Josué 7:5 - Bible in Tzotzil de Chenalhó with Deuterocanon

⁵ Imilatic tal vaclajuneb xcha'vinic (36) li israeletique. Li yantique nutsbil iliquic ta sti' coralton yu'un li lume c'alal to ta Sebarim. Te la smilic comel ta yalubaltic. Ja' yu'un li israeletique ilaj stsatsal yo'ntonic; solel ichibaj yo'ntonic.

Bible in Tzotzil de Chamula

⁵ Laj van smilic vaclajuneb xcha'vinic (36) ta vo' israeletic. Ja'uc ti yane nutsbilic loq'uic ech'el ta sti'tac ti jteclume, ti c'ot c'alal to jots'ob tontic, ti laj slilinic ta milel ta yalobaltic xae. Ti va'i s'elan c'ot ta pasel une, jech o xal ti viniquetique lic tsic'uc yo'ntonic. Mi ja'uc xa oy yip ti yo'ntonique.

Josué 7:5 Iomraidhean Croise

Salmos 22:14

Ja' jechun jech chac c'u cha'al vo' ti chmal batele; li jbaquiltaque bichc'ujemic xa loq'uel ta sts'acaliltac. Li co'ntone ta x'ul batel ta yut jbec'tal jech chac c'u cha'al chab.

Salmos 58:7

Ac'o ch'ayicuc o ta banamil jech chac c'u cha'al vo' ti c'alal chmal ta banamile. C'alal tst'ilesic li flechaetic yu'unique, toj lilijel ac'o c'otuc.

Isaías 13:7

Ja' yu'un scotol li cristianoetique toj alubel chc'ot sc'ob scotolic, mu'yuc stsatsal yo'nton chcomic o.

Ezequiel 21:7

C'alal me jech chasjac'boxuque: ‘¿C'u yu'un ti ep cha'oq'ue?’, me xayutoxuque, jech xatac'beic: ‘Yu'un laj ca'ay ti oy c'usi tsots chc'ot ta pasele. C'alal me la sta yoraile, scotol cristiano ta xc'unib yo'ntonic, ta xat yo'ntonic, ta x'alub yoc sc'obic. Jutuc xa sc'an xc'ot ta pasel, yu'un jech laj yal stuc li Muc'ul Diose’, uto”, xiyutun.

Levítico 26:36

“Li boch'o cuxul to chcom avu'unic te ta yosilal avajcontraique, ta xcac'beic ep xi'el. Ta jlic no'ox yanal te' chbaj, ta xjatovic batel ta anil jech chac c'u cha'al nutsbilic ta espada. Te ta xyalic o ta lum ac'o me mu'yuc nutsbilic.

Nahúm 2:10

Jeche' xch'ijan, xocol chcom o, yavnaijem chcom o li lum Ninivee; ta xbat xch'ulelic ta xi'el, ta xnic yacanic, ta x'alubic, ta saclich'tajic.

Deuteronomio 1:44

Pero li amorretique iloq'uic tal, tal staoxuc. La snutsoxuc tal ta Seir c'alal to ta Horma jech chac c'u cha'al tsnutsvan xchanul mumetic.

Josué 2:11

C'alal laj ca'icutique, bats'i ep chixi'cutic avu'unic yu'un laj ca'icutic ti mu'yuc boch'o xu' chastsaloxuque. Yu'un li Muc'ul Diose, ja' li Dios avu'unique, ja' Dios yu'un li vinajele xchi'uc li banamile.

Josué 2:9

—Ta jna' ti yac'ojboxuc xa ta ac'obic Muc'ul Dios li osil li'i. Jech scotol li jchi'iltaque ta xi'ic avu'unic. Scotol li yajvaltac banamil li'i toj ep xi'el cha'yic scotolic.

Josué 5:1

Scotol li ajvaliletic yu'un amorretic te nacajtic ta jot uc'um Jordán ta stuq'uil smaleb c'ac'ale xchi'uc li ajvaliletic yu'un canaanetic te nacajtic ta nopol muc'ta Nab Mediterraneoe laj ya'yic c'u x'elan la staquijes uc'um Jordán Muc'ul Dios ti c'alal ijelovic li israeletique. C'alal laj ya'yique, bats'i ep ixi'ic; solel mu sc'an stsac sbaic ta pleito xchi'uc li israeletique.