilic tal yu'un Cornelioe. Jech laj yalbe: —Li' oyune, ja' vu'un ti chasa'icune. ¿C'usi tal asa'ic? —xut.

Hechos 10:29

Ja' yu'un c'alal laj ataquicun ta iq'uele, lital ta ora; mu'yuc c'usi laj cal. Ja' yu'un ta jac'boxuc c'u yu'un ti laj ataquicun ta iq'uele —xut.

Rut 1:16

Itac'ov li Rute: —Mu xatacun sutel, yu'un ta jc'an chbat jchi'inot. Ti bu chabate, te chibat ec; ti bu chanaquie, te chinaqui ec. Li achi'iltac ta alumale ja' jchi'iltac chc'ot ec; li Dios avu'une ja' Dios cu'un ec.