Josué 4:11 - Bible in Tzotzil de Chenalhó with Deuterocanon

¹¹ C'alal jelovenic xa ta jot uc'um scotolique, ja'o ijelov ec li xcaxail smantal Muc'ul Diose xchi'uc li paleetique. Ta stojol scotol israeletic ijelovic ta jot uc'um.

Bible in Tzotzil de Chamula

¹¹ Ts'acal to un, ti c'alal jelavic xa ta jot scotolique, ja' jech ti paleetic ti xchechojic xcaxa ti Diose, jelavic batel ec. Ja' jba'be batel yu'unic ti jteclume.

Josué 4:11 Iomraidhean Croise

Isaías 52:12

Yu'un mu persauc toj anil chaloq'uic; mu persauc ta jatubal chaloq'uic, yu'un li Muc'ul Dios, ja' li Dios yu'un Israele, ja' ba'yucbe chbat avu'unic, ja' stuc chaxchabioxuc batel ta apatic.

Josué 24:11

Jech lajelovic tal ta jot uc'um Jordán; lac'otic c'alal ta Jericó. Pero li boch'otic te nacajtic ta Jericoe la scontrainoxuc. Jech noxtoc la scontrainoxuc li amorretic, ferezetic, canaanetic, hetetic, gergesetic, hevetic xchi'uc jebusetique. Pero vu'un laj cac'boxuc ta ac'obic.

Josué 3:17

Scotolic lec taquin laj ya'yic li uc'um Jordán c'alal ijelovique. Li paleetic ti yich'ojic jelovel li xcaxail smantal Muc'ul Diose te iva'iic ta o'lol uc'um scotolic, pero lec taquin li banamil bu va'alique.

Josué 3:8

Vo'ot chavalbe ya'yic paleetic ti ac'o yich'ic batel li xcaxail jmantale. C'alal chc'otic ta ti' uc'um Jordane, ac'o ochicuc batel ta yut uc'um; te ac'o sva'an sbaic”, x'utat.

Josué 4:10

Li paleetic ti yich'ojic tal li xcaxail smantal Muc'ul Diose te va'ajtic o ta o'lol yut uc'um ti c'alal sbats'ilic spasel scotol israeletic li c'usi i'albatic yu'un Muc'ul Dios ta sventa li Josuee. Scotol la spasic jech chac c'u cha'al laj yalbe comel Josué li Moisese. Li israeletique ijelovic ta ora ta jot uc'um scotolic.

Josué 4:12

Jech ec li boch'otic liquemic ta Rubén, ta Gad, xchi'uc li o'lol jchop liquemic ta Manasese ijelovic batel ta ba'yucbe xchi'uc yabtejebic ec jech chac c'u cha'al albilic ono'ox yu'un li Moisese.

Josué 4:18

C'alal ja' to no'ox la stec'an yacanic ta taqui banamil ta ti' uc'ume, li vo' sts'anoj sba muyele ta ora no'ox lic xanovuc yan velta. Inoj, xchi'uc imalan loq'uel ta sti'ti' jech chac c'u cha'al ono'oxe.