Josué 2:1 - Bible in Tzotzil de Chenalhó with Deuterocanon

¹ C'alal te oyic ta Sitime, li Josuee la stac batel ta mucul chib viniquetic jech laj yalbe batel: “Bat q'uelic tal c'u x'elan li banamile xchi'uc li lum Jericoe”, xut. Jech ibatic, te ic'otic ta sna jun jmulavil ants, Rahab sbi; te ivayic ta sna.

Bible in Tzotzil de Chamula

¹ Ta Sitim to, ti Josuee ta mucul laj stac batel cha'vo' jpa'ivanej jq'uel-osil viniquetic ti xi laj yalbe batele: “Batanic ta xchajel ta q'uelel yosilal ti jteclum Jericoe.” Ti stuquique batic, c'otic ta sna jun ants ti sna' sbolomalin sba ti Rahab sbi ti nacal ta Jericoe. Laj xch'amunbeic sna yo' ta x'ech' yu'unic ti ac'ubale.

Josué 2:1 Iomraidhean Croise

Génesis 42:16

Sutanic junucal yu'un ac'o bat yic' tal li avits'inique. Li yantique li' chcomic ta chuquel. Jq'ueltiquic me melel li c'usi laj avalique, o me mu meleluc, o me ja' melel ti ja' no'ox tal apamuc'tauncutique. Ta sventa faraón jech jamal chacalboxuc ti jech ta jpase —xi.

Génesis 42:9

Li Josee te it'ab ta yo'nton li xvayech ono'ox ta vo'onee. Jech lic yalbe li sbanquiltaque: —Li vo'oxuque jpamuc'tavanejoxuc no'ox. Ja' no'ox tal aq'uelic c'u x'elan xu' avu'unic chatsalic li jlumalcutique —xut.

Miqueas 6:5

Jteclumal, na'ic me c'usi la xchapan ta aventaic li ajvalil Balac ta Moabe, xchi'uc c'usi stac'ubil laj yal li Balaam xnich'on Beore. Jech noxtoc na'ic me c'u x'elan ti c'alal lajelovic tal ta Sitim xchi'uc ta Gilgale, yu'un jech ac'o ana'ic ti tsotsic c'usitic la jpas ta atojolic, vu'un li Muc'ul Diosune”, xi.

Números 13:1

Li Muc'ul Diose la sc'opan yan velta li Moisese, jech laj yalbe:

Números 13:2

“Taco batel jayibuc viniquetic yu'un ac'o bat sq'uelic tal c'u x'elan li osil te ta Canaán ti chcac'be yich'ic li achi'iltac ta israelale. Taco batel jujun vinic ta jujuchop achi'iltac, ja' xatac batel li boch'otic oy yabtelic ta stojol achi'iltaquique”, xi.

Números 25:1

C'alal te inaquiic ta Sitim li israeletique, te lic mulivajicuc xchi'uquic li tsebetic yu'un moabetique.

Números 33:49

Li scarpanaic te ta nopol uc'um Jordane, te to xlic ta Bet-jesimot xc'ot c'alal to ta Abel-sitim te ta stenlejaltic yu'un Moab.

San Mateo 1:5

Inich'naj li Salmone, Booz sbi. Li Booze ja' sme' li Raabe. Inich'naj li Booze, Obed sbi. Li Obede ja' sme' li Rute. Inich'naj li Obede, Isaí sbi.

San Mateo 10:16

“A'yo ava'yic, vu'un ta jtacoxuc batel jech chac c'u cha'al chijetic ta stojol oq'uiletic, ja' yu'un bijanic me jech chac c'u cha'al orachon ti lec bije. Jech noxtoc muc'uc me avo'ntonic jech chac c'u cha'al stsumut.

Efesios 5:5

Yu'un xana'ic xa lec, li boch'otic chmulivajique xchi'uc ti tspasic c'usitic yan chopole, xchi'uc li boch'otic xpich'et no'ox yo'ntonique ti xco'laj xchi'uc ja' sdiosic c'otem li c'usi batem yo'nton xchi'uquique, mu xu' ch-ochic yo' bu chventainvan li Cristoe xchi'uc li Diose.

Hebreos 11:31

Ta sventa xch'unojel yo'nton li jmulavil ants Rahabe, jech mu co'oluc te icham xchi'uc li xchi'iltac ti mu'yuc xch'unojique. Yu'un li Rahabe laj yic' ochel ta yutsil yo'nton li chib viniquetic c'alal ay sq'uelic ba'yuc c'u x'elan li osile.

Santiago 2:25

Jech noxtoc li jmulavil ants Rahabe, lec i'ilat yu'un Dios ta sventa ti laj yic' ochel ta sna li chib viniquetique, xchi'uc ta yan be xa laj yac' suticuc batel.

Josué 1:18

Li boch'o ta sbaj amantale, ti mu sc'an xch'un c'usi chavalbe, ac'o milatuc. Ja' no'ox ta jc'antic ti ac'o oyuc lec stsatsal avo'nton, ti mu me xaxi'e —xiic.

Josué 2:2

Pero oy boch'o bat yalbe li ajvalil te ta Jericoe. Jech c'ot yalbe: —Oy jayibuc israeletic ivulic ta ac'ubaltic, yu'un tal spamuc'taic c'u x'elan li cosilaltique —xutic.

Josué 21:31

Helcat, xchi'uc Rehob. Ja' chanib lumetic ta scotol xchi'uc yosilaltac.

Josué 3:1

Ta sob yoc'omal li Josué xchi'uc scotol israeletique iloq'uic batel ta Sitim; te ic'otic ta uc'um Jordán. C'alal mu'yuc to ta xtuch'ic jelovele, te lic spas scarpanaic.

Josué 5:10

Li israeletique te la spas scarpanaic ta Gilgal. Ta xchanlajunebal c'ac'al yochel li u stsacojique ta sbatel c'ac'al la spasic q'uin Coltael, te ta stenlejaltic Jericó.

Jueces 1:23

Ba'yuc la staquic batel boch'o chbat sq'uel c'u x'elan li lum Betele, ja' li Luz to'ox yan sbie.

Jueces 18:14

Li vo'ob viniquetic ti i'ay ono'ox sq'uelic ba'yuc li osil te ta Laise, jech laj yalbe li xchi'iltaquique: —¿Me xana'ic ti oy jlic mocan c'u'il li' ta nae, xchi'uc ti oy diosetic yu'unic sventa jujuchop sbiique, xchi'uc jun sloc'obal dios lec muc' lec macbil ta saquil taq'uine? ¿C'usi ta jpastic xana'ic? —xutic.

Jueces 18:17

Li vo'ob viniquetic ti i'ay sq'uelic ba'yuc li osile i'ochic ta na; la stsaquic loq'uel li sloc'obal sdiosic lec bisbil smuc'ule, ti macbil lec ta saquil taq'uine, xchi'uc li mocan c'u'ile, xchi'uc li yantic diosetic te oy ta snae. Yan li palee ja'o te comen ta ti'na xchi'uc li vaquib ciento (600) viniquetique.

Jueces 18:2

C'alal te oyic ta Zora xchi'uc ta Estaole, la staquic batel vo'ob viniquetic ti lec tsots yo'ntonique, yu'un ja' chbat sq'uelic tal c'u x'elan li banamile. Jech laj yalbeic batel: —Batanic, bat q'uelic tal c'u x'elan li banamile —xutic. Jech ibatic ta vitsetic te ta yosilal Efraín. Te ic'otic ta sna li Micaiae; te ivayic.