Josué 3:5 - Bible in Tzotzil de Chenalhó with Deuterocanon

⁵ Li Josuee jech laj yalbe li xchi'iltaque: “Ac'o abaic ta lecubtasel, yu'un oc'om chavilic ta spas sq'uelubil stsatsal li Muc'ul Diose”, xut.

Bible in Tzotzil de Chamula

⁵ Ti Josuee xi laj yale: “Ac'o abaic ta mesel tusel. Yu'un ti oc'ome, ta xavil ta aba ta asatic ti ch'ayal ta xc'ot avo'ntonic yu'un ti c'usi ta spas ti Diose.”

Josué 3:5 Iomraidhean Croise

Job 1:5

C'alal chcuch yu'unic spasel li q'uine, li Jobe chic'an li xnich'nabe. Sob chliquic ta yoc'omal; chchic' smoton Dios ta sventa li jujun xnich'nabe, yu'un chac' ta lecubtasel ta sventa smulic. Yu'un li Jobe jech snopoj ta yo'nton: “Oy yic'al oy bu tsta smulic; oy bu chchopolc'opojic ta stojol Dios ta yo'ntonic li jnich'nabe”, xi. Ja' yu'un ja' jech la spasilan o.

Salmos 77:15

Ta atsatsal avu'el laj acolta li ateclumale, ja' li yalab xnich'nab Jacob xchi'uc Josee.

Salmos 86:10

Yu'un vo'ot toj ech'em amuc'ul, xchi'uc toj labalic sba c'usi chapas; vo'ot no'ox atuc jech Diosot.

Joel 2:16

Tsobic scotol li achi'iltaquique, ac'o abaic ta lecubtasel; tsobic li moletique, tsobic li queremetique xchi'uc li boch'otic ta to xchu'unique. Ac'o to scomtsan sna li querem ti ja' to i'och ta nae; ac'o to scomtsan sna li tseb ti ja' to inupi its'aquie.

Levítico 10:3

Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Levítico 20:7

“Tuq'uibtaso me abaic, jech tuc' chac'otic ta jtojol; vu'un li Muc'ul Diosun avu'unique.

Números 11:8

Ta ac'ubaltic c'alal ta xyal job osile, ja'o te chyal tal ec li manavaje. Jech li israeletique chloc' stsobic, jech oy chlic xjuch'ic, oy chlic stenic lec, oy tspanic noxtoc, xchi'uc oy tsmeltsanic lec. Jech chbat yu'unic jech chac c'u cha'al pan. Li smuile co'oltic jech chac c'u cha'al vaj pasbil ta arina xchi'uc aceite.

San Juan 17:19

Ja' ta sventaic ti yutsil co'nton jtuc chcac' jbae, yu'un jech ta yutsiluc yo'ntonic ac'o yac' sbaic ta sventa ec li c'usi melele.

Josué 3:13

C'alal chavilic chich'ic xa batel xcaxail smantal Muc'ul Dios li paleetique, li vo'oxuque tic'o ochel avacanic ta uc'um, jech te chlic svoc' sba ta o'lol li uc'ume. Li yoc uc'um chanov tal ta cajale jmoj ta sts'an sba muyel”, xut.

Josué 3:4

Yu'un jech chana'ic c'uxi chabatic. Yu'un me junuc mu'yuc boch'o xanoven avu'unic li' ta bee. Pero mu me xanopajic batel ta sts'el li caxae; nom no'ox xacomic ta spat. Comtsan abaic junuc kilómetro snatil”, xutic.

Josué 3:6

Jech laj yalbe ec li paleetique: “Ich'ic batel li xcaxail smantal Diose. Jelovanic batel ta ba'yucbe yu'un li jchi'iltactique; tuch'ic jelovel li uc'um Jordane”, xut. Jech li paleetique laj yich'ic batel li xcaxail smantal Diose; ijelovic batel ta ba'yucbe yu'un li xchi'iltaquique.

Josué 7:13

Lican, tsobo scotol li achi'iltaque. Albo ya'yic ti ac'o xchapan sbaique; ac'o slecubtas sbaic ta sventa oc'om. Scotolic ac'o tal sva'an sbaic ta jtojol, vu'un li Muc'ul Diosun avu'unique. Jech chcalbeic li achi'iltaque: ‘Vo'oxuc israeletic, te oy ta atojolic li c'usi albil sc'oplal chich' ulesel oe. Me mu xaloq'ues ta atojolique, mu xu' avu'un chatsalic o li avajcontraique’, xcut chcalbeic.

1 Samuel 16:5

Itac'ov li Samuele: —Tal, yu'un tal jmilbe smoton Muc'ul Dios. Lecubtaso abaic, bat chi'inicun ta smilbel smoton li Muc'ul Diose —xut. Li Samuele te lic slecubtas li Isaí xchi'uc xnich'nabe; laj yalbe ti ac'o bat chi'inatuc ta smilbel smoton Muc'ul Diose.