Josué 4:7 - Bible in Tzotzil de Chenalhó with Deuterocanon

⁷ jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.

Bible in Tzotzil de Chamula

⁷ va'i un, xachi ta xatac'beique: ‘C'alal ech' xtuch' jelavel uc'um xcaxail strate ti Diose, ti uc'ume pas ta cha'ch'ac yoc ti bu oy ti caxae. Va'i un, ti tonetic le' une, ja' sventa svulesobil ta yo'ntonic ti israeletic ti oy c'usi c'ot ta pasel li'e.” ”

Josué 4:7 Iomraidhean Croise

Salmos 111:4

Mu xch'ay o ta o'ntonal ti toj labalic sba c'usi spasoje; ja' jc'anvanej jc'uxubinvanej stuc li Muc'ul Diose.

Éxodo 12:14

Li jun c'ac'al le'e ja' tsc'an ti mu xch'ay ta avo'ntonique. Tsc'an chapasilanic jun muc'ta q'uin sventa chavich'icun ta muc'; vu'un li Muc'ul Diosune. Ja' jun mantal chcom o ta atojolic c'alal to ta jayc'ol avalab anich'nabic.

Éxodo 28:12

Ja' te ac'o snaban ti bu pac'bil li cha'jis bic'tal poc' ta snecub mocan c'u'ile. Li tone ja' sna'ubil chc'ot yu'unic li avalab anich'nabique. Jech li Aarone te x'ich'-un o yu'un ta snecub sbiic achi'iltac ti c'alal ch-och ta jtojole, yu'un jech ta jna'ic o.

Éxodo 30:16

Ich'o scotol li taq'uin chaq'uic ta sventa mu xchamic li achi'iltac ta israelale. Te xavac' tunuc ta sventa abtel ta ch'ulna pasbil ta nucul. Ja' sna'ubilic cu'un li achi'iltac ta israelal ti yac'ojic taq'uin sventa mu xchamique”, xi.

Isaías 66:3

Yan li boch'otic tsmilic tot vacax sventa jmoton scuyoj sbaique xco'laj xchi'uc tsmil jun cristiano. Li boch'o tsmil jcot chije xco'laj xchi'uc tsmil jcot ts'i'. Li boch'o chac' c'usitic chloc' yu'une xco'laj xchi'uc chac' ch'ich'al chitom. Li boch'o chchic' pome xco'laj xchi'uc tsc'opan c'usi cuybil ta dios. Yu'un ja' tspasic o li c'usitic tsc'an stuquique; ja' la sc'anic o li c'usitic toj chopole.

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 17:5

Li boch'o t'ujbil cu'une ja' ta xcac' q'uelumajuc li snamte'e. Jech xu' ta xpajic o ta yalel c'usi chopol li achi'iltac ta israelale”, x'utat.

1 Corintios 11:24

la stojbe ta vocol Dios, lic svoc' li pane, jech laj yal: “Li'i ja' jbec'tal ti ac'bil ta aventaique. Jech me xapasilanic o sventa chana'ilanicun”, xi.

Deuteronomio 16:3

“Li matanal chavaq'uique, ve'anic xchi'uc pan ti mu'yuc yich'oj svolesubil xch'ute. Vucub c'ac'al xave'ic li pan ti mu'yuc yich'oj svolesubil xch'ute, yu'un ja' pan sventa vocol, yu'un ta anil no'ox latalic ti c'alal laloq'uic tal ta Egiptoe. Jech yu'un ti jayib c'ac'al cuxuloxuque, ja' sna'ubil avu'unic li c'usi ora laloq'uic tal ta Egiptoe.

Josué 4:6

Ja' senyail chcom ta aventaic. C'alal me jech chlic sjac'boxuc anich'nabique: ‘Tati, ¿c'usi sventa li ton li'i?’, me xayutoxuque,