Josué 3:1 - Bible in Tzotzil de Chenalhó with Deuterocanon

¹ Ta sob yoc'omal li Josué xchi'uc scotol israeletique iloq'uic batel ta Sitim; te ic'otic ta uc'um Jordán. C'alal mu'yuc to ta xtuch'ic jelovele, te lic spas scarpanaic.

Bible in Tzotzil de Chamula

¹ Sob xa ta yoc'omal un, ti Josué xchi'uc scotol ti israeletique loq'uic batel ti ta Sitime. C'otic c'alal ta uc'um Jordán. Ti c'alal mu to ta x'ech' xtuch'ique, c'ot slaman sbaic ti bu taje.

Josué 3:1 Iomraidhean Croise

Génesis 21:14

Li Abrahame sob ta yoc'omal laj yac'be batel pan xchi'uc jun yavil ya'al pasbil ta nucul noj ta vo'. Laj yac'be xcuch batel li Agare, xchi'uc laj yac'be batel li yole, ja' li Ismaele, jech ibat li Agare. Pero mu sna' bu chbat. Jech no'ox vontol xanubal la spas batel ta xocol banamil ta Beerseba.

Génesis 22:3

Ta yoc'omal sob ilic li Abrahame, la scajtsanbe syavarta sburo. La sa' batel si' sventa xchic'ubil li matanale. Ibat xchi'uc li Isaaque, ja' li xnich'one, xchi'uc chib smozo. Te ibat yo' bu albil yu'un Diose.

Salmos 119:60

Laj cac' persa xch'unel li amantaltaque; mu'yuc la jmala jal.

Jeremías 25:3

“Ta yoxlajunebal (13) jabil to'ox yochel ta ajvalilal ta Judá li Josías xnich'on Amone, ja'o no'ox te lic sc'opanun tal li Muc'ul Diose; ja' yoxibal xa xcha'vinic (23) jabil ti chisc'opanun tale. Laj calilanboxuc tal ava'yic li c'usi chale, pero mu xac'an xach'unic.

Jeremías 26:5

xchi'uc me mu xavich'beic o ta muc' sc'op li j'alc'opetic cu'un ti te ono'ox la jtaquilan o tal ta atojolic ti muc ono'ox xavich'ic ta muq'ue,

Jeremías 7:13

Ep xa ta velta te xivulvun o ta atojolic, pero mu xava'ibicun. Laj quic'oxuc, pero me jutuc muc xatac'bicun. Ta sventa ti jech laj apasic scotol chac le'e, ja' yu'un jech chcal jtuc, vu'un li Muc'ul Diosune:

Miqueas 6:5

Jteclumal, na'ic me c'usi la xchapan ta aventaic li ajvalil Balac ta Moabe, xchi'uc c'usi stac'ubil laj yal li Balaam xnich'on Beore. Jech noxtoc na'ic me c'u x'elan ti c'alal lajelovic tal ta Sitim xchi'uc ta Gilgale, yu'un jech ac'o ana'ic ti tsotsic c'usitic la jpas ta atojolic, vu'un li Muc'ul Diosune”, xi.

Números 25:1

C'alal te inaquiic ta Sitim li israeletique, te lic mulivajicuc xchi'uquic li tsebetic yu'un moabetique.

Marcos 1:35

Ta yoc'omal ic' to ilic li Jesuse. C'alal muc to tsacub osile, iloc' batel; ibat ti bu mu'yuc cristianoetique, yu'un bat sc'opan Dios.

Josué 2:1

C'alal te oyic ta Sitime, li Josuee la stac batel ta mucul chib viniquetic jech laj yalbe batel: “Bat q'uelic tal c'u x'elan li banamile xchi'uc li lum Jericoe”, xut. Jech ibatic, te ic'otic ta sna jun jmulavil ants, Rahab sbi; te ivayic ta sna.

Josué 6:12

Ta yoc'omal sob ilic noxtoc li Josuee. Laj yich'ic batel yan velta xcaxail smantal Muc'ul Dios li paleetique.

Josué 6:15

Ta svucubal c'ac'al ic' to iliquic; bat sjoyibtaic yan velta li lum jech chac c'u cha'al la spasic ono'oxe. Pero vucub velta xa la sjoyibtaic ta jun c'ac'al.

Josué 7:16

Ta yoc'omal sob ilic li Josuee; laj yic'an tal ta jujuchop li xchi'iltaque. Li Diose laj yac' ta na'el ti ja' xa li jchop liquemic ta Judae.

Josué 8:10

Ta yoc'omal sob ilic li Josuee; ech' stsob li yan svinictaque. Ja' ba'yucbe ibatic xchi'uc li banquilaletic yu'un israeletique yu'un bat stsalic li cristianoetic te ta lum Haie.

Jueces 20:19

Sob iliquic ta yoc'omal li israeletique, yu'un chbat spasic pleito ta yeloval Gabaa.

1 Samuel 17:20

Ta yoc'omal sob iloc' batel li Davide; laj yac' comel ta chabiel ta yan li xchije. Laj yich' batel li c'usitic i'albat yu'un stote. C'alal ic'ot ta scarpanaique, ja'o chloq'uic xa'ox batel ta pleito; lec xcholet chbatic. Tsots ch-avanic sventa pleito.