Josué 4:12 - Bible in Tzotzil de Chenalhó with Deuterocanon

¹² Jech ec li boch'otic liquemic ta Rubén, ta Gad, xchi'uc li o'lol jchop liquemic ta Manasese ijelovic batel ta ba'yucbe xchi'uc yabtejebic ec jech chac c'u cha'al albilic ono'ox yu'un li Moisese.

Bible in Tzotzil de Chamula

¹² Ja' jech xtoc ech' xtuch'ic uc'um ti j'ac'-letoetic ti ja' snitilultac ti Rubene, ti Gade, xchi'uc ti Manasese. Chapalic xchi'uc yabtejebic jba'be jelavic ech'el ti israeletique, ti jech ono'ox albilic mantal yu'un ti Moisese.

Josué 4:12 Iomraidhean Croise

Éxodo 13:18

Ja' yu'un xi to bat yac'be spasic tal velta ta sbelal xocol banamil ti xc'ot ta Tsajal Nabe. Li israeletique lec chapal xchi'uc yabtejebic c'alal iloq'uic tal ta Egipto.

Números 1:24

Li jchop liquem ta Gade ja' iloc' vo'ob yoxvinic ta mil xchi'uc o'lol svucubal ciento (45,650) ta scotol.

Números 32:17

Ts'acal to li vu'uncutic eq'ue ta xquich' batel cabtejebcutic ta ora ec; ta xbat jchi'incutic li yantic jchi'iltactique ja' to me la staic comel yosilique. Ja' no'ox li jnich'nabcutique li' chcomic ta lumetic cu'uncutic yu'un jech jun yo'ntonic; mu c'usi spasbatic yu'un li jnaclumetic li' ta banamile.

Deuteronomio 3:18

“Ja'o yorail te lic calbeic li mantal jech chac li'i: ‘Li Muc'ul Diose, ja' laj yac'boxuc ta ac'obic li osil li'i. Li boch'o sna' paspleito avu'unique, ac'o yich' batel yabtejebic. Ac'o jelovicuc batel ta ba'yucbe yu'un scotol li jchi'iltactique.

Deuteronomio 33:21

Li Gade ja' te icom ti bu ven lequil osile; ja' icom ta sventa ti bu ja' snupin chich' li boch'otic tsots yabtelique. Ja' banquilal ic'ot ta stojol li xchi'iltaque. La xch'un scotol c'usi i'albat yu'un li Muc'ul Diose. Tuc' ibat yabtel te ta stojol Israel”, xi.

Josué 1:14

Ja' yu'un li' xacomtsan li avajnil anich'nabique xchi'uc li ats'unub avovolique. Li' ac'o comuc scotol ta avosilic ti bu laj yac'boxuc Moisés li' ta jot uc'um Jordane. Yan li viniquetic ti xu' xa yu'unic pleitoe, ac'o xchapan sba xchi'uc yabtejebic. Ja' ba'yucbe ac'o baticuc yu'un scotol li yantic jchi'iltactique. Ac'o bat scoltaic ta paspleito.

Josué 4:11

C'alal jelovenic xa ta jot uc'um scotolique, ja'o ijelov ec li xcaxail smantal Muc'ul Diose xchi'uc li paleetique. Ta stojol scotol israeletic ijelovic ta jot uc'um.

Josué 4:13

Jutuc mu cha'vinicuc ta mil (40,000) ta scotol ti lec chapalic xchi'uc yabtejebic sventa pleitoe. La xchol sbaic lec ta stojol li Muc'ul Diose; ibatic ta stenlejaltic yu'un li lum Jericoe.