San Juan 1:13 - Bible in Tzotzil de Chenalhó with Deuterocanon

¹³ Pero mu ja'uc jech chac c'u cha'al xnich'nab cristiano ti ja' no'ox ta sventa sbec'talique, ti ja' no'ox ta sventa yu'un jech tsc'an yo'ntonique. Ja' ta sventa stuc Dios ti chijcha'voq'ue.

Tzotzil Zinacantan

¹³ Ti “xchꞌamaloxuc xa Riox” xiyutoticotique, mu voꞌoticoticuc ijcꞌanticotic chꞌamalinel. Scꞌan noꞌox yoꞌon stuc ti Rioxe ti lixchꞌamalinoticotique.

Bible in Tzotzil de Chamula

¹³ Ti buch'u c'otic ta xnich'nab ti Diose, ja' ta xvoq'uesatic ta ach' yu'un ti Diose. Mu xa xco'olaj xchi'uc jech c'u cha'al ta xvoq'uesatic yu'un ti stot sme'ique, mi ja'uc ti c'usi oy ta yo'nton stuc ti jnaclejetic li' ta banomile.

LEQUIL ACH' C'OP

¹³ Pero ma'uc yech c'ucha'al xch'amaltac crixchano ti ta scuenta no'ox sbectalic ch-ayanique, ma'uc ti c'u x'elan isc'an stuc li crixchanoe, ja' ti c'u x'elan isc'an stuc Riox ti li ayanotic ta stojole.

Tzotzil San Andres

¹³ Ti jech snichꞌnaboxuc xa Dios xijyutcutique, yuꞌun lijchaꞌvocꞌcutic xa ta achꞌ. Pero mu jechuc jech chac cꞌu chaꞌal chijꞌvocꞌutic ta jtot ta jmeꞌtique. Ti chijꞌvocꞌutic ta achꞌe, jaꞌ ta sventa li Diose yuꞌun chisjeltabutic li coꞌontique.

Tzotzil de Huixtán

¹³ Ti much'u hech inich'ontasatic yu'un ti Diose, mu xco'olaj xchi'uc hech chaj c'u che'el ti inich'ontasatic yu'un stot sme'. Yu'un ja' no'ox sventa xcuxlejalic li' ti balumile. Yu'un ja' no'ox hech laj sc'an yo'ntonic, laj sc'an sbec'talic ti stot sme'ique. Ja'uc ti chnich'ontasatic yu'un ti Diose, ja' sventa sbatel osil.

San Juan 1:13 Iomraidhean Croise

Génesis 25:22

Pero li ololetic la xchi'ine, laj ya'ay ti toj tsots ta xbac' ta yut xch'ute yu'un ta scontrain sbaic. Jech la snop: “Ti me ja' jech ta spasilan oe, xco'laj xchi'uc xicham”, xi. Jech lic sjac'be Muc'ul Dios c'u yu'un ti jech tspase.

Génesis 25:28

Li Isaaque ja' lec sc'anoj li Esaue yu'un lec cha'ay ti chmilbat tal ti'bol sti'e. Yan li Rebecae ja' lec sc'anoj li Jacobe.

Génesis 27:33

Te ch'ayel ic'ot yo'nton li Isaaque. Ta xi'el xa jech laj yal: —¿Boch'o ti jliquel to li' i'ay yac'bun ti'bol jti'e? Yu'un laj xa jti' li ti'bol ti c'alal mu'yuc to chavule, xchi'uc laj xa cac'be yich' li bendición cu'une. Ja' yu'un li' ta orae ja' xa ac'bil bendición icom o —xi.

Génesis 27:4

Lec mu xameltsan tal li ve'lil jech c'u cha'al ta jc'an ono'oxe. Me imeltsaj tal avu'une, ich'bun tal jti', jech ta xcac'bot li bendición cu'une, yu'un yo'to cuxulun —xut.

Salmos 110:3

Li avinictaque yutsil yo'nton chac' sbaic ta ac'ob ti c'alal yorail chvinaj ch-abtej li avu'ele. Ja' jech chtalic ta atojol jech chac c'u cha'al li job osil chyal ta po'ot saque; ja' jech chtalic ta atojol li querem soldadoetic avu'une.

San Mateo 3:9

Mu me jechuc xanop ta avo'ntonic: ‘Ja' jmoltotic li Abrahame’, mu me xachiic. Chacalboxuc ava'yic, li Diose xu' yu'un ta sc'atajesbe ta smomnich'nab Abraham li tonetic li'i.

San Juan 3:3

Itac'ov li Jesuse: —Ta melel, jamal ta xcalbot ava'ay, li boch'o mu'yuc chcha'voc' ta ach'e, mu xu' chich' ventainel yu'un Dios —xut.

1 Corintios 3:6

Li vu'une ja' no'ox la jts'un. Li Apolose ja' no'ox laj yat'es. Pero li boch'o laj yac' ch'iuque ja' stuc li Diose.

Filipenses 2:13

Yu'un ja' Dios laj yac' ta avo'ntonic ti chac'an chapasic c'usitic leque, xchi'uc ja' chac' c'otuc ta pasel avu'unic li c'usi tsc'ane.

SUN TITO 3:5

jech la scoltautic. Pero mu ja'uc ta sventa tuc' c'usi la jpastic ti jech la scoltautique; ja' ta sventa xc'uxul yo'nton stuc. Ja' ta sventa ti la spocutic, ti la sjelbutic co'ntontic, ti laj yac' cha'voc'cutic ta ach' ta sventa li Ch'ul Espiritue.

Santiago 1:18

Ta sventa ti jech la sc'an stuc li Diose, jech laj yac' cha'voc'cutic ta sventa li sc'op ti ja' melele, jech vu'utic sliqueb lijc'ot yu'un scotol li c'usitic spasoje.

1 Pedro 1:23

Yu'un lacha'voq'uic ta ach', pero mu xa ja'uc laj avich'beic sts'unubal li atot ame'ic ti sna' xlaje. Ja' xa sventa li sc'op Dios ti cuxul, ti mu sna' xlaj oe.

1 Pedro 1:3

Coliyalbutic li Diose, ja' li Stot Cajvaltic Jesucristoe, yu'un toj ep la xc'uxubinutic, laj yac' cha'voc'cutic ta ach' ta sventa ti la xcha'cuxes ta smuquinal li Cajvaltic Jesucristoe. Jech la jta spatubil co'ntontic ti mu xlaj sc'oplale.

1 Pedro 2:2

Ja'uc jechoxuc jech chac c'u cha'al ololetic ti naca to chvoq'uique, ti tsa'ilan xchu'ique. Ja'uc jechoxuc ta sa'ilanbel sve'el avo'ntonic li vo'oxuque, yu'un jech chach'iic ta sventa li sc'op Dios ti ja' melele, jech chacolic.

1 Juan 3:9

Li boch'o ja' xnich'on Diose mu xa sa'ilan smul. Yu'un te xa oy stalel Dios ta yo'nton, jech ja' xa xnich'on Dios c'otem; mu'yuc xa ta yo'nton tsa'ilan smul.

1 Juan 4:7

Quermanotac, vo'oxuc ti lec jc'anojoxuque, jc'anan me jbatic. Yu'un li c'anvaneje ja' te liquem tal ta stojol Dios. Scotol li boch'otic ta xc'anvanique ja' xa xnich'nab Dios, xotquin xa li Diose.

1 Juan 5:1

Scotol li boch'o ta xch'un ti ja' Cristo li Jesuse, ja' xa xnich'nab Dios. Li boch'o lec sc'anoj li Stote, lec sc'anojbe noxtoc li yantic xnich'nabe.

1 Juan 5:18

Li boch'otic stotinojic xa li Diose, ta jna'tic ti mu xa teuc tsa'ilan o smulique. Yu'un li Xnich'on Diose chchabi li xnich'nabe, jech mu xpicatic yu'un li pucuje.

1 Juan 5:4

Yu'un scotol li boch'o ja' xa xnich'nabtaque tstsal yu'unic li c'usi sventa banamile. Li xch'unojel co'ntontique ja' chac' vu'uc cu'untic stsalel li c'usitic sventa banamile.