Josué 3:4 - Bible in Tzotzil de Chenalhó with Deuterocanon

⁴ Yu'un jech chana'ic c'uxi chabatic. Yu'un me junuc mu'yuc boch'o xanoven avu'unic li' ta bee. Pero mu me xanopajic batel ta sts'el li caxae; nom no'ox xacomic ta spat. Comtsan abaic junuc kilómetro snatil”, xutic.

Bible in Tzotzil de Chamula

⁴ Ja' to jech ta xana'ic ti bu sc'an ta xatamic batele. Yu'un mi ja'uc oy buch'u junuc xanavem avu'unic ta be li'e. Ja' no'ox un, mu me loq'ueluc xanopajic ech'el ta sts'el ti caxae, ti nom nom no'ox xa ts'acliic ech'el ti nopoluc lajuneb cien (1,000) metro xavilic ech'ele.”

Josué 3:4 Iomraidhean Croise

Génesis 31:2

Jech noxtoc li Jacobe laj yil ti mu'yuc xa lec ch-ilat yu'un li Labane. Mu xa jechuc jech chac c'u cha'al lec to'ox i'ilat ta sliquebe.

1 Crónicas 11:2

Ta melel ja' to'ox ajvalil cu'uncutic li Saule, pero vo'ot ono'ox laj acoltauncutic ta sventa pleito; laj avic'uncutic sutel tal. Jech noxtoc yalojbot ono'ox Muc'ul Dios cu'untic ti vo'ot chlic aventainuncutic, chlic ochan ta banquilal cu'uncutique”, xutic.

Salmos 25:12

Li boch'o chich' ta muc' Muc'ul Diose, ja' tstojobtasat c'usi lec beal ac'o st'uj.

Salmos 89:7

Vo'ot Muc'ul Diosot, atuc no'ox xi'bilot; te joyibtabilot yu'un scotol li j'almantaletic te ta vinajele.

Éxodo 19:12

Ac'bo senyail ti bu no'ox c'alal xu' tset sbaic ta sjoyobal li vitse yu'un jech mu xjelovic tal. Albo ya'yic noxtoc ti mu me xmuyic tal li' ta vitse, xchi'uc ti mu me xjelovic tal ti bu senyaile. Li boch'o ta xjelov tale milic.

Éxodo 3:5

Li Muc'ul Diose jech laj yalbe: —Mu me xanopaj tal li'i. Loq'ueso axonob, yu'un ja' ch'ul banamil ti bu va'alote —xut.

Éxodo 4:10

—Ay, Cajval, mu xu' cu'un lec xilo'ilaj; mu xisabaj ta lo'il. Mu ja'uc to volje chabje ti jech chic'opoje. Jech ono'ox jtalel o, vu'un li avajtunelune. Jtalel o ti xquiclajet no'ox coc' c'alal chic'opoje —xi li Moisese.

Isaías 30:33

Yu'un vo'one xa chapanbil ta sventa Asiria xchi'uc ajvalil yu'un li yavil muc'ta vocol ti mu albajuc c'u sjamlej, xchi'uc ti mu albajuc c'u snatil xchaque. Te tsanal o li c'oq'ue, yu'un toj ep si'il; ta yic'al ye no'ox Muc'ul Dios ta stsan; ja' ti chloc' ep azufre ta ye jech chac c'u cha'al nio'e.

Isaías 48:17

Li Muc'ul Dios, ja' li Jpojvanej avu'une, ja' li Ch'ul Dios yu'un Israele, jech chal: “Vu'un li Muc'ul Diosun avu'une, vu'un ta jchanubtasot c'usi lec ta pasel ta sventa alequilal; vu'un ta jtojobtasot bu beal tsc'an chatam batel.

Josué 3:3

Jech laj yalbeic scotol li israeletique: “C'alal chavilic chjelovic xchi'uc xcaxail smantal Muc'ul Dios li pale levietique, loc'anic me batel ti butic oyoxuque. Te nabal xabatic ta spat.

Josué 3:5

Li Josuee jech laj yalbe li xchi'iltaque: “Ac'o abaic ta lecubtasel, yu'un oc'om chavilic ta spas sq'uelubil stsatsal li Muc'ul Diose”, xut.