Josué 6:3 - Bible in Tzotzil de Chenalhó with Deuterocanon

³ Vo'oxuc ti xu' xa avu'unic lec pleitoe, bat joyibtaic jun velta ta jujun c'ac'al li lume. Vaquib c'ac'al jech xapasic.

Bible in Tzotzil de Chamula

³ Jech ti vo'oxuque, soldado Israel, vaquib c'ac'al sjalil, ta xajoyibtaic jun velta ta jujun c'ac'al ti jteclume.

Josué 6:3 Iomraidhean Croise

2 Crónicas 4:3

Ta yolon sti' yavil vo'e oy cha'coj sloc'obal vacaxetic. Ja' lajuneb ochem ta o'lol yoxch'ix snamal; ja' jech o ta joyob. Jmoj snitoj sba pasbil xchi'uc li yav vo'e.

Números 14:9

Pero ja' tsc'an ti mu xatoy abaic ta stojol li Muc'ul Diose, xchi'uc tsc'an ti mu xaxi'ic yu'un li cristianoetic te nacajtique. Ja' no'ox jech xu' ta jlajestic jech chac c'u cha'al ta jlajestic pane. Li stuquique mu'yuc boch'o xu' chcoltaatic. Yan li vu'utique li' oy ta jtojoltic li Muc'ul Diose. Ja' lec mu xaxi'ic —xiic.

2 Corintios 4:7

Li jc'ulejaltic ac'bilutique quich'ojtic li' ta jbec'taltic ti pasbil no'ox ta lum jech chac cha'al bine, yu'un jech ac'o vinajuc ti toj yan sba svu'el stuc li Diose, ti muc ta jtsatsaluc jtuctic ti jech ic'ot ta pasele.

Josué 6:11

Jech li Josuee laj yal ti ac'o sjoyibtaic junuc velta lum Jericó xchi'uquic li xcaxail smantal Muc'ul Diose. C'alal la spasic jeche, isutic tal ta scarpanaic; te tal vayicuc.

Josué 6:14

C'ot sjoyibtaic yan jun velta li lum Jericoe, ja' xchibal xa'ox c'ac'al. Jech te isutic tal ta scarpanaic noxtoc. Ja' jech la spasilanic vaquib c'ac'al.

Josué 6:2

Pero li Muc'ul Diose jech laj yalbe li Josuee: “A'yo ava'ay, cac'ojbot xa ta ac'ob li lum Jericoe, xchi'uc li ajvalile, xchi'uc li yajsoldadotaque.

Josué 6:4

Vucub paleetic ac'o jelovicuc batel ta ba'yucbe yu'un li xcaxail jmantale. Ac'o yich'ic batel jujun xcachuic sventa tsjupanic. Ta svucubal c'ac'ale joyibtaic vucubuc velta li lume. Li paleetique ac'o sjupan li xcachuique.

Josué 6:7

Jech laj yalbe scotol li xchi'iltaque: “Batic jcotoltic; bat joyibtatic li lume. Li boch'o oy lec yabtejebique ac'o jelovicuc batel ta ba'yucbe yu'un li xcaxail smantal Muc'ul Diose”, xut.