Josué 5:2 - Bible in Tzotzil de Chenalhó with Deuterocanon

² Ja'o yorail te ic'opanat yu'un Muc'ul Dios li Josuee. Jech i'albat: “Pasbo lec ye tonetic; ac'bo yich'ic circuncisión li achi'iltac ti mu'yuc to yich'ojique”, x'utat.

Bible in Tzotzil de Chamula

² Ja' o c'ot ta pasel ti xi albat yu'un Dios ti Josuee: “Meltsano jayaquil ton ti co'ol s'elan cuchilu ti lec yee. Cha'liqueso ti circuncisión ta stojol ti israeletique.”

Josué 5:2 Iomraidhean Croise

Éxodo 4:25

Ja' yu'un li Seforae la stsac jun ton ti lec oy ye jech chac c'u cha'al cuchiloe; ja' la se'pbe o snuculil sni' sc'unil li yole. Li snuculil sc'unil yole te laj yac'be ta yacan li Moisese, jech laj yalbe: “Ta mero melel ja' jmalalot ta sventa li ch'ich'e”, xut.

Romanos 2:29

Ja' mero Judío chijc'ot ta sventa c'u x'elan li yut co'ntontique. Li mero circuncisión quich'ojtic chc'ote ja' ta yut co'ntontic, ja' ta sventa svu'el Dios; ma'uc ta sventa ti ts'ibabil xa lec ta vun quich'ojtic li smantaltac Diose. Li boch'o jech chac le'e ja' lec ch-ilat yu'un Dios; ma'uc lec ch-ilat yu'un cristianoetic.

Romanos 4:11

C'alal laj yich' circuncisione, ja' senyail, ja' svinajeb laj yich' ta sbec'tal ti ta melel tuc' yo'nton ilbil yu'un Dios ti c'alal mu'yuc to'ox chich' circuncisione, yu'un jech ja' stotic chc'ot ec li jch'unolajeletic ti mu'yuc yich'ojic circuncisione. Jech tuc' yo'nton ch-ilatic yu'un Dios ec ta sventa li xch'unojel yo'ntonique.

Deuteronomio 10:16

“Comtsano ta avo'ntonic c'usi yaloj li Muc'ul Diose, jech chac c'u cha'al circuncisión ti j'ech'el chcom senyail ta abec'talique. Mu me staojuc yav ti toj toybaoxuque.

Deuteronomio 30:6

Chascomtsanboxuc o ta avo'ntonic achi'uc anich'nabic xchi'uc amomnich'nabic li c'usi xchapanoj ono'oxe. Te chcom o jech chac c'u cha'al jun marca, yu'un jech xu' chlic ac'anic o ta scotol ajol avo'ntonic. Jech xu' chacuxiic.

Colosenses 2:11

Xchi'uc ja' ta sventa noxtoc ti avich'ojic xa li circuncisión ti muc pasbiluc ta sc'ob cristianoe, yu'un icom xa avu'un li apoco' talelique, jech ja' xa avich'ojic li circuncisión yu'un Cristoe.

Josué 5:3

Li Josuee lic spasbe lec ye jayibuc tonetic; ja' itun ta sventa xcuchilo. Ja' la xtuch'be o snuculil sni' sc'unilic li xchi'iltac c'alal te oyic ta vits Aralote.