Josué 3:7 - Bible in Tzotzil de Chenalhó with Deuterocanon

⁷ Li Muc'ul Diose jech laj yalbe li Josuee: “Li' tanae ta xcac' ich'atan lec ta muc' yu'un scotol li achi'iltac ta israelale. Yu'un jech ac'o yilic ti ta melel li' jchi'inojot jech chac c'u cha'al la jchi'in li Moisese.

Bible in Tzotzil de Chamula

⁷ Va'i un, ti Diose xi laj yalbe ti Josuee: “Li' ta xlic ech'el avi tanae ti tsots ac'oplal ta xac'ot cu'un ta sba ta sat ti israeletique. Ti jech taj une, ja' to jech ta xilic ti oyun ta atojol jech c'u cha'al laj jchi'in ti Moisese.

Josué 3:7 Iomraidhean Croise

1 Crónicas 29:25

Li Muc'ul Diose la smuq'uibtasbe lec sc'oplal ta stojol scotol israeletic li Salomone; toj ech'em laj yac' ta ich'el ta muc' ta sventa li yabtele. Me junuc ajvalil yu'un israeletic, mu'yuc jech ti c'alal mu'yuc to'ox ch-och ta ajvalilal li Salomone.

2 Crónicas 1:1

Li Salomón xnich'on Davide toj lec ibat li yabtel ta ajvalilale, yu'un icoltaat yu'un li Muc'ul Dios yu'une. Ech'em i'ac'at ta ich'el ta muc'.

Job 7:17

¿C'usi stu li cristiano ti tsots sc'oplal chava'ye, ti te oy o avo'nton ta stojole,

Salmos 18:35

Ja' chispojun, ja' chiscoltaun; ja' chistsacun ta sbats'ic'ob ta sventa yutsil yo'nton ti lec chbat cu'un scotole.

San Juan 17:1

C'alal laj yal jech li Jesuse, la stoy muyel sat ta vinajel, jech laj yal: “Tati, laj xa sta sc'ac'alil, jech ac'un me ta ich'el ta muc', vu'un li Anich'onune, jech cha'ich'at ta muc' ta jventa ec.

Filipenses 1:20

Jun co'nton jch'unoj o, jmalaoj chc'ot ta pasel, muc alticuc chcac'be jba q'uexlal. Ta sventa ti mu xlaj o li stsatsal co'ntone jech ch-ich'at ta muc' Cristo ta jventa jech chac c'u cha'al ono'oxe, ac'o me cuxulun to, o me chicham.

Josué 1:17

Persa ta jch'uncutic amantal jech chac c'u cha'al calojbecutic ono'ox li Moisese. Ja' no'ox ta jc'ancutic ti ac'o xchi'inot Muc'ul Dios buyuc no'ox chabat jech chac c'u cha'al chi'inbil yu'un Muc'ul Dios li Moisese.

Josué 1:5

Mu'yuc boch'o xu' chastsalot ti jayib c'ac'al cuxulote. Vu'un chajchi'inot o, jech chac c'u cha'al la jchi'in scotol c'ac'al li Moisese. Me jliqueluc mu'yuc chajcomtsanot.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Josué 3:6

Jech laj yalbe ec li paleetique: “Ich'ic batel li xcaxail smantal Diose. Jelovanic batel ta ba'yucbe yu'un li jchi'iltactique; tuch'ic jelovel li uc'um Jordane”, xut. Jech li paleetique laj yich'ic batel li xcaxail smantal Diose; ijelovic batel ta ba'yucbe yu'un li xchi'iltaquique.

Josué 3:8

Vo'ot chavalbe ya'yic paleetic ti ac'o yich'ic batel li xcaxail jmantale. C'alal chc'otic ta ti' uc'um Jordane, ac'o ochicuc batel ta yut uc'um; te ac'o sva'an sbaic”, x'utat.

Josué 4:14

Li Muc'ul Diose ja'o yorail te lic yac' ta ich'el ta muc' ta stojol scotol israeletic li Josuee. Ja' co'ol la spas jech chac c'u cha'al la spas ta stojol Moisés ti jayib c'ac'al cuxule.