Josué 8:2 - Bible in Tzotzil de Chenalhó with Deuterocanon

² Ja' no'ox jech co'ol xapasbeic jech chac c'u cha'al laj apasbeic li lum Jericoe xchi'uc li ajvalil tee. Le'e xu' xa chavich'beic comel scotol li c'usitic oy yu'unique xchi'uc scotol li sts'unub yovolique. Chapanic lec anac'ubbailic te ta spat li lume yu'un jech ch'ayel yo'nton chataic”, xut.

Bible in Tzotzil de Chamula

² Ja' jech ta xapas ta stojol ti jteclum Haie xchi'uc ti ajvalil yu'une jech c'u cha'al laj apas ta stojol ti jteclum Jericó xchi'uc ti ajvalil yu'une. Ja'uc tana le' une, xu' xavich'beic comel ti xchon sbolomique, ti c'usitic x'ayan yu'unic ti buch'utic tsalbil c'otique. Ch'ayaluc yo'ntonic ta xatsaquic ta leto ta spat jteclum ti chapbil lec avu'unique.”

Josué 8:2 Iomraidhean Croise

2 Crónicas 13:13

Pero li Jeroboame chapal xa'ox yu'un ti chbat jtsob soldadoetic ta spatic li judaetique yu'un ac'o bat yac'beic tal ta mucul. Ja' toj ep icomic te ta yeloval li judaetique; li yan jtsobe te xa chaq'uic tal ta patil.

2 Crónicas 20:22

C'alal iliquic ta sq'uejintabel slequilal li Muc'ul Diose li amonetic, li moabetic, xchi'uc li boch'otic liquemic tal ta vits Seir ti tal xa'ox smilic li judaetique, lic soquesbatuc sjolic yu'un li Muc'ul Diose jech te lic smilan sba stuquic ta jujuntal.

Salmos 39:6

Scotol cristianoetic jelovel no'ox chjelovic jech chac c'u cha'al yaxinaltic. Altic chbat yo'ntonic ta stsobel sc'ulejalic; mu sna'ic boch'o chich' comel.

Proverbios 13:22

Li lequil vinique chac'be comel c'usitic oy yu'un ec li smomnich'nabtaque; yan li sc'ulejal jpasmuliletique ja' chich'ic comel li boch'otic tuc' yo'ntonique.

Proverbios 28:20

Li boch'o lequil vinique ta xich' ep bendición; yan li boch'o batem yo'nton tspas c'u x'elan tsta sc'ulejale ja' no'ox ta sa' ep smul.

Jeremías 17:11

Li boch'o muc ta lecuc c'u x'elan staoj sc'ulejale, ja' jech chac c'u cha'al x'ub ti muc stonuc stuc ta sluts'e. Ta o'lol xch'iel no'ox ta xlaj li sc'ulejale. Ta ts'acale, bol vinic no'ox chcom.

Jeremías 51:12

¡Toyo abanderaic sventa sq'uelubil ti ac'o xa yich' jinesel li coralton yu'un Babiloniae! ¡Tsatsubtasbeic lec yo'nton li soldadoetique! ¡Va'anic jq'uel osiletic ta toyol! ¡Paso lec anac'ubbailic! Yu'un ta xc'ot xa ta pasel c'usi xchapanoj Muc'ul Dios ta sventa li jnaclumetic ta Babiloniae.

Deuteronomio 2:35

Ja' xa no'ox laj quich'tic li vacaxe, xchi'uc li c'usitic toyolic stojol la jtatic te ta yosilalic

Deuteronomio 20:14

Yan li antsetique, li ololetique, li vacaxetique, xchi'uc scotol li c'usitic oy yu'unic te ta lume ja' avu'unic chcom scotol. Xu' chatunesic scotol li c'usitic chayac'boxuc Muc'ul Dios ac'o avich'ique.

Deuteronomio 3:2

“Li Muc'ul Diose jech laj yalbun: ‘Mu me xaxi' yu'un li ajvalile, xchi'uc li yajsoldadotaque, xchi'uc li steclumale, yu'un cac'ojbot xa ta ac'ob. Chbat atsal jech chac c'u cha'al laj atsal li ajvalil yu'un amorretic, ja' li Sehón ti te to'ox nacal ta Hesbone’, xiyutun.

Josué 10:1

Li Adonisedeque, ja' li ajvalil ta Jerusalene, toj ep ixi' c'alal laj ya'ay ti laj xa stsalic lum Hai li Josuee, ti co'ol la spasbeic c'alal ta ajvalil yu'un jech chac c'u cha'al la spasbeic li lum Jericoe. Xchi'uc laj ya'ay noxtoc ti laj xa spas ta co'ol yo'ntonic xchi'uc israeletic li gabaonetique ti te xa xchi'uquic ta nacleje. C'alal laj ya'ay ti i'ochic xa ta c'abal li gabaonetique, yo'to ixi' ta jyalel, yu'un sna'oj ti ja' jun muc'ta lum li Gabaone, ti ich'bil lec ta muq'ue. Xchi'uc ja' xjelov smuc'ul yu'un li lum Haie, xchi'uc puru simarón viniquetic li yajvaltaque.

Josué 10:28

Ta sc'ac'alil no'ox ti c'alal jech la spasique, li Josuee i'ochic ta lum Maceda; solel laj yulesic o ta j'ech'el. La smilic ta espada scotol li boch'otic te to oyique; me junuc mu'yuc boch'o cuxul la scomtsanic. La smil noxtoc li ajvalile; ja' co'ol la spasbe jech chac c'u cha'al la spasbe li ajvalil ta Jericoe.

Josué 11:14

Li israeletique laj yich'ic comel scotol li c'usitic oy te ta lumetique, xchi'uc xvacaxic, xchijic, xchi'uc scotol yantic. Yan li cristianoetique la smilic ta espada scotol; me junuc mu'yuc cuxul la scomtsanic.

Josué 6:21

Te la smilic ta espada scotol li vinic antsetique, li querem tsebetique, li mol me'eletique. C'alal ta xvacaxic, ta xchijic, ta sburoic la smilbeic comel.

Josué 8:12

Li Josuee te la snac' comel vo'mil (5,000) viniquetic te ta o'lol yu'unic li Betel xchi'uc Hai ta stuq'uil smaleb c'ac'al yu'un li lume.

Josué 8:14

C'alal laj yil li ajvalil te ta Haie, ta ora iloq'uic tal xchi'uc yajsoldadotac; tal stsaquic ta pleito te ta stenlejaltic ta uc'um Jordán li israeletique. Mu sna'ic me oy yan jvoc' te snac'oj sbaic ta spat li lume.

Josué 8:19

Ja' yu'un li boch'otic te snac'oj sbaique iloq'uic tal ta ora scotolic; tal ochicuc ta lum. Ta ora laj yac'beic sc'ac'al.

Josué 8:24

C'alal laj xa smilic ta espada scotol li viniquetic ti inutsvanic tale, ibatic noxtoc ta lum Hai; bat smilic scotol li boch'otic te comenique.

Josué 8:3

Ja' yu'un li Josué xchi'uc xchi'iltaque ibat scontrainic li lum Haie. Li Josuee la st'uj lajuneb xcha'vinic (30,000) ta mil stsatsal viniquetic; ja' la stac batel ta ac'ubaltic.

Josué 8:7

Pero li vo'oxuque, licanic tal ti bu anac'oj abaique; la' ochanic ta slumalic, yu'un li Muc'ul Dios cu'untique yac'ojbutic xa ta jc'obtic.

Josué 8:8

C'alal me i'och xa ta ac'obique, chiq'uic ta c'oc'. Ja' jech xapasic jech chac c'u cha'al yalojbutic li Muc'ul Diose. Ja' jech chacalboxuc mantal ec li vu'une”, xut.

Josué 8:9

Li Josuee laj yal mantal ti ac'o xa baticuc li jvoc' st'ujoje. Jech ibatic, bat snac' sbaic ta o'lol yu'un li Betel xchi'uc Haie. Te xcom ta stuq'uil smaleb c'ac'al yu'un li Haie. Yan li Josuee te bat vayuc ta scarpanaic.

Josué 9:3

Pero li hevetic ti te nacajtic ta Gabaone ya'yojic c'usi la spas Josué ta stojol li chib ta lume, ja' li Jericoe xchi'uc li Haie.