Josué 8:1 - Bible in Tzotzil de Chenalhó with Deuterocanon

¹ Li Muc'ul Diose jech laj yalbe li Josuee: “Mu me xaxi'; mu me xchibaj avo'nton. Ic'o batel scotol li viniquetic ti xu' xa yu'unic pleitoe. Muyanic batel ta lum Hai yu'un cac'ojbot xa ta ac'ob li ajvalile, xchi'uc li svinictaque, xchi'uc scotol li slumale, xchi'uc li yosilale.

Bible in Tzotzil de Chamula

¹ Ti Josuee xi albat yu'un ti Diose: “Mu xaxi', mi ja'uc xatsiq'ues avo'nton. Tsobo scotol ti avinictaque. Tamo batel abeic ta scontrainel ti jteclum Haie. Yu'un vu'un ta xcac' atsal ti ajvalil yu'un ti jteclum Haie, xchi'uc ti slumaltaque. Ti steclumale, ti yosilale, ja' avu'un.

Josué 8:1 Iomraidhean Croise

Salmos 27:1

Li Muc'ul Diose ja' luz c'otem cu'un, ja' jcoltavanej cu'un, jech mu'yuc boch'o xu' chixi' yu'un. Li Muc'ul Diose ja' sventainojbun jcuxlejal, jech mu'yuc boch'o xu' chistic'bun xi'el ta co'nton.

Salmos 44:3

Muc ta yabteluc yoc sc'obic, muc ta sventauc yespadaic ti ivu' yu'un itsalvanique. Ja' ta sventa atsatsal avu'el; ja' ta sventa xojobal asat ti ivu' yu'unique, yu'un toj c'uxic ta avo'nton.

Salmos 46:11

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Isaías 12:2

Li Diose ja' jcoltavanej cu'un; jun no'ox co'nton o, mu'yuc c'usi ta jxi'be; ja' stsatsal co'nton, ja' sq'uejimol co'nton li Muc'ul Diose, yu'un ja' la scoltaun”, xachiic.

Isaías 43:2

C'alal chatuch' jelovel muc'tic nabe, te chajchi'inot; c'alal chatuch' jelovel uc'umetique, mu xaxcuchot batel; c'alal chajelov ta o'lol coq'ue, mu'yuc chac'ac'; mu xaxchic'ot li yat c'oq'ue.

Jeremías 46:27

“Smomnich'nab cajtunel Jacob, mu xaxi'ic. Israel, mu xchibaj avo'nton, yu'un vu'un chajcoltaoxuc achi'uc avalab anich'nab ti bu chucbiloxuc batel ta namal banamile. Ta to xasut tal, jun avo'nton chvul naclan; mu'yuc boch'o chasibtasot.

Jeremías 49:3

“¡Hesbón, ato me avo'nton, yu'un laj xa yich' jinesel li lum Haie! ¡Antsetic ta Rabá, oc'anic me! Lapic c'u'il sventa at-o'nton; joyetanic xa no'ox ta spat xocon anaic. Yu'un li dios Milcome chucbil xa ibat ta yan banamil; chucbil ibat xchi'uc li paleetic xchi'uc li banquilaletic yu'une.

Daniel 2:21

Ja' tsjel ti c'u x'elan ora chtale, xchi'uc ja' tsjel c'u x'elan chtal li jujun jabile. Ja' tsloq'ues, xchi'uc ja' tstic' ta yabtel li ajvaliletique. Ja' chac'be ep sbijil li boch'otic bijique; ja' tsjambe sat li boch'otic oy c'usi lec sna'ique.

Daniel 4:25

Chavich' loq'uesel batel ta stojol li cristianoetique; ja' chbat achi'in ta naclej li chonbolometique. Ts'i'lal chlic alo' jech chac c'u cha'al vacaxetic, xchi'uc te cha'ach' o ta job osil. Vucub jabil te chacom, ja' to me laj avil ja' sventainojbe yabtel ajvaliletic li Boch'o te oy ta vinajele, xchi'uc ti ja' chac'be yabtel li boch'o tsc'an chac'bee.

Daniel 4:35

Scotol li jnaclumetic li' ta banamile mu'yuc c'usi xu' yu'un ch-ilatic. Li stuque ta spas c'usi tsc'an ta stojol li boch'otic te oy ta vinajele xchi'uc li jnaclumetic li' ta banamile. Mu'yuc boch'o xu' yu'un tspajes; mu'yuc boch'o xu' yu'un jech chalbe: ¿C'u yu'un jech chapas? mu'yuc boch'o xu' xut.’

San Mateo 8:26

Itac'ov li Jesuse: —¿C'u yu'un chaxi'ic? Mu'yuc to lec xch'unojel avo'ntonic —xi. Ilic li Jesuse; la spajes li iq'ue xchi'uc li nabe. Jech ich'abi o scotol.

Deuteronomio 1:21

Q'uelavilic, li osil li'i yac'ojboxuc xa ta ac'obic li Dios cu'untique. Ochanic batel. Ich'ic li avosilic jech chac c'u cha'al yaloj ono'ox li Muc'ul Diose, ja' li Dios yu'un jmoltotactic ta vo'onee. Mu me xaxi'ic. Mu me xchibaj avo'ntonic’, xacutoxuc.

Deuteronomio 31:8

Ja' ba'yucbe ta xbat avu'un stuc li Muc'ul Diose; ja' chaxchi'inot o scotol c'ac'al. Mu'yuc chayictaot; mu'yuc chascomtsanot. Ja' yu'un mu me xaxi'; mu me xastsalot li xi'ele”, xut.

Deuteronomio 7:18

Pero mu me xaxi'ic yu'un. Na'ic me c'usi la spas Muc'ul Dios ta stojol li faraone xchi'uc ta stojol scotol li egiptoetique.

Deuteronomio 7:21

Ja' yu'un mu me xaxi'ic yu'un. Yu'un li Muc'ul Dios avu'unic ti toj ech'em smuc'ul ti toj ech'em stsatsale, te xchi'inojoxuc.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Josué 10:7

Jech li Josuee iloq'uic batel ta Gilgal xchi'uc scotol li viniquetic sventa pleitoe, xchi'uc scotol li yajsoldadotac ti lec tsots yo'ntonique.

Josué 10:8

Li Muc'ul Diose jech laj yalbe li Josuee: “Mu me xaxi'; vu'un chacac'bot ta ac'ob, me junuc mu xu' yu'un chatsalicot”, xut.

Josué 2:24

Jech laj yalbeic: “Li Muc'ul Diose yac'ojbutic xa ta jc'obtic li banamile. Scotol li yajvaltac banamil tee solel chchamic xa ta xi'el cu'untic”, xutic c'otel.

Josué 6:2

Pero li Muc'ul Diose jech laj yalbe li Josuee: “A'yo ava'ay, cac'ojbot xa ta ac'ob li lum Jericoe, xchi'uc li ajvalile, xchi'uc li yajsoldadotaque.

Josué 7:9

Me laj ya'yic scotol li canaanetic li'i xchi'uc li yan jnaclumetic li' ta banamile, xu' ta xtal yulesuncutic o jcotolcutic. J'ech'el chtu'p o jc'oplalcutic li' ta banamil. ¿C'usi chc'ot ta pasel ta sventa ti vinajem ac'oplal ech'em amuc'ule? —xut.