Josué 4:9 - Bible in Tzotzil de Chenalhó with Deuterocanon

⁹ Jech ec li Josuee la slats yan lajcha'bej ton te ta o'lol uc'um yo' bu la stec'an yacanic li paleetic ti yich'ojic tal xcaxail smantal Diose. Li tone te to oy o c'alal to tana.

Bible in Tzotzil de Chamula

⁹ Ma'uc no'ox taje, yu'un laj to slats lajcha'bej ton ti Josué ta uc'um ti bu ech'ic ti paleetic ti xchechojic jelavel xcaxail ti tratee. Tey to oy ti tonetic taje.

Josué 4:9 Iomraidhean Croise

Génesis 26:33

Li Isaaque Seba laj yac'be sbi li joq'ue. Ja' yu'un li lum tee yoquel to jech Beerseba sbi o.

Génesis 28:18

C'alal isacub ta yoc'omale, sob ilic li Jacobe. Li ton ti la xonjoline, la sva'an. La spaj ta banamil sventa sna'ubil yu'un; la smalbe aceite.

2 Samuel 4:3

Yu'un li beerotetique ijatovic batel ta Gitaim; te nacalic o c'alal to tana. Ja' jech c'otemic jech chac c'u cha'al yanlum.

1 Reyes 18:31

La stsac lajcha'bej ton yu'un jech lajcha'chop ibat li xnich'on Jacob, ja' li boch'o jech ono'ox i'albat yu'un Muc'ul Diose: “Israel ta xc'ot abi”, ti x'utate.

2 Crónicas 5:9

Li xq'uechubiltaque nat spasojic; jelovenic jutuc ta jujujot xocon li caxae. Lec xvinaj li sjoljol ta lequil ch'ul cuarto. Ja' no'ox ti mu'yuc boch'o chil tal ta amaq'ue. Ja' jech oy o c'alal to tana.

Éxodo 24:12

Li Muc'ul Diose jech laj yalbe li Moisese: —Muyan batel ta vits te yo' bu ono'ox oyune. Te xamalaun, yu'un chacac'bot li pech'ajtic ton yo' bu ts'ibabil li mantaletic cu'une, yu'un ac'o achanubtas o li achi'iltaque —x'utat.

Éxodo 28:21

Li tonetique lajchab (12) tsc'an, yu'un lajcha'chop (12) sbiic li xnich'nab Israele. Ta jujubej tone te ac'o yich' nacanbel sbi li jujuchop israeletique, ja' jech ac'o yich' pasel jech chac c'u cha'al sello.

San Mateo 27:8

Ja' yu'un li banamile Yosil Ch'ich' la sbiin. Ja' jech sbi o c'alal to tana.

San Mateo 28:15

Li soldadoetique laj yich'ic li taq'uine. Ja' jech laj yalic ti c'u cha'al i'albatique. Li lo'il le'e ja' jech ipuc ta alel ta stojol judioetic c'alal to tana.

Deuteronomio 34:6

Te laj yich' muquel ta jun stenlejal ta yosilal Moab ta stuq'uil Bet-peor. Me junuc mu'yuc boch'o sna' bu oy smuquinal c'alal to tana.

Josué 24:26

Xchi'uc la sts'iba comel te ta svunal li mantaletic yu'un Diose. La stam jbej muc'ta ton; la sva'an ta yolon tulan te ta sts'el li ch'ulna pasbil ta nucule.

Josué 4:10

Li paleetic ti yich'ojic tal li xcaxail smantal Muc'ul Diose te va'ajtic o ta o'lol yut uc'um ti c'alal sbats'ilic spasel scotol israeletic li c'usi i'albatic yu'un Muc'ul Dios ta sventa li Josuee. Scotol la spasic jech chac c'u cha'al laj yalbe comel Josué li Moisese. Li israeletique ijelovic ta ora ta jot uc'um scotolic.

Jueces 1:26

Te ibat ta yosilal Hetetic; te la spas jun lum. Luz laj yac'be sbi. Ja' jech sbi o c'alal to tana.

1 Samuel 30:25

(Ja' yorail jech lic spasic o scotol li israeletique; ja' jun mantal icom o yu'unic ti jech tspasique.)

1 Samuel 7:12

Li Samuele la stam ton; te la sva'an ta o'lol yu'un li Mizpa xchi'uc Sene. Li tone Eben-ezer laj yac'be sbi, yu'un jech laj yal: “Ja' to lic scoltautic yan velta li Muc'ul Diose”, xi.