San Juan 1:19 - Bible in Tzotzil de Chenalhó with Deuterocanon

¹⁹ Li j'abteletic yu'un judioetique la staquic batel jayibuc paleetic xchi'uc levietic ta stojol li Juane, jech c'ot sjac'beic: —¿Boch'oot li vo'ote? —xutic.

Tzotzil Zinacantan

¹⁹ Ti cꞌalal yolel chalbe scꞌoplal Jesucristo ti Juane, tey cꞌot cꞌoponatuc yuꞌun jayvoꞌ paleetic xchiꞌuc ti muchꞌutic iscoltaic ta abtel ti paleetique. Jaꞌ itacvanic echꞌel ti cajmeltsanejcꞌopticotic ta Jerusalene, voꞌoticotic li juriooticotique. ―¿Muchꞌuot? ―xutic cꞌotel ti Juane.

Bible in Tzotzil de Chamula

¹⁹ Ti j'abteletic yu'un ti israeletic ta Jerusalene, laj staquic batel ti paleetique xchi'uc levitaetic ta sjac'bel buch'u ti Juane.

LEQUIL ACH' C'OP

¹⁹ Li'i ja' ti c'usi iyal li Juane, ti c'alal istaquic ech'el jayvo' paleetic xchi'uc levitaetic ti jmeltsanejc'opetic yu'un jurioetic tey ta Jerusalene, ti c'alal ay sjac'beic much'u ta melel ti Juane.

Tzotzil San Andres

¹⁹ Cꞌalal lic yalbe scꞌoplal Jesucristo li Juan li iyacꞌ ta ichꞌel joꞌe, te icꞌotic ta stojol jayvoꞌ paleetic schiꞌuc li buchꞌutic la scoltaic ta yabtelic li paleetique. Tacbilic talel yuꞌun li jꞌabteletic cuꞌuncutic li te ta Jerusalene, joꞌoncutic li jꞌisraeluncutique. Jaꞌ tal sjacꞌbeic li Juan li iyacꞌ ta ichꞌel joꞌe: ―¿Buchꞌuot? ¿Mi joꞌot ti scꞌoplal onoꞌox chatale? ―xutic cꞌotel.

Tzotzil de Huixtán

¹⁹ Ti jchi'iltutique ti te oyic ti Jerusalén ho'ontutic ti co'ol judiountutic xchi'uque, ja' laj staquic talel paleetic xchi'uc levitaetic, ja' ti oy yabtelic uc te ti templo te ti Jerusalén. Ja' tal sjac'beic ti Juane: ―¿Much'uot ho'oti? ¿Mi ho'ot ti ac'opilal chatale? ―xchi c'otel.

San Juan 1:19 Iomraidhean Croise

San Juan 1:7

Ja' testigo ic'ot; ja' tal yalbe sc'oplal li luze, yu'un jech xu' ac'o xch'un scotol cristianoetic ta sventa.

San Juan 10:24

Li j'abteletic yu'un judioetique bat set sbaic ta stojol li Jesuse, jech la sjac'beic: —¿Jayib to c'ac'al li' chavac' lo'ilajuc co'ntoncutic? Me vo'ot li Cristoote, albun ca'icutic ta jamal —xutic.

San Juan 10:31

Li judioetique la stamic ton; tsc'an tsmilic ox ta ton yan velta li Jesuse.

San Juan 11:19

Ep judioetic te talemic ta spatbel yo'nton li Marta xchi'uc li María ta sventa ti icham li xi'melique.

San Juan 2:18

Li j'abteletic yu'un judioetique jech laj yalbeic li Jesuse: —¿C'usi sq'uelubil xu' chavac' quilcutic bu avich'oj avabtel ti jech chapas chac le'e? —xutic.

San Juan 2:20

Jech itac'ovic: —Ta vaquib to yoxvinic (46) jabil imeltsaj li ch'ulna li'i. Li vo'ote chaval ti ta oxib no'ox c'ac'al chacha'va'ane —xutic.

San Juan 5:10

Li j'abteletic yu'un judioetique jech laj yalbeic li vinic ti colem xae: —Li'i ja' sc'ac'alil ta jcux co'ntontic. Mu smeloluc ti chavich' batel apope —xutic.

San Juan 5:15

Li vinique bat yalbe j'abteletic yu'un judioetic ti ja' icoltaat yu'un li Jesuse.

San Juan 5:16

Ja' yu'un li j'abteletic yu'un judioetique te lic scontrainic li Jesuse; solel tsc'an ta smilic o ta scoj ti jech la spas ta sc'ac'alil cuxub o'ntonale.

San Juan 5:18

C'alal laj yal jech li Jesuse, yo'to isoc sjolic o li j'abteletic yu'un judioetique; solel tsc'an ta smilic o li Jesuse. Muc ja'uc xa no'ox ta scoj ti muc xchabi li sc'ac'alil cuxub o'ntonale; ja' ta scoj noxtoc ti laj yal ti ja' Stot li Diose. Yu'un laj xa sco'lajes sba jech chac c'u cha'al Dios.

San Juan 6:41

Li judioetique iliquic ta bic'talvulajetel ti c'alal laj yal Jesús ti ja' stuc li vaj liquem tal ta vinajele.

San Juan 6:52

Li judioetique jech laj yalilanbe sbaic: —¿C'u x'elan xu' ta xac'butic jve'tic li sbec'tal chale? —xut sbaic.

San Juan 7:1

C'alal jech ic'ot ta pasele, ixanov batel ta scotol Galilea banamil li Jesuse. Muc xbat ta Judea banamil, yu'un li j'abteletic yu'un judioetique tsc'an ta smilic.

San Juan 7:11

Li j'abteletic yu'un judioetique te ta sa'ilanic ta q'uin li Jesuse. Jech chalilanbe sbaic: —¿Bu oy xana' li Jesuse? —xut sbaic.

San Juan 7:15

Li j'abteletic yu'un judioetique toj labal laj ya'yic ti c'u x'elan ichanubtasvane. Jech laj yalic: —¿Bu la xchan li jchi'iltic li'i, yu'un mu'yuc quilojtic me oy bu xchanoj vun? —xiic.

San Juan 8:22

Jech laj yalbe sbaic li j'abteletic yu'un judioetique: —¿Me yu'un ta smil sba stuc ti jech ta xale: ‘Ti bu chibate mu xu' chabatic te ec li vo'oxuque’, ti xijyututique? —xut sbaic.

San Juan 8:48

Itac'ov li judioetique, jech laj yalbeic li Jesuse: —Ja' melel ti laj calcutic vo'ot samaria vinicote, xchi'uc ti ochem pucuj ta avo'ntone —xutic.

San Juan 8:52

Li judioetique jech laj yalbeic li Jesuse: —Chvinaj xa ti ta melel ochem pucuj ta avo'ntone. Li Abrahame icham. Ichamic ec li yaj'alc'optac Diose. Li vo'ote chaval ti mu'yuc ta xcham li boch'otic ta xch'unic ac'ope.

San Juan 8:57

Li judioetique jech laj yalbeic li Jesuse: —Mu'yuc to ataoj lajuneb yoxvinic (50) jabil. ¿Me yu'un laj avil ec li Abrahame? —xutic.

Hechos 13:25

C'alal vu'ubal xa'ox yabtel li Juane, jech laj yal: ‘Muc vu'cun li Cristoun jech chac c'u cha'al chanopique. Li boch'o ts'acal ta xtal cu'une, ja' tsots yabtel yich'oj. Li vu'une me stitunbeluc yaq'uil xonob, mu xu' cu'un’, xi.

Hechos 19:4

Li Pabloe jech laj yalbe: —Li Juane laj yac' ich' vo' ta sventa ti sutem xa yo'ntonique. Laj yalbe ti ac'o xch'unic li boch'o ts'acal chtale, ja' li Jesuse —xi li Pabloe.

Deuteronomio 24:8

“Me oy boch'o chtaat ta c'a'el chamel avu'unique, junuc me avo'ntonic ch'unic scotol c'usitic chayalboxuc li pale levietique. Tsc'an chapasic scotol jech chac c'u cha'al calojbeic ono'ox ya'yic li paleetic avu'unique.

1 Juan 1:5

Li'i ja' li sc'op Jesucristo laj yalbuncutique, jech ta xcalcutic ava'yic ec. Li Diose ja' luz, me jutuc mu'yuc ic' osil ta stojol.