Josué 7:4 - Bible in Tzotzil de Chenalhó with Deuterocanon

⁴ Jech oxmil (3,000) no'ox imuyic batel ta Hai; bat smilbeic li yajvale. Pero itsalatic yu'un li cristianoetic tee; nutsbil isutic tal.

Bible in Tzotzil de Chamula

⁴ Va'i un, oy nan oxmiluc viniquetic muyic batel ta stsaquel ta c'op ti jteclum Haie. Ja'uc le' une, tsalbil c'otic yu'un ti yajval lum Haie, ti lic ochicuc ta jatobal yu'une.

Josué 7:4 Iomraidhean Croise

Salmos 89:43

Laj alajesbe ye ta jech no'ox li yespadae; muc xa xacolta ta sventa muc'ta c'op.

Isaías 30:17

Ta jun no'ox vinic chajatovic batel jmil; ta vo'ob vinic chajatovic batel acotolic, ja' to me mu'yuc xa ep lacomique, ja' to me jech lacomic jech chac c'u cha'al unin jbej te' va'al ta jolvitse, o jech chac c'u cha'al jlic bandera te xvilvun ta jolvitse.

Isaías 59:2

Ta scoj achopolil atuquic ti jech lic avoc' aba achi'uquic li Diose; ta scoj amul atuquic ti jech la snac' sba ta atojolique, ti jech mu xa xa'ay ac'opique.

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Deuteronomio 28:25

Xchi'uc chac' j'ech'el chaxpech'oxuc o ta teq'uel li avajcontraique. C'alal ja' to cha'ochic batel yu'un chbat apasic pleito achi'uquique, lec chapaloxuc; lec acholoj abaic ochel. Pero chajatovic sutel tal ta ora yu'unic. Solel tanpuc chajatovic batel ta anil acotolic. Ta xavaq'uic xi'icuc yantic ajvaliletic li' ta banamil.

Deuteronomio 32:30

¿C'uxi ivu' yu'un ti jun no'ox la snuts batel ta anil jmile? ¿C'uxi ivu' yu'un ti chib no'ox ijatov batel ta anil yu'unic lajunmile? Ja' no'ox ta sventa li Muc'ul Diose, ja' li Jchabivanej yu'unique. Ja' laj yac'be ta sc'obic li yajcontraique.

Josué 7:3

C'alal isutic tale, jech vul yalbeic li Josuee: “Mu persauc jcotoltic chbat jcontraintic li lum Haie yu'un mu'yuc ep li yajvaltaque. Xu' no'ox ac'o batuc cha'mil (2,000), o me oxmil (3,000) viniquetic; lec xu' yu'unic o”, xiic.