Josué 2:12 - Bible in Tzotzil de Chenalhó with Deuterocanon

¹² Jech ta jc'anboxuc vocol ta atojolic ti ac'o avalbun ca'ay ta stojol Muc'ul Dios ti ac'o ac'uxubinuncutic xchi'uc jtot jme', xchi'uc li boch'otic te oyic ta sna li jtot jme'e jech chac c'u cha'al la jc'uxubinoxuque. Ta jc'an ac'o avac'bun quil senyail ti ta melel chac'uxubinuncutique,

Bible in Tzotzil de Chamula

¹² Jech o xal un, avocolicuc, va'ano abaic ta yalbelun avi li'e, xchi'uc ta sba ta sat ti Diose, ti c'uxubinicun xchi'uc ti cuts' calaltac jech c'u cha'al laj jc'uxubinoxuque. Ac'bun quil ec un ti yutsilal slequilal avo'ntonique.

Josué 2:12 Iomraidhean Croise

Génesis 21:23

Ja' yu'un albun ta jamal ta stojol Dios ti mu xapasbun c'usi chopol jchi'uc li jnich'nabe xchi'uc li jmomnich'nabtaque. Albun ta jamal ti me chac'uxubinun jech c'u cha'al la jc'uxubinot eq'ue, xchi'uc me chac'uxubin noxtoc li cristianoetic ta lum yo' bu nacalot li' ta orae —xut.

Génesis 24:3

Albun ta jamal ta stojol Muc'ul Dios, ja' ti la spas vinajel banamile, ti muc li'uc xasa'be yajnil li jnich'on Isaac li' ta Canaán banamil yo' bu nacalune.

Génesis 24:9

Ja' yu'un li mozoe laj yac' sc'ob ta yolon yo' li yajvale, ja' li Abrahame. Laj yal ta jamal ta stojol Dios ti ta spas li c'usi i'albate.

Génesis 40:14

C'alal me ic'ot ta pasel le'e, avocoluc na'un me; c'uxubinun me. Albo ya'ay faraón ti ac'o sloq'uesun ta chuquel ec li vu'une.

2 Crónicas 36:13

Xchi'uc la stoy sba ta stojol li Nabucodonosor ti ja' isujat ta yalel ta jamal ta stojol Dios ti tsco'lajes yo'nton xchi'uque. Solel la spas ta tsots yo'nton; mu xa sc'an sut o tal ta stojol li Muc'ul Dios yu'un Israele.

Ester 8:6

Yu'un mu x'ech' chca'ay me chlaj ta milel scotol li jchi'iltaque, xchi'uc me ch-ul scotol li cuts' calaltaque —xut.

Éxodo 12:13

‘Li xch'ich'al chije ja' chtun ta sventa senyail yu'un jech chquil ti bu jbejucal anaique. C'alal ch-ech' jmilbe sba xnich'nabic li egiptoetique, me laj quil li ch'ich'e, ta xijelov no'ox batel. Jech mu'yuc boch'o chcham avu'unic vo'oxuc li israeloxuque.

Jeremías 12:16

Pero me ja' chlic xchanic jech chac c'u cha'al tspasic li jteclumale, me vu'un chlic st'abbicun jbi jech chac c'u cha'al la xchanubtasic ta st'abbel sbi sdiosic Baal ec li jteclumale, me jech lic yalique: ‘Ta melel ja' no'ox stuc cuxul li Diose’, me xiique, lec chbatic ta stojol li jteclumale.

Marcos 14:44

Li j'ac'vanej ta c'abale yaloj xa'ox c'u x'elan ta xac' ta ilel li Jesuse. “Boch'o ta jts'uts'e ja' svinajeb ti ja' xae. Tsaquic, lec xachabiic batel”, xut ono'ox.

Romanos 1:31

mu'yuc c'usi sna'ic o, mu xc'ot ta pasel c'usi chalic. Mu'yuc c'uxubinel ta yo'ntonic, mu'yuc perdón yu'unic, mu'yuc boch'o abul sba chilic.

1 Timoteo 5:8

Yu'un li boch'o mu'yuc ta yo'nton yuts' yalaltaque, me ja'uc li stot sme'e xchi'uc li yajnil xnich'nabe, altic chal ti xch'unoj Cajvaltique. Ja' xjelov xchopolil jech chac c'u cha'al li boch'o mu'yuc xch'unojique.

Santiago 2:13

Yu'un li boch'o mu'yuc c'ux ta yo'nton xchi'ile, jech mu'yuc c'ux ta o'ntonal ec ti c'alal ta xchapanate. Yan li boch'o c'ux ta yo'nton xchi'ile, ja' jech c'ux ta o'ntonal ec ti c'alal yorail ta xchapanate.

Josué 2:13

ti muc teuc capal chamilic li jtot jme'e, li jchi'iltac ta voq'uele, ja' li queremetic, xchi'uc tsebetique, xchi'uc scotol li c'usitic oy yu'unique. ¡Coltauncutic me comel! —xut.

Josué 2:18

Pero c'alal ta xtal xa ochcuncutic li' ta banamile, xajoc'an me li' ta aventana li tsajal lazu li' chachechuncutic o yalele. Li' xatsob abaic ta ana xchi'uc li atot ame'e, li achi'iltac ta voq'uele, xchi'uc scotol li yuts' yalaltac atote.

Josué 2:19

Pero me oy boch'o ta xloc' batel li' ta anae, ja' xa ta smul stuc me ichame; muc vu'cun chcom ta jventacutic. Pero me oy c'usi spas junuc li boch'o li' oy ta anae, ja' vu'un chcom ta jventacutic.

Josué 6:22

Li Josuee jech laj yalbe li chib viniquetic ti i'ay sq'uelic ba'yuc c'u x'elan li osile: “Batanic ta sna li jmulavil ants Rahabe. Iq'uic loq'uel scotolic xchi'uc li boch'otic te oyic ta snae yu'un jech ono'ox laj avalbeic comel ta stojol li Diose”, xut.

Josué 9:15

Jech li Josuee te laj yac' ye ta stojolic. Laj yalbeic ta jamal ti mu'yuc ta spasic pleito xchi'uquique, ti te cuxul ac'o comicuque. Ja' jech laj yalic jamal ec scotol li banquilaletic yu'un israeletique.

Jueces 1:24

Li boch'o ibatique laj yilic jun vinic te iloc' tal ta lum, jech laj yalbeic: “Ac'bun quilcutic c'u x'elan xu' chij'och ta yut li lume. Me chavac'bun quilcutique, ta xajc'uxubinotcutic”, xutic.

1 Samuel 30:15

Li Davide jech la sjac'be: —¿Me xu' chavic'uncutic batel yo' bu oyic li j'eleq'uetique? —xut. Itac'ov li egipto vinique: —Me chavalbun ta jamal ta stojol Dios ti mu xamilicune xchi'uc ti mu xavac'un comel ta sc'ob li cajvale, xu' chaquic'oxuc batel —xi.