Josué 23:3 - Bible in Tzotzil de Chenalhó with Deuterocanon

³ Li vo'oxuque laj avilic scotol c'usi la spas Muc'ul Dios ta stojol li muc'tiquil lumetic c'alal la scontrainutique. Ja' stuc Dios la stsalboxuc scotol.

Bible in Tzotzil de Chamula

³ Laj avil ta aba ta asatic scotol ti c'u s'elan laj spas talel ti Dios ta stojol ti jteclumetic ti buch'u laj stoy sbaique, yu'un ja' letovaj ta spojeloxuc.

Josué 23:3 Iomraidhean Croise

Éxodo 14:14

Li vo'oxuque junuc avo'ntonic, yu'un ja' stuc Muc'ul Dios ta stsalboxuc li avajcontraique —xi li Moisese.

Éxodo 19:4

‘Li vo'oxuque laj avilic c'usi la jpasbeic li egiptoetique, xchi'uc ti c'u x'elan laj quic'oxuc tal ta jtojole. Xco'laj xchi'uc ta jxic' la jcuchoxuc tal jech chac c'u cha'al xic.

Ezequiel 20:28

C'alal la jtiq'uic ochel ta banamil ti bu calojbeic ono'ox ta jamal chcac'beique, laj yilic ti oy lec bic'tal vitsetic, ti oy lec te'etic lec pimic sc'obc'obe; ja' te lic yaq'uic chic'bil matanaletic xchi'uc yantic matanaletic ti ep chisa'bun sc'ac'al co'ntone. Te la xchiq'uic pom noxtoc ti lec muic yiq'ue, xchi'uc te laj yaq'uic ya'lel ts'usubetic noxtoc.

Malaquías 1:5

Ta to xavil lec ta asat atuquic, jech chlic avalic: “Li Muc'ul Diose ac'o muq'uibuc batel sc'oplal ta nom ti bu muc xa ja'uc cosilaltic vu'utic li israelutique”, xachiic.

Deuteronomio 1:30

Ja' ba'yucbe chbat avu'unic li Muc'ul Dios cu'untique. Ja' stuc ta stsalboxuc batel avajcontraic jech chac c'u cha'al laj avilic la spas ta atojolic te ta Egipto,

Deuteronomio 20:4

Yu'un li Muc'ul Dios cu'untique te xchi'inojoxuc. Ja' stuc ta stsalboxuc li cajcontratique jech tsalbil chc'ot avu'unic ta sventa stuc li Muc'ul Diose’, ac'o yutic.

Deuteronomio 4:9

Ja' yu'un q'uelo me abaic. Mu me xch'ay ta avo'ntonic li c'usitic avilojique. Ja' me xanopilanic o. Albo me ya'yic li anich'nabique xchi'uc li amomnich'nabique.

Deuteronomio 7:17

“Li vo'oxuque oy yic'al oy jech chlic anopic: ‘Li muc'tic lum le'e ja' toj ven epic; vu'utic mu'yuc eputic. ¿C'u x'elan xu' cu'untic ta jnutstic loq'uel?’, xachiic.

Deuteronomio 7:24

Chayac'boxuc ta ac'obic noxtoc li ajvaliletic yu'unique. Vo'oxuc chalajesbeic sc'oplal li' ta banamil, yu'un jech mu'yuc xa boch'o tsna' o. Me junuc mu'yuc boch'o xu' chastsaloxuc. Ja' vo'oxuc chavulesic scotol.

Josué 10:14

Mu'yuc ono'ox bu jech ic'ot ta pasel ta vo'one, xchi'uc mu'yuc bu jech chc'ot ta pasel yan velta ti jech ch-a'ibat sc'op yu'un Muc'ul Dios li jun vinique. Yu'un li Muc'ul Diose la scolta ta paspleito li israeletique.

Josué 10:42

Li Josuee ja' to ilaj yo'nton c'alal i'och ta sc'ob scotol li ajvaliletic xchi'uc c'alal ta yosilalique. Yu'un li Muc'ul Diose la scolta batel ta pleito li israeletique.

Josué 23:10

Manchuc me junoxuc no'ox, xu' avu'un chanutsic batel jmil, yu'un ja' stuc Muc'ul Dios ta stsalboxuc jech chac c'u cha'al yaloj ono'oxe.