San Juan 1:34 - Bible in Tzotzil de Chenalhó with Deuterocanon

³⁴ Li vu'une laj xa cotquin. Laj xa calboxuc ava'yic sc'oplal ti ja' Xnich'on Diose”, xi li Juane.

Tzotzil Zinacantan

³⁴ Li voꞌone iquil xa. Lacalbeic xa ti jaꞌ Xchꞌamal ti Rioxe ―xiyutoticotic ti Juane.

Bible in Tzotzil de Chamula

³⁴ Laj xa quil un, rexticoun ta j'ech'el ti ja' Xnich'on ti Diose.

LEQUIL ACH' C'OP

³⁴ Li vo'one iquil xa, vo'on rexticoon ti ja' Xch'amal ti Rioxe.» ―Xiyutoticotic ti Juane.

Tzotzil San Andres

³⁴ Li joꞌone iquil xa. Laj calboxuc xa ti jaꞌ Snichꞌon li Diose ―xijyutcutic li Juane.

Tzotzil de Huixtán

³⁴ Ho'on quiloj. Calojboxuc ava'yic ti ja' ti Snich'on ti Diose avi to ―xiyutuntutic ti Juane.

San Juan 1:34 Iomraidhean Croise

Salmos 2:7

Vu'un ta jvinajes c'usi snopoj li Muc'ul Diose, jech yalojbun: “Vo'ot jnich'onot; ja' to laj cac' ta ilel ti vo'ot Jnich'onote.

San Mateo 11:27

Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

San Mateo 16:16

Itac'ov li Simón Pedroe: —Vo'ot Cristoot, Vo'ot Xnich'onot li cuxul Diose —xut.

San Mateo 17:5

C'alal ja'o chlo'ilaj li Pedroe, ital jvol toc, oy xojobal; te macbil ic'otic. Te laj ya'yic c'op ta yut toc, jech laj yal: “Li'i ja' jnich'on, lec jc'anoj. Lec jpatoj co'nton yu'un. A'ibeic sc'op”,, xi.

San Mateo 26:63

Pero li Jesuse me jbeluc muc stac'. Li banquilal palee la sjac'be noxtoc li Jesuse: —Alo ca'tic ta stojol cuxul Dios me vo'ot Cristoote, me vo'ot Xnich'onot li Diose —xut.

San Mateo 27:40

Jech laj yalic: —Vo'ot ti sc'oplal chavuq'ues li ch'ulnae, ti ta oxib c'ac'al chacha'va'an chavale, colta aba atuc me ta melel vo'ot Xnich'onot li Diose; yalan tal ta cruz —xutic.

San Mateo 27:43

Laj yal ti xch'unoj ti chcoltaat yu'un Diose; ac'o coltaatuc ta ora. Yu'un yaloj ti ja' Xnich'on Diose —xut sbaic.

San Mateo 27:54

Li banquilal soldado xchi'uc li yajsoldadotac ti te ta xchabiic li Jesuse, toj xi'el ic'otic ti c'alal laj ya'yic inic li banamile xchi'uc c'alal laj yilic scotol li c'usitic ic'ot ta pasele. Jech laj yalbe sbaic: —Ta melel ja' xnich'on Dios li vinic li'i —xut sbaic.

San Mateo 3:17

Ta ora ivinaj c'op ta vinajel, jech laj yal: “Li'i ja' Jnich'on; lec jc'anoj, lec jpatoj co'nton yu'un”, xi.

San Mateo 4:3

Te ital li pucuje, jech laj yalbe li Jesuse: —Me vo'ot Xnich'onot Diose, albo li tonetic li'i, ac'o c'atajuc ta vaj —xut.

San Mateo 4:6

Jech laj yalbe: —Me vo'ot Xnich'onot Diose, jipo aba yalel li'i. Yu'un jech ts'ibabil ta sc'op Dios: ‘Ja' ta stacbot tal yaj'almantaltac, ja' chaxchabiot. Ja' chastsaquicot batel ta sc'obic, yu'un jech mu xabosi avacan ta ton’, xi ts'ibabil —xut.

San Mateo 8:29

Li chibique tsots laj yaptaic li Jesuse: —Jesús, vo'ot Xnich'onot Dios, ¿c'usi tal apas li' ta jtojolcutic? ¿Me yu'un chac'an chavac'bun jvocolcutic ti c'alal muc to ja'uc yoraile? —xiic.

Marcos 1:1

Ja' jech ilic li Lequil A'yej ta sventa Jesucristo Xnich'on Diose.

Marcos 1:11

Laj ya'ay oy boch'o ic'opoj tal ta vinajel jech laj yal: “Vo'ot jnich'onot, lec jc'anojot, lec jpatoj co'nton avu'un”, xi.

San Lucas 1:35

Itac'ov li j'almantale: —Ja' ta xtal ta atojol li Ch'ul Espiritue. Ta sventa stsatsal Dios ta vinajel ta xlic achi'in li avole. Li olol ta xvoc' avu'une ja' Xch'ulnich'on Dios ta xc'ot sbi.

San Lucas 3:22

Iyal tal ta sba yac'ol li Ch'ul Espiritue. Oy sbec'tal xco'laj xchi'uc stsumut yilel. Laj ya'ay oy boch'o ic'opoj tal ta vinajel, jech laj yal: —Vo'ot jnich'onot, lec jc'anojot, lec jpatoj co'nton avu'un —xi.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

San Juan 1:49

Li Natanaele jech laj yalbe li Jesuse: —Jchanubtasvanej, vo'ot Xnich'onot li Diose. Vo'ot ti cha'och ta ajvalilal li' ta stojol israeletique —xut.

San Juan 10:30

Li vu'une jununcutic xchi'uc li Jtote —xi li Jesuse.

San Juan 10:36

Pero li boch'o t'ujbil yu'un Dios, xchi'uc ti tacbil tal yu'un Dios li' ta banamile ¿c'u yu'un chavalic ti tstoy sba ta stojol Dios c'alal chal ti ja' Xnich'on Diose?

San Juan 11:27

Itac'ov li Martae: —Jech Cajval. Jch'unoj ti vo'ot Cristoote, ti vo'ot Xnich'onot Dios talemot li' ta banamile —xut.

San Juan 19:7

Itac'ovic: —Li vu'uncutique oy mantal cu'uncutic. Ta xal ta mantal cu'uncutic ti ta persa ta xcham li boch'o ta scuy sba ta Xnich'on Diose —xiic.

San Juan 20:28

Ja' yu'un li Tomase jech laj yalbe li Jesuse: —¡Cajval cu'un, Dios cu'un! —xut.

San Juan 20:31

Ti c'u yepal laj yich' ts'ibael li'i, ja' sventa ac'o ach'unic ti ja' Cristo li Jesuse, ti ja' Xnich'on Diose. Yu'un me chach'unique, chacuxiic o sbatel osil ta sventa.

San Juan 6:69

Li vu'uncutique laj xa jch'unotcutic, laj xa jna'cutic ti vo'ot Cristoote, ti vo'ot T'ujbilot yu'un Diose —xi.

Romanos 1:4

Pero ivinaj ti ta melel ja' Xnich'on Diose, yu'un oy svu'el, yich'ojbe stalel Dios, xchi'uc icha'cuxi loq'uel ta smuquinal.

2 Corintios 1:19

Yu'un li Jesucristo Xnich'on Diose, ja' ti la jcholboxuc ava'yic sc'oplal jchi'uc Silas jchi'uc Timoteoe, le'e mu sna' xal “xu'”; ts'acal chal “mo'oj”. Li stuque puru melel c'usi chal.

Hebreos 7:3

Mu xvinaj boch'o stot, boch'o sme', xchi'uc mu xvinaj boch'o smoltot syame'tac ta vo'one. Mu xvinaj c'usi ora ivoc', xchi'uc c'usi ora icham. Xco'laj xchi'uc Xnich'on Dios, yu'un ja' banquilal pale sventa sbatel osil ya'yel.

1 Juan 2:23

Li boch'o chalic ti mu ja'uc Xnich'on Dios li Jesuse, mu xich'ic ta muc' noxtoc li Totile. Yan li boch'o jamal chal ti ja' Xnich'on Dios li Jesuse, yu'un yich'ojic ta muc' noxtoc li Totile.

1 Juan 3:8

Yan li boch'o ta to sa'ilan smule te to oy ta sc'ob pucuj. Yu'un li pucuje ja' la sliques li mulil ta sliquebale; ja' jech yabtel o. Ja' yu'un ital ta banamil li Xnich'on Diose, ja' tal slajesbe stsatsal yabtel li pucuje.

1 Juan 4:9

Li Diose laj yac' quiltic ti ep sc'anojutique, yu'un la stac tal li' ta banamil li jun no'ox Xnich'one, yu'un jech xu' ta jtatic jcuxlejaltic ta sventa.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

2 Juan 1:9

Me oy boch'o xjelov to sna' xchanubtasvan scuyoj sbae, me mu ja'uc ta xch'un jech chac c'u cha'al ichanubtasvan li Jesucristoe, mu'yuc Dios ta stojol. Yan li boch'o ja' ta xch'un c'u x'elan ichanubtasvan li Jesucristoe, ja' oy ta yo'nton li Jtotic Diose xchi'uc li Nich'onile.

Apocalipsis 2:18

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Tiatirae: ‘Li Xnich'on Dios ti xpulpun no'ox jujubej sat jech chac c'u cha'al yat c'oq'ue, xchi'uc ti sts'ayayet yacan jech chac c'u cha'al bronce taq'uin c'alal me ch'ulbil xa leque, jech chayalboxuc: