Josué 8:4 - Bible in Tzotzil de Chenalhó with Deuterocanon

⁴ Jech laj yalbe: “A'yo ava'yic lec, sa'o lec anac'ubbailic te ta spat li lume. Mu me toj nomuc xavac' abaic; chapalucoxuc me lec.

Bible in Tzotzil de Chamula

⁴ ti xi laj yalbe ti mantale: “A'yio ava'iic li'e: batanic ta spat ti jteclume. Nopol xanac' abaic ta sts'el, ti chaplanic xa lec yo' ta xatsaquic ta letoe.

Josué 8:4 Iomraidhean Croise

2 Reyes 7:12

Li ajvalile ilic ta ora ta ac'ubaltic, jech laj yalbe li j'abteletic yu'une: —Chacalboxuc ava'yic c'usi tspasic li siriaetique, yu'un sna'ojic ti toj ip vi'nal chca'itique. Jech iloq'uic batel ta scarpanaic, bat snac' sbaic ta te'tic yu'un tsc'anic ti ac'o loc'cutic batel li' ta jlumaltic chbat jq'ueltique. Yu'un jech xu' te chistsacutic, jech chlic ochicuc tal li' ta jlumaltique —xut.

2 Crónicas 13:13

Pero li Jeroboame chapal xa'ox yu'un ti chbat jtsob soldadoetic ta spatic li judaetique yu'un ac'o bat yac'beic tal ta mucul. Ja' toj ep icomic te ta yeloval li judaetique; li yan jtsobe te xa chaq'uic tal ta patil.

Eclesiastés 7:19

Li bijubtasele ta stsatsubtasbe yo'nton li boch'o bije; xjelov to stsatsal jech chac c'u cha'al me oy lajuneb jpasmantaletic ta jun lume.

Eclesiastés 9:16

Ja' yu'un li vu'une chcal ti ja' toj lec li jbijiltique; ja' mu sta jech li stsatsal co'ntontique. Ja' no'ox ti mu'yuc ta o'ntonal sbijil li me'on vinique; mu'yuc ta tuc'ulanel li c'usi chale.

Hechos 23:21

Pero mu me xach'un li c'usi ta xalique. Yu'un ech'em ta cha'vinic (40) vinic la xchapanic ti ta smaquic ta be li Pabloe. Laj xa yalic ta jamal ta stojol Dios ti mu'yuc ta xve'ic, ti mu'yuc c'usi ta xuch'ique ja' to me icham yu'unique. Ta ora le'e chapalic xa. Ja' xa no'ox tsmalaic li c'usi chavale —xi li quereme.

Josué 8:16

Scotol li viniquetic te ta lum Haie la stsob sbaic scotolic; la snutsic batel li Josuee. C'alal snutsojic tale, nom icom yu'unic li slumalique.

Josué 8:3

Ja' yu'un li Josué xchi'uc xchi'iltaque ibat scontrainic li lum Haie. Li Josuee la st'uj lajuneb xcha'vinic (30,000) ta mil stsatsal viniquetic; ja' la stac batel ta ac'ubaltic.

Jueces 20:29

Ja' yu'un li israeletique j'o'lol bat snac' sbaic ta sjoylejal li lum Gabaae.

Jueces 20:33

Ts'acal lic xchapan sbaic lec scotolic te ta Baal-tamar, yu'un xa chlic yac'beic li yajcontraique. Jech ec li boch'otic te snac'oj sbaic ta sjoylejal Gabaae iloq'uic tal scotolic.

Jueces 20:36

Li benjaminetic te laj yilic ti ich'ayic xa oe. Li yantic israeletique yantic no'ox la snamajes sbaic batel ti c'alal ch-ac'batic yu'un li benjaminetique. Yu'un ja' spatoj yo'ntonic yu'un li xchi'ilic te snac'oj sbaique yu'un jech xu' chulesic o li lum Gabaae.

Jueces 9:25

Li boch'otic te nacajtic ta Siqueme oy viniquetic te snac'ojic ta jolvitsetic sventa tspojbeic c'usitic oy yu'unic li boch'otic te nopol chjelovic ta bee. Li Abimeleque laj ya'ay ti jech tspasique.

Jueces 9:32

Ja' lec loc'an tal ta ac'ubaltic tana. Tsobo tal achi'iltac; la' maquic ta be.

1 Samuel 15:2

Li Muc'ul Dios ti tspas ta mantal scotol te ta vinajele jech chal: ‘Ta xcac'be stoj smulic li amalequetic ta sventa ti la smacoxuc ta be c'alal laloq'uic tal ta Egiptoe.

1 Samuel 15:5

Ja' yu'un li Saule ibatic ta slumal li Amaleque; la sa' lec yavilic te ta soplejaltic.