San Juan 1:14 - Bible in Tzotzil de Chenalhó with Deuterocanon

¹⁴ Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

Tzotzil Zinacantan

¹⁴ Ti Muchꞌu iꞌaye iꞌayan chac cꞌu chaꞌal voꞌotic. Lixchiꞌinoticotic ta naclej, voꞌoticotic li juriooticotique. Iquilticotic ti toj lec yoꞌone yuꞌun jaꞌ ti junjun Xchꞌamal ti Rioxe. Jaꞌ iyacꞌ quilticotic ti scꞌanojotic tajmec ti Rioxe.

Bible in Tzotzil de Chamula

¹⁴ Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

LEQUIL ACH' C'OP

¹⁴ Li c'ope iyich' sbectal, i'ayan chac c'u cha'al vo'otic, li xchi'inotic ta naclej. Iquilbetic li slequilal syu'elal ac'bil yu'un ti Stote, ja' ti jujun xch'amale, ti toj lec sna' xc'anvane, ti ja' melele.

Tzotzil San Andres

¹⁴ Li Jesucristoe toj lec yoꞌon yuꞌun jaꞌ Snichꞌon li Jtotic Diose. Cꞌajomal jun Snichꞌon. A pasuc ta crixchano jech chac cꞌu chaꞌal li joꞌotique. La schiꞌinuncutic ta naclej, joꞌoncutic li jꞌisraeluncutique. Iquilcutic ti toj lec yoꞌone yuꞌun lec la scꞌuxubinuncutic, schiꞌuc melel scotol li cꞌustic laj yalbuncutique.

Tzotzil de Huixtán

¹⁴ Ti much'u tal yalbucutic c'u x'elan yo'nton ti Jtotic Diose laj yich' sbec'tal. Tal xchi'inuntutic, ho'ontutic ti yelnich'onuntutic ti Israele. Ja' ti Jesucristoe. Laj jq'ueltutic ti jelaven sp'ijile. Ja' jelaven sp'ijil yu'un ja' Snich'on ti Jtotic Diose. Jun no'ox Snich'on oy ti Jtotic Diose. Nojem ti yo'nton ti yutsil yo'ntone. Nojem ti yo'nton ti toj chc'opoje.

San Juan 1:14 Iomraidhean Croise

Salmos 2:7

Vu'un ta jvinajes c'usi snopoj li Muc'ul Diose, jech yalojbun: “Vo'ot jnich'onot; ja' to laj cac' ta ilel ti vo'ot Jnich'onote.

Salmos 45:2

Li vo'ote toj c'upil aba ta scotol li viniquetique; puru lequic c'usi chloc' ta ave, ja' yu'un li Diose j'ech'el yac'ojbot o bendición.

Salmos 85:9

Ta melel nopol oy coltael yu'un Dios ta stojol li boch'o chich'ic ta muq'ue; li slequilal yutsilale, li' oy ta cosilaltic.

Isaías 40:5

Jech chlic yac' ta ilel slequilal yutsilal li Muc'ul Diose; scotol cristianoetic ta xilic, yu'un jech laj yal stuc li Muc'ul Diose”, xi li boch'o ch-avane.

Isaías 53:2

Li Yajtunel Diose ich'i ta stojol Muc'ul Dios jech chac c'u cha'al q'uelum te'; laj yac' lec yibel ta taqui banamil, ma'uc toj c'upil sba, ma'uc toj yan xa o ta q'uelel, ma'uc yu'un xch'ay xa co'ntontic yu'un.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Ezequiel 37:27

Te chinaqui o ta stojolic; vu'un Diosun yu'unic chic'ot, ja' jteclumal chc'otic o ec.

San Mateo 1:16

Inich'naj li Jacobe, José sbi, ja' ti laj yic' li María ti la svoq'ues li Jesuse, ja' li Cristoe.

San Lucas 2:11

Nax ivoc' ta Belén te ta slumal David jun Jcoltavanej avu'unic. Ja' Cristo, ja' Cajvaltic.

San Lucas 2:7

Ivoc' li sba yole, ja' unin querem. La xpix ta poc'; te la xpuch'an ta yavil sve'um vacax, yu'un mu'yuc xa xocol la staic li snail vaybale.

San Lucas 9:32

Li Pedro xchi'uc xchi'iltaque solel chtal svayelic. Pero la svic' lec satique, jech laj yilbeic xojobal li Jesuse xchi'uc li chib viniquetic te xchi'inojic Jesuse.

San Juan 1:1

Ta sliquebal banamile, te ono'ox oy o li C'ope. Li C'ope te xchi'inoj sbaic xchi'uc li Diose. Ja' ono'ox Dios stuc.

San Juan 11:40

Li Jesuse jech laj yalbe: —Laj xa calbot ti me chach'une, chavilbe slequilal li Diose —xut.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 14:9

Li Jesuse jech laj yalbe: —Ep xa c'ac'al li' jchi'inojoxuc. ¿Me mu to xavotquinun, Felipe? Li boch'otic laj xa yilicune laj xa yilic o li Jtote. ¿C'u yu'un chavalbun: ‘Ac'bun cotquincutic li Jtotic Diose’, xachi?

San Juan 17:22

Li jlequilal cutsilal laj avac'bune, laj cac'be yich'ic ec, yu'un jech jun no'ox ac'o c'oticuc jech chac c'u cha'al jun no'ox oyutic li vu'utique.

San Juan 17:24

“Tati, ti c'u yepal laj avac'bune ta jc'an ti ac'o c'ot xchi'inicun ec ti bu oyune, jech te ta xilic o c'u x'elan li jlequilal avac'ojbune, yu'un lec ono'ox ac'anojun ti c'alal mu'yuc to'ox banamile.

San Juan 18:37

Li Pilatoe jech laj yalbe: —¿Yu'un ono'ox vo'ot ajvalilot cha'e? —xut. Itac'ov li Jesuse: —Vo'ot chloc' ta ave atuc ti vu'un ajvalilune. Ja' sventa ti tal voc'cune, xchi'uc ja' sventa ti lital li' ta banamile, yu'un tal cal li c'usi melele. Scotol li boch'otic oyic ta sventa li c'usi melele ja' ta xa'ibicun li jc'ope —xut.

San Juan 2:11

Le'e ja' sba sq'uelubil stsatsal laj yac' ta ilel Jesús ti c'alal te oy ta Caná ta Galilea banamile. Jech ivinaj o slequilal yutsilal. Jech i'ayin lec xch'unojel yo'ntonic ta stojol li yajchanc'optaque.

San Juan 3:16

“Yu'un toj ep la xc'uxubin scotol cristianoetic ta banamil li Diose, jech laj yac' li jun no'ox Xnich'on oye, yu'un jech mu ch'ayeluc chbat li boch'otic ta xch'unic ti ja' Jcoltavanej yu'unique; ja' ta xcuxiic o sbatel osil.

San Juan 3:18

“Ja' yu'un li boch'otic ta xch'unic ti ja' Jcoltavaneje, mu'yuc chbat stoj smulic. Yan li boch'otic mu xch'unique, chapal xa sc'oplal chbat stoj smulic, yu'un mu xch'unic ti ja' Jcoltavanej li jun no'ox Xnich'on Diose.

San Juan 6:51

Vu'un li vajun sventa cuxlejal ti te liquem tal ta vinajele. Li boch'o ta sve' li vaj le'e, cuxul o ta sbatel osil. Li vaj ti vu'un ta xcaq'ue ja' li jbec'tale. Yu'un jbec'tal jtuc ta xcac' sventa ac'o sta xcuxlejal li cristianoetic li' ta banamile —xi li Jesuse.

San Juan 8:32

Jech chavotquinic o li c'usi melele. Ta sventa li c'usi melele chaloq'uic o ta mozoil —xi li Jesuse.

Hechos 13:33

Ja' ti ic'ot xa ta pasel ta jtojoltic, vu'utic li smomnich'nabutique. Laj xa xcha'cuxes loq'uel ta smuquinal li Jesuse, yu'un jech ono'ox ts'ibabil sc'oplal ta xchibal svunal q'ueoj: ‘Vo'ot Jnich'onot, nax to laj cac' voc'an ya'yel’, xi ts'ibabil.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

Romanos 9:5

Ja' jun jmoltotcutic ta vo'one, ja' te iloc' ta stojolic li Cristoe; ja' mero sts'unubalic ic'ot. Ja' li Dios ti sventainoj scotol c'usitic oye, ich'biluc ta muc' ta sbatel osil. Jechuc.

1 Corintios 15:47

Yu'un li sba vinique ja' sventa no'ox banamil, yu'un pasbil ta lum. Yan li xchibal vinique liquem tal ta vinajel.

2 Corintios 12:9

Pero li Cajvaltique jech laj yalbun: “Xu' no'ox avu'un ta sventa li coltael chacac'bote. Ta sventa ti mu'yuc tsotsote, ja' jech xu' chbat vinajuc o lec li jvu'ele”, xiyutun. Jech xcuxet no'ox co'nton ti mu'yuc jtsatsale, yu'un jech li' chcom o ta jtojol svu'el li Cristoe.

Gálatas 4:4

Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Colosenses 1:19

Yu'un li Jtotic Diose jech la sc'an ti chac'be scotol stalel li Xnich'one,

Colosenses 2:3

Yu'un ja' te oy ta stojol Cristo scotol li c'usitic toj lec ta jtatic yu'un li bijubtasele, li yotquinel c'usitic ja' sventa Diose.

Colosenses 2:9

Yu'un li Cristoe yich'ojbe scotol c'u x'elan stalel li Diose.

1 Timoteo 3:16

Yu'un jbel sc'oplal toj yan to sba smuc'ul li c'usi melel la jch'untique: Ja' li sc'oplal li Boch'o laj yac' sba ta ilel ta jtojoltic xchi'uc sbec'tale, ivinaj ta sventa Ch'ul Espíritu ti tuc' yo'ntone; i'ilat yu'un j'almantaletic. Ipucbat batel sc'oplal ta yantic banamil; laj yich' ch'unel li' ta banamil, xchi'uc laj yich' iq'uel muyel ta lequilal.

Hebreos 1:3

Ja' ta sventa ivinaj c'u x'elan slequil yutsil li Diose xchi'uc c'u x'elan stalel. Jech noxtoc ja' ta sventa sc'op, ta sventa svu'el lec oy scotol li c'usitic oye. C'alal ilaj yabtel sventa la xch'aybutic jmultique, ibat chotluc ta sbats'ic'ob Dios ta toyol.

Hebreos 1:5

Yu'un me junuc j'almantal mu'yuc bu jech x'albat yu'un li Diose: “Vo'ot Jnich'onot, ja' to laj cac' ta ilel ti vo'ot Jnich'onote”, mu'yuc bu x'utat. Mu'yuc bu jech x'albat noxtoc: “Vu'un Stotun chic'ot, ja' jnich'on chc'ot ec”, mu'yuc bu xi sc'oplal.

Hebreos 10:5

Ja' yu'un c'alal jutuc xa'ox sc'an xtal li' ta banamil li Cristoe, jech laj yal: “Muc ja'uc chac'an li milbil matanaletic, xchi'uc li c'usitic yan chavich' ac'bel amotonine. Jech laj avac'bun quich' jbec'tal.

Hebreos 2:11

Li boch'o tslecubtasvan batele xchi'uc li boch'otic chich'ic lecubtasele, xchi'il sbaic ta voq'uel chc'otic o scotolic. Jech mu xq'uexov ti chal: “Ja' jchi'iltac ta voq'uel”, xie.

Hebreos 5:5

Ja' no'ox jech ec li Cristoe muc stucuc laj yac' sba ta ich'el ta muc'; ja' itic'at ta Banquilal Pale yu'un li Boch'o jech ono'ox laj yale: “Vo'ot Jnich'onot; ja' to laj cac' voc'an ya'yel”, ti xi ono'oxe.

1 Juan 4:14

Li vu'uncutique laj quil jtuccutic ti la stac tal Xnich'on li Jtotic Diose sventa tal scolta li cristianoetic li' ta banamile.

1 Juan 4:9

Li Diose laj yac' quiltic ti ep sc'anojutique, yu'un la stac tal li' ta banamil li jun no'ox Xnich'one, yu'un jech xu' ta jtatic jcuxlejaltic ta sventa.

2 Juan 1:7

Yu'un oy xa ep jlo'lavanejetic buyuc no'ox ta xanovic, mu xch'unic ti i'ay yich' sbec'tal li Jesucristoe. Li boch'o jech tspasique ja' jlo'lavanejetic, xchi'uc ja' yajcontratac Cristo.

Apocalipsis 19:13

Li sc'u' slapoje ts'ajbil ta ch'ich'. Ja' C'op yu'un Dios, xi sbi.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.