Josué 2:6 - Bible in Tzotzil de Chenalhó with Deuterocanon

⁶ Pero li antse te laj yac' muyicuc ta yamaq'uil sjol sna; te la snac'. Oy ep ta chuc lino te ta sjol sna yu'un chac' taquijuc. Ja' te la sbut' o lec.

Bible in Tzotzil de Chamula

⁶ Ti stuc une yo'nton xa sna'. Yu'un muy batel yu'un ta xcha'cojal sjol sna ti nac'alic lec ta epal chucbiquil lino ti smuyesoj batel yo' ta xac' taquijuque.

Josué 2:6 Iomraidhean Croise

2 Samuel 11:2

Ta jun mal c'ac'al ilic ta svayab li Davide; imuy xanovuc ta sjol sna. Te laj yil batel jun ants t'anal ta x'atin; toj c'upil sba laj yil.

2 Samuel 17:19

Li yajnil yajval nae la smac ta ora li joq'ue. Ts'acal te lic sq'ui trigo ta sba, jech mu'yuc boch'o laj yil o.

1 Reyes 18:13

¿Me mu'yuc ava'yoj c'usi la jpas ti c'alal lic sjapu smilel scotol yaj'alc'optac Muc'ul Dios li Jezabele? Yu'un la jnac' vo'vinic (100) yaj'alc'optac Muc'ul Dios; ja' ta lajlajuneb yoxvinic (50) la jnac' ta jujun nailch'en. Vu'un laj cac'be sve'elic xchi'uc vo' yuch'ic.

1 Reyes 18:4

Yu'un c'alal ta ox smilan scotol yaj'alc'optac Muc'ul Dios li Jezabele, li Abdiase lic stsob li j'alc'opetique. Vo'vinic (100) la sta; la snac' ta chib nailch'en. Lajuneb yoxvinic (50) laj yac' ta jujun nailch'en. Ja' bat yac'be sve'elic, xchi'uc laj yac'be vo' yuch'ic.

2 Reyes 11:2

Pero li Josaba, stseb ajvalil Joram, xvix Ocoziase, laj to snac'be jun xnich'on li ajvalil Ocoziase, Joás sbi. Ja'o laj yic' loq'uel ta anil ti c'alal ja'o yochelic ta milel li yantique. Te bat snac' ta jun cuarto sventa vaybal, laj yac'be xchi'in jts'itesej olol yu'un, jech muc xtaat o ta milel yu'un li Ataliae.

Éxodo 2:2

Li antse lic xchi'in yol, jech ivoc' li yole. C'alal laj yil ti toj lec c'upil sba li yole, oxib u la snac'.

Jeremías 36:26

Li ajvalile lic spas ta mantal li Jerameel xnich'on Hameleque, xchi'uc li Seraías xnich'on Azriele, xchi'uc li Selemías xnich'on Abdeele, yu'un ac'o bat stsaquic li Baruc boch'o its'ibaje xchi'uc li j'alc'op Jeremiase. Pero inac'atic yu'un stuc li Muc'ul Diose.

San Mateo 24:17

Li boch'otic te oyic ta sjol snaique, c'alal ta xyalic tale, mu xa me x'och yich' c'usitic oy yu'unic.

Deuteronomio 22:8

“Me oy boch'o tspas ach' snae, ac'o yac'be smac ta joyob li sjol snae, yu'un jech mu boch'o xbalch'uj yalel, jech mu sta smulic xchi'uc yajnil xnich'nab te ta sna.

Colosenses 3:3

Yu'un chamenoxuc xa ya'yel. Ja' xa cuxuloxuc ta sventa li Cristo ti junic xchi'uc Diose. Ja' te nac'al ta stojol li acuxlejalique.

Hebreos 11:23

Ta sventa xch'unojel yo'nton li stot sme' Moisese, jech c'alal ivoc' li Moisese, la snaq'uic oxib u, yu'un laj yilic ti toj c'upil sba li olole; muc xi'ic ta sventa ti yaloj mantal ajvalil ac'o chamuc scotol li queremetique.

Santiago 2:25

Jech noxtoc li jmulavil ants Rahabe, lec i'ilat yu'un Dios ta sventa ti laj yic' ochel ta sna li chib viniquetique, xchi'uc ta yan be xa laj yac' suticuc batel.

Josué 2:5

Ja'o iloq'uic batel ti c'alal yu'un xa'ox ch-och ac'ubale yu'un ja' xa yorail tsmaquic li ti'coraltone, jech mu jna' bu ibatic. Pero me chbat anutsic ta anile, oy yic'al ta to xataic ta be —xut.

Josué 2:7

Li svinictac ajvalile la snutsic batel ta anil ta stuq'uil uc'um Jordán. Te to ic'otic ti bu xtuch'ubil uc'ume. C'alal iloq'uic batele, ja'o la smaquic ti'coralton li soldadoetique.

Josué 2:8

C'alal mu'yuc to chvayic li chib viniquetique, li Rahabe imuy batel ta sjol sna, jech laj yalbe li chib viniquetique:

Josué 6:25

Li Josuee ja' xa no'ox la scolta comel li Rahabe, xchi'uc li stot sme'e, xchi'uc scotol li c'usitic oy yu'une, yu'un ja' la snac' li chib viniquetic ti itacatic batel yu'un Josué ta Jericoe. Li syal'alabtac Rahabe te xchi'uquic o ta naclej c'alal to tana li israeletique.