Josué 2:3 - Bible in Tzotzil de Chenalhó with Deuterocanon

³ Ja' yu'un li ajvalile oy boch'o la stac batel jech bat yalbe li Rahabe: —Loq'ueso batel li viniquetic te vulemic ta anae yu'un ja' no'ox talemic ta spamuc'tael jlumaltic —xutic.

Bible in Tzotzil de Chamula

³ Va'i un, ti ajvalile laj stac batel mantal ti xi bat yalbeic ya'i ti Rahabe: —Ti viniquetic li' oy ta yut na avu'une, ac'o loq'uicuc talel, yu'un ja' jpa'ivanej talemic.

Josué 2:3 Iomraidhean Croise

Génesis 38:24

I'ech' xa'ox van oxibuc u, jech ital albatuc li Judae: —Li avalibe, ja' li Tamare, oy xa xch'ut yu'un la xchi'in sbaic xchi'uc yan viniquetic —x'utat. Li Judae tsots i'avan: —¡Bat jochic loq'uel, chiq'uic ta c'oc'! —xi.

Génesis 42:31

Pero li vu'uncutique laj calbecutic ti vu'utic lec jc'oplaltic, ti mu'yuc ono'ox baq'uin jpastic jech ti ja' no'ox chijpamuc'tavanutique.

2 Samuel 10:3

li banquilaletic te ta Amone jech laj yalbeic li ajvalil yu'unique, ja' li Hanune: “¿Me chacuy ti yu'un yich'oj ta muc' atot li David ti la stac tal boch'o tspat avo'ntone? Le'e ja' no'ox la stac tal svinictac sventa tal sq'uelic, tal spamuc'taic lec yilic c'u x'elan li jlumaltique yu'un tsc'an chtal stsalutic”, xutic.

2 Samuel 17:20

C'alal ic'otic li svinictac Absalone, jech la sjac'beic li antse: —¿Bu oyic li Ahimaas xchi'uc Jonatane? —xutic. Itac'ov li antse: —Li' ijelovique; xi ibatic ta stuq'uil uc'ume —xi. Jech ibat st'unic, pero muc staic. Jech isutic batel ta Jerusalén.

1 Crónicas 19:3

li banquilaletic yu'un amonetique jech bat yalbeic li ajvalil Hanune: “¿Me chacuy ti yu'un lec yo'nton li David ti la stac tal yaj'abteltac tal spatbicot avo'nton ta sventa ti icham li atote? Le'e ja' no'ox tal spamuc'taic, tal sjaq'uilan ya'yic, tal yotquinic c'u x'elan li cosilaltique”, xutic.

Job 21:30

ti c'alal tstac tal tsots vocol li Diose, mu'yuc c'usi chc'ot ta pasel ta stojol li boch'otic chopolique?

Levítico 24:14

“Loq'uesic batel te ta acarpanaic li boch'o ichopolc'opoje. Li boch'otic laj ya'yic c'usi laj yale ac'o yac' sc'obic ta sjol. Ac'o smilic ta ton scotol li achi'iltac ta israelale.

San Juan 19:4

Li Pilatoe iloc' tal yan velta, jech laj yal: —A'yo ava'yic, li' chquic' loq'uel tal ta atojolic yu'un jech chana'ic o ti me jutuc mu'yuc la jtabe smule —xi.

Hechos 12:4

C'alal la stsac li Pedroe, la stic' ta chuquel. Laj yac'be ta sc'ob chantsob soldadoetic. Chanib soldado yic'oj sbaic ta jujutsob, yu'un ac'o xchabiic li Pedroe. La snop Herodes ti ta sloq'ues ta stojol scotol jteclum c'alal me ilaj c'op q'uine.

Hechos 12:6

Li Herodese snopoj xa'ox ti ta sloq'ues ta chuquel ta yoc'omal li Pedroe. Ta yac'ubalil le'e, li Pedroe te vayem ta yut chuquinab, cacal ta o'lol yu'un li chanib soldadoetique, chucanbil ta cadena li jujun sc'obe. Oy yan soldadoetic noxtoc te ta xchabiic ti'na.

Josué 10:23

Jech li israeletique la sloq'uesic tal ta nailch'en li vo'ob ajvaliletique, ja' li ajvalil ta Jerusalén, ta Hebrón, ta Jarmut, ta Laquis, xchi'uc ta Eglone.

Josué 2:2

Pero oy boch'o bat yalbe li ajvalil te ta Jericoe. Jech c'ot yalbe: —Oy jayibuc israeletic ivulic ta ac'ubaltic, yu'un tal spamuc'taic c'u x'elan li cosilaltique —xutic.

Josué 2:4

Pero li antse la snac' li chib viniquetique, jech laj yal: —Ta melel oy ital svu'lanicun chib viniquetic li' ta jnae, pero mu jna' bu liquemic tal.

Jueces 4:20

Li Sisarae jech laj yal: —Te oyan ta ti'na. Me oy boch'o itale, me la sjac'bot me oy boch'o li' oy ta yut anae, albo ti mu'yuque —xut.