Josué 4:10 - Bible in Tzotzil de Chenalhó with Deuterocanon

¹⁰ Li paleetic ti yich'ojic tal li xcaxail smantal Muc'ul Diose te va'ajtic o ta o'lol yut uc'um ti c'alal sbats'ilic spasel scotol israeletic li c'usi i'albatic yu'un Muc'ul Dios ta sventa li Josuee. Scotol la spasic jech chac c'u cha'al laj yalbe comel Josué li Moisese. Li israeletique ijelovic ta ora ta jot uc'um scotolic.

Bible in Tzotzil de Chamula

¹⁰ Ti paleetic ti xchechojic xcaxail ti tratee, ti oy sc'oplal ta sva'an sbaic ta o'lol uc'um ti c'alal ja' o ta xchapan sbaic ti israeletic ta spasel ti c'usi albil yu'un Dios ti Josuee, scotol jech laj yich' pasel jech c'u cha'al albat yu'un Moisés ti Josuee. Jech ti jteclume ta anil ijelavic.

Josué 4:10 Iomraidhean Croise

Salmos 119:60

Laj cac' persa xch'unel li amantaltaque; mu'yuc la jmala jal.

Éxodo 12:39

Ta sventa ti iloq'uesvanic ta anil li egiptoetique jech mu'yuc xa c'usi laj yutic la smeltsan sve'elic ta anil li israeletique. Ja' lic spasic ta pan li vots'bil arina yich'ojic tal ta Egipto ti mu'yuc yich'oj svolesubil xch'ute, yu'un mu'yuc to'ox pajuben.

Proverbios 27:1

Mu me xanop ti oy c'usi lec xu' chapas ta yoc'omale, yu'un mu xana' c'usi yich'oj tal li jun c'ac'al oc'ome.

Eclesiastés 9:10

Scotol li c'usitic cha'ac'bat aventain spasele paso me ti bu c'alal xatabe yipal spasele, yu'un c'alal me labat ta yavil animaetique, mu'yuc xa abtel, mu'yuc c'usi stac' pasel, mu'yuc xa c'usi jna'tic, mu'yuc xa bijubtasel.

Isaías 28:16

Ja' yu'un li Cajvaltic Diose jech chal: “Ta xcac' jbej lequil ton te ta Sión, lec t'ujbil li tone, tsots sc'oplal; ja' chtun ta sventa snacleb na, ja' chtun ta mero chiquin na. Li boch'o ja' tspat yo'nton ta stojole, mu xchibaj o yo'nton.

2 Corintios 6:2

Yu'un jech yaloj li Diose: “C'alal ja' xa yorail chaquic'ote, chca'ibot li ac'ope. C'alal ja' xa sc'ac'alil chacole, ta jcoltaot”, xi. A'yo ava'ay, yorail xa chayic'ot; ja' xa sc'ac'alil chascoltaot.

Deuteronomio 31:9

Li Moisese la sts'iba scotol li mantaletique, ja' laj yac'be ta sc'ob li pale levietique, xchi'uc scotol li banquilaletic yu'un israeletique. Yu'un li levietique ja' yich'ojbeic xcaxail li smantal Muc'ul Diose.

Josué 24:11

Jech lajelovic tal ta jot uc'um Jordán; lac'otic c'alal ta Jericó. Pero li boch'otic te nacajtic ta Jericoe la scontrainoxuc. Jech noxtoc la scontrainoxuc li amorretic, ferezetic, canaanetic, hetetic, gergesetic, hevetic xchi'uc jebusetique. Pero vu'un laj cac'boxuc ta ac'obic.

Josué 3:13

C'alal chavilic chich'ic xa batel xcaxail smantal Muc'ul Dios li paleetique, li vo'oxuque tic'o ochel avacanic ta uc'um, jech te chlic svoc' sba ta o'lol li uc'ume. Li yoc uc'um chanov tal ta cajale jmoj ta sts'an sba muyel”, xut.

Josué 4:11

C'alal jelovenic xa ta jot uc'um scotolique, ja'o ijelov ec li xcaxail smantal Muc'ul Diose xchi'uc li paleetique. Ta stojol scotol israeletic ijelovic ta jot uc'um.

Josué 4:9

Jech ec li Josuee la slats yan lajcha'bej ton te ta o'lol uc'um yo' bu la stec'an yacanic li paleetic ti yich'ojic tal xcaxail smantal Diose. Li tone te to oy o c'alal to tana.