Josué 2:9 - Bible in Tzotzil de Chenalhó with Deuterocanon

⁹ —Ta jna' ti yac'ojboxuc xa ta ac'obic Muc'ul Dios li osil li'i. Jech scotol li jchi'iltaque ta xi'ic avu'unic. Scotol li yajvaltac banamil li'i toj ep xi'el cha'yic scotolic.

Bible in Tzotzil de Chamula

⁹ —Ca'binoj lec, ti Diose yac'ojboxuc xa ti banomil li'e. Yu'un c'ot xa ta pasel ti ja' stuc ta xac' ep xi'el ta co'ntoncutique. Yu'un scotol ti c'u yepal nacalic li'e, batem xa xch'ulelic ta xi'el avu'unic.

Josué 2:9 Iomraidhean Croise

Génesis 35:5

C'alal iloq'uic batele, li Diose laj yac' xi'icuc li yajval lumetic ti te no'ox nopol oyique, jech mu'yuc xbat snutsic ta be li xnich'nabtac Jacobe.

2 Samuel 17:10

Li avinictac ti lec xu' yu'unique xu' chlaj stsatsal yo'ntonic o ta j'ech'el, ac'o me lec to'ox tsots yo'ntonic jech chac c'u cha'al león. Yu'un scotol jchi'iltactic sna'ic ti toj tsots yo'nton li atote, xchi'uc ti jech tsatsuben yo'ntonic ec li svinictaque.

2 Reyes 5:15

Li Naamane isut batel yan velta ta stojol Eliseo xchi'uc li xchi'iltaque. C'alal ic'otique, jech c'ot yal li Naamane: —¡Li' ta orae laj xa jna' ti ta melel mu'yuc yan Dios ta scotol banamile, ja' no'ox li' ta Israele! Ja' yu'un avocoluc tsacbun li amoton li' quich'ojbot tale —xut.

2 Reyes 7:6

Yu'un li Muc'ul Diose oy c'usi laj yac'be ya'yic li siriaetique. Laj ya'yic ti te chbat epal caretaetic sventa pleito, xchi'uc ca'etic, xchi'uc epal soldadoetique. Jech lic yalbe sbaic: “Ja' xa li ajvalil ta Israele, yu'un laj xa xchap sc'opic xchi'uc li ajvaliletic yu'un hetetique xchi'uc li ajvaliletic yu'un egiptoetique. Ja' xa chtal smilutic”, xut sbaic.

Nehemías 6:16

C'alal laj ya'yic li cajcontracutique xchi'uc scotol li yantic banamiletic jts'aquinojan jba jchi'uccutique, toj ep ixi'ic. Toj biq'uit xa icom laj ya'yic, yu'un la sna'ic ti ja' ta sventa Dios ivu' cu'uncutic li abtele.

Ester 8:17

Ta jujun banamiletic ta scotol lumetic ti bu ic'ot li mantal yu'un ajvalile bats'i xcuxet no'ox yo'ntonic li judaetique; la spasic lec q'uin, laj yaq'uic lec ve'el. Oy ep cristianoetic ta jujun lum la xa scuy sbaic ta judá vinic ec, yu'un toj ep xi'elal laj ya'yic li judaetique.

Job 19:25

Jna'oj ti cuxul li Jpojvanej cu'une; ta slajeb ja' chlic sva'an sba cu'un li' ta banamil.

Salmos 112:10

Li boch'o chopol yo'ntone toj chopol chc'ot yo'nton ti c'alal chile; ta xc'ux ye yu'un tsalbil chc'ot o. Li c'usi oy ta yo'ntone chlaj sc'oplal o.

Salmos 115:16

Li vinajele ja' oy ta sc'ob li Muc'ul Diose; yan li banamile ja' laj yac'be sventain li cristianoetique.

Éxodo 18:11

Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Éxodo 23:27

“Vo'oxuc ta aventaic ta xcac' batel tsots jxi'elal ta buyuc no'ox. Scotol cristiano ta xi' avu'unic ti buyuc no'ox banamilal chajelovic batele. Ta xcac' jatovicuc batel avu'unic li avajcontraique.

Eclesiastés 8:12

Ac'o me jeloven ta vo'vinic (100) velta tspasic c'usi chopol li jpasmuliletique, pero jal chcuxiic noxtoc. Jechuc, ja' no'ox ta jna' ti lec ono'ox chbatic li boch'o chich'ic ta muc' Diose, ti tspasbeic c'usi tsc'ane.

Isaías 19:1

Laj yich' albel sc'oplal c'usi chc'ot ta pasel ta stojol li Egiptoe: Q'uelavilic, li Muc'ul Diose cajal ta jun toc ti anil chanove, ta x'och batel ta Egipto. Li sloc'obaltac sdiosic ta Egiptoe xt'elajetic ta xi'el ya'yel ta stojol li Muc'ul Diose; li egiptoetique ch-alub yo'ntonic ta scoj xi'el.

Isaías 23:5

C'alal cha'yic li egiptoetique, sibluj to yo'ntonic ta xi'el ta scoj li c'usi ic'ot ta pasel ta stojol li Tiroe.

Jeremías 27:5

Vu'un la jpas li banamile xchi'uc li cristianoetique xchi'uc li chonbolometic oy ta sba banamile. Ta jvu'el ta jtsatsal, ta coc jc'ob imeltsaj cu'un, jech xu' cu'un ta xcac'be ta sc'ob li boch'o tsc'an co'nton chcac'bee.

Nahúm 2:10

Jeche' xch'ijan, xocol chcom o, yavnaijem chcom o li lum Ninivee; ta xbat xch'ulelic ta xi'el, ta xnic yacanic, ta x'alubic, ta saclich'tajic.

Números 20:14

C'alal te oyic ta Cadese, li Moisese la stac batel jayibuc j'almantaletic ta stojol li ajvalil yu'un edometique. Jech c'ot yalbeic: “Li yalab xnich'nab avits'in Israele, jech laj yalic tal ta atojol: ‘Li vo'ote lec xana' ti c'u x'elan jvocolcutique.

Números 20:24

“Li Aarone li' no'ox ta xcham. Mu'yuc ta x'och batel ta banamil ti bu cac'ojbeic li achi'iltaquic ta israelale. Yu'un li vo'oxuque, muc xach'unbicun c'usi laj calboxuc ti c'alal laj aloq'uesic vo' ta ch'en te ta Meribae.

San Mateo 20:15

¿Me mu xu' ta jpas c'usi lec chca'ay jchi'uc li c'usi oy cu'une? ¿Me smelol ti xti'et avo'ntonic ta sventa ti toj lec co'ntone?’, xut.

Deuteronomio 11:25

Mu'yuc boch'o xu' chastsaloxuc, yu'un li Muc'ul Dios cu'untique ja' chac'be tal muc'tic xi'el ta stojolic ti butic chajelovic batel jech chac c'u cha'al yaloj ono'oxe.

Deuteronomio 2:25

Tana ta xcac' ti chlic xi'icuc avu'unic scotol li cristianoetic li' ta banamile. C'alal cha'yic ac'oplalique ta xlic nicuc yo'ntonic ta xi'el’, xi li Muc'ul Diose.

Deuteronomio 28:10

Ja' yu'un scotol li lumetic li' ta banamile chilic ti ventainbiloxuc yu'un li Muc'ul Diose, jech ta xlic ochuc xi'el ta yo'ntonic.

Deuteronomio 32:8

Li Boch'o oy ta vinajele, oy jun velta jech la spas. Laj yac' nacluc ta jujun banamil li cristianoetique. Laj yac'be yil bu c'alal sts'aquil li yosilique; pero mu'yuc xch'ayoj ta yo'nton li israeletique.

Hebreos 11:31

Ta sventa xch'unojel yo'nton li jmulavil ants Rahabe, jech mu co'oluc te icham xchi'uc li xchi'iltac ti mu'yuc xch'unojique. Yu'un li Rahabe laj yic' ochel ta yutsil yo'nton li chib viniquetic c'alal ay sq'uelic ba'yuc c'u x'elan li osile.

Josué 2:11

C'alal laj ca'icutique, bats'i ep chixi'cutic avu'unic yu'un laj ca'icutic ti mu'yuc boch'o xu' chastsaloxuque. Yu'un li Muc'ul Diose, ja' li Dios avu'unique, ja' Dios yu'un li vinajele xchi'uc li banamile.

Josué 2:24

Jech laj yalbeic: “Li Muc'ul Diose yac'ojbutic xa ta jc'obtic li banamile. Scotol li yajvaltac banamil tee solel chchamic xa ta xi'el cu'untic”, xutic c'otel.

Josué 2:8

C'alal mu'yuc to chvayic li chib viniquetique, li Rahabe imuy batel ta sjol sna, jech laj yalbe li chib viniquetique:

Josué 5:1

Scotol li ajvaliletic yu'un amorretic te nacajtic ta jot uc'um Jordán ta stuq'uil smaleb c'ac'ale xchi'uc li ajvaliletic yu'un canaanetic te nacajtic ta nopol muc'ta Nab Mediterraneoe laj ya'yic c'u x'elan la staquijes uc'um Jordán Muc'ul Dios ti c'alal ijelovic li israeletique. C'alal laj ya'yique, bats'i ep ixi'ic; solel mu sc'an stsac sbaic ta pleito xchi'uc li israeletique.

Josué 6:2

Pero li Muc'ul Diose jech laj yalbe li Josuee: “A'yo ava'ay, cac'ojbot xa ta ac'ob li lum Jericoe, xchi'uc li ajvalile, xchi'uc li yajsoldadotaque.

Josué 9:10

xchi'uc c'usi la spas ta stojol li chib ajvaliletic yu'un amorretic le' ta jot uc'um Jordane; ja' li ajvalil Sehón nacal ta Hesbón xchi'uc li Og ta Basán ti te to'ox nacal ta Astarote.

Josué 9:24

Jech itac'ovic: —Jech la jpascutic, yu'un lixi'cutic avu'unic ti me chbat amiluncutique. Yu'un laj ca'icutic ti albil ono'ox yu'un Muc'ul Dios li Moisés yajtunel Diose ti vo'oxuc chavich'ic scotol li banamil li'i, xchi'uc ti persa chavulesbeic scotol li yajvaltaque.

Josué 9:9

Itac'ovic: —Nom liquemuncutic tal, yu'un laj ca'icutic sc'oplal li Muc'ul Dios avu'unique. Laj ca'icutic c'usi la spas te ta Egipto,

Jueces 7:14

Itac'ov li yane: —Le'e ja' senyail yespada li Gedeone, ja' li xnich'on israel vinic Joase. Li Diose yac'ojutic xa ta sc'ob Gedeón xchi'uc scotol li jcarpanatique —xi.