San Juan 1:1 - Bible in Tzotzil de Chenalhó with Deuterocanon

¹ Ta sliquebal banamile, te ono'ox oy o li C'ope. Li C'ope te xchi'inoj sbaic xchi'uc li Diose. Ja' ono'ox Dios stuc.

Tzotzil Zinacantan

¹ Ti cꞌalal chꞌabal toꞌox li vinajel balamile, tey onox ti Muchꞌu ay yalbotic cꞌu xꞌelan yoꞌon ti Rioxe. Yuꞌun tey onox xchiꞌuc ti Rioxe. Ti Muchꞌu iꞌaye jaꞌ onox ti Rioxe.

Bible in Tzotzil de Chamula

¹ C'alal lic meltsajuc talel scotol ti c'usitic oye, oy xa ono'ox ti Jesucristoe, ja' ti Buch'u ta xac' ta na'el stalel ti Diose. Ti stuque xchi'uc ono'ox sbaic xchi'uc ti Diose, yu'un ja' ono'ox Dios ti stuque.

LEQUIL ACH' C'OP

¹ Ta sliquebale, tey xa onox li c'ope; li c'ope tey onox xchiuc ti Rioxe. Yu'un ja' onox ti Rioxe.

Tzotzil San Andres

¹ Cꞌalal muꞌyuc toꞌox vinajel balumile, te onoꞌox oy li Jesucristoe, jaꞌ li buchꞌu a yalbutic li cꞌu sba yoꞌon li Jtotic Diose. Te onoꞌox schiꞌuc sbaic schiꞌuc li Jtotic Diose. Li Jesucristoe jaꞌ Dios stuc.

Tzotzil de Huixtán

¹ C'alal mu to oyuc ti vinajele ti balumile, stalel te ono'ox oy ti much'u tal yalbucutic c'u x'elan yo'nton ti Jtotic Diose. Te ono'ox oy xchi'uc ti Jtotic Diose. Ja' Dios ti tal yalbucutique.

San Juan 1:1 Iomraidhean Croise

Génesis 1:1

Ta sliqueb c'alal lic ayinuc scotole, Dios la spas li vinajel xchi'uc banamile.

Salmos 45:6

Muc'ul ajvalil, li avabtel sventa ajvalilale ja' sventa sbatel osil; li avaston avich'oje ja' sventa tuq'uil chapanel.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

San Lucas 24:53

Scotol c'ac'al ibatic ta ch'ulna, laj yalbeic slequilal Dios.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

San Juan 1:2

Le'e te ono'ox xchi'inoj sbaic xchi'uc Dios ta sliquebal.

San Juan 16:28

Te lilic tal ta stojol Jtotic Dios ti liyal tal li' ta banamile. Li' ta orae ta jcomtsan noxtoc li banamile; ta xa xisut batel ta stojol li Jtotic Diose —xi li Jesuse.

San Juan 17:5

Ja' yu'un Tati, ac'bun xa yan velta jlequilal cutsilal te ta atojol jech chac c'u cha'al jlequilal cutsilal te ta atojol ti c'alal mu'yuc to'ox li banamile.

San Juan 20:28

Ja' yu'un li Tomase jech laj yalbe li Jesuse: —¡Cajval cu'un, Dios cu'un! —xut.

San Juan 8:58

Itac'ov li Jesuse: —Jamal chacalboxuc ava'yic, c'alal mu'yuc to'ox li Abrahame, te ono'ox oyun li vu'une —xi.

Romanos 9:5

Ja' jun jmoltotcutic ta vo'one, ja' te iloc' ta stojolic li Cristoe; ja' mero sts'unubalic ic'ot. Ja' li Dios ti sventainoj scotol c'usitic oye, ich'biluc ta muc' ta sbatel osil. Jechuc.

Efesios 3:9

Xchi'uc ja' cabtel chcac' lec ta na'el ta jamal c'u x'elan yutsil li c'usi nopbil ta vo'one, ti epal jabil muc xac' ta na'el li Dios ti la spas scotol c'usitic oye.

Filipenses 2:6

Yu'un li stuque co'olic xchi'uc li Diose, pero mu ja'uc tsots sc'oplal laj ya'ay.

Colosenses 1:15

Li Cristo ti laj yac' sba ta ilele, co'olic jech chac c'u cha'al li Dios ti mu xquiltique, ja' li jun no'ox Xnich'on ti te ono'ox oy c'alal mu'yuc to'ox c'usitic oye.

Colosenses 1:17

Yu'un li stuque te ono'ox oy o ti c'alal mu'yuc to'ox c'usitic oye. Ja' ta svu'el lec oy scotol li c'usitic oye.

1 Timoteo 3:16

Yu'un jbel sc'oplal toj yan to sba smuc'ul li c'usi melel la jch'untique: Ja' li sc'oplal li Boch'o laj yac' sba ta ilel ta jtojoltic xchi'uc sbec'tale, ivinaj ta sventa Ch'ul Espíritu ti tuc' yo'ntone; i'ilat yu'un j'almantaletic. Ipucbat batel sc'oplal ta yantic banamil; laj yich' ch'unel li' ta banamil, xchi'uc laj yich' iq'uel muyel ta lequilal.

SUN TITO 2:13

Jech jun no'ox co'ntontic ta jmalabetic sc'ac'alil li c'usi toj jun yutsile, ja' ti c'alal tsut tal li Muc'ul Dios Jcoltavanej cu'untique, ja' li Cristo Jesuse.

Hebreos 13:8

Li Jesucristoe mu sna' xjel o. Ja'o volje, ja'o li' ta ora; ja'o c'alal ta sbatel osil.

Hebreos 7:3

Mu xvinaj boch'o stot, boch'o sme', xchi'uc mu xvinaj boch'o smoltot syame'tac ta vo'one. Mu xvinaj c'usi ora ivoc', xchi'uc c'usi ora icham. Xco'laj xchi'uc Xnich'on Dios, yu'un ja' banquilal pale sventa sbatel osil ya'yel.

2 Pedro 1:1

Vu'un Simón Pedroun, vu'un yajtunelun xchi'uc yajtacbolalun li Jesucristoe, chabanuc chacalboxuc tal, vo'oxuc ti ach'unojic xa Cajvaltique, ja' ti toj jun yutsil jech chac c'u cha'al jch'unojcutique. Ti Jech la jch'untique, ja' ta sventa ti tuc' c'usi tspas li Diose xchi'uc li Jcoltavanej cu'untique.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

1 Juan 5:7

Li oxib li'i ja' svinajeb ic'otic:

Apocalipsis 1:11

Jech laj yalbun: “Li c'usi chavile, ts'ibao ta vun. Taco batel ta stojol li vuctsob jch'unolajeletic te oyic ta lum Éfeso, ta Esmirna, ta Pérgamo, ta Tiatira, ta Sardis, ta Filadelfia, xchi'uc ta Laodiceae”, xiyutun.

Apocalipsis 1:17

C'alal laj quile, liyal ta lum ta stojol; xco'laj xchi'uc chamen lic'ot. La stijun ta sbats'ic'ob, jech laj yalbun: “Mu xaxi'. Vu'un sliquebun, vu'un slajebun.

Apocalipsis 1:2

Ja' li Juan ti chal ta jamal ti ja' melel c'usi laj yal li Diose, xchi'uc ti ja' melel jech i'albat yu'un li Jesucristoe, xchi'uc ti ja' melel scotol li c'usitic laj yile.

Apocalipsis 1:8

Jech chal li Cajvaltic Diose: “Vu'un sliquebun, vu'un slajebun”,, xi. Ja' li Boch'o te ono'ox oy oe, xchi'uc ti te oy o c'alal to tanae xchi'uc ti te oy o sbatel osile, ti ech'em svu'ele.

Apocalipsis 19:13

Li sc'u' slapoje ts'ajbil ta ch'ich'. Ja' C'op yu'un Dios, xi sbi.

Apocalipsis 2:8

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Esmirnae: ‘Li Boch'o te oy ta sliqueb xchi'uc ta slajebe, ja' ti icham xchi'uc ti icha'cuxie, jech chayalboxuc:

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 22:13

Vu'un sliquebun, vu'un slajebun., Vu'un la jliques, vu'un ta jvu'es. Te oyun ta sliqueb; te oyun o c'alal ta slajeb”, xi.

Apocalipsis 3:14

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Laodiceae: ‘Jech chal li Boch'o Jechuc, xi sbie, ja' li tuq'uil testigoe, ti melel c'usi chale, ti ja' la sliques scotol li c'usitic oye: