Josué 13:4 - Bible in Tzotzil de Chenalhó with Deuterocanon

⁴ te ta sur, xchi'uc scotol li yosilal canaanetic xlic ta lumetic yu'un sidonetique c'alal to ta Afec ta sts'aquic xchi'uc li amorretique.

Bible in Tzotzil de Chamula

⁴ Ma'uc no'ox taje, oy to ti yosilal ta yolon ti yac'ol xocon sloq'ueb c'ac'ale, xchi'uc scotol yosilic ti cananeoetique, ti ta xlic ech'el ta jteclumetic yu'un ti sidonioetique ti ta xc'ot c'alal to Afeque, ti sts'aquinoj sba xchi'uc ti amorreoetique.

Josué 13:4 Iomraidhean Croise

1 Reyes 20:26

C'alal iloc' jun jabile, lic stsob li yajsoldadotac ta scotol Siriae. Te ibatic ta Afec, yu'un bat stsaquic ta pleito li israeletique.

1 Reyes 20:30

Li yantique ijatovic batel ta lum Afec. Pero li coralton yu'un lume ilom tal ta sba yac'olic li vucub xcha'vinic ta mil (27,000) ta ox snac' sbaique. Li Ben-adade te bat snac' sba ta lum ec; te la snaq'uilan sba ta nanatic.

Ezequiel 16:3

jech xavalbe: ‘Jech chal li Muc'ul Diose: Vo'ot Jerusalén, li aliquebe xchi'uc ti bu lavoq'ue ja' li Canaán banamile. Li atote ja' amorreo vinic; li ame'e ja' hitita ants.

Amós 2:10

Vu'un la jloq'uesoxuc tal ta Egipto banamil noxtoc. Vu'un la jbeiltasoxuc tal ta xocol banamil cha'vinic (40) jabil, yu'un jech ac'o avich'beic li yosil amorretique.

Josué 10:40

Ja' jech i'och ta sc'ob Josué scotol li banamil te ta vitsetic ta toyolaltique. I'och ta sc'ob li Néguev, xchi'uc li stenlejaltique, xchi'uc li svitsticale. I'och ta sc'ob noxtoc li ajvaliletique. La smilic scotol; me junuc mu'yuc c'usi cuxul la scomtsanic jech chac c'u cha'al albilic ono'ox yu'un Muc'ul Dios li israeletique.

Josué 11:3

Xchi'uc la stac batel mantal noxtoc ta stojol canaanetic ti te nacajtic ta stuq'uil sloq'ueb c'ac'al xchi'uc ta stuq'uil smaleb c'ac'ale. Xchi'uc la stac batel mantal noxtoc ta stojol amorretic, hetetic, ferezetic, jebusetic ti te nacajtic ta toyolaltic ta vitsetique, xchi'uc ta stojol hevetic ti te nacajtic ta yoc vits Hermón ta Mizpa banamile.

Josué 12:18

ta Afec, ta Sarón,

Josué 19:30

Ja' la staic noxtoc li lum Uma, Afec, xchi'uc Rehob. Ta scotol oy chib xcha'vinic (22) lumetic xchi'uc tsobtsobnaetic yu'un.

1 Samuel 4:1

Li Samuele laj yalbe scotol israeletic c'usi i'albat yu'un li Muc'ul Diose. Ja'o yorail italic li filistaetique, tal spasic pleito xchi'uc li israeletique. Jech iloq'uic batel ec li israeletique, bat spas scarpanaic ta Eben-ezer. Li filistaetique te la spas scarpanaic ta Afec.