Josué 13:3 - Bible in Tzotzil de Chenalhó with Deuterocanon

³ ti te xlic ta uc'um Sihor ta stuq'uil sloq'ueb c'ac'al yu'un Egiptoe, c'alal to ta sts'aquil yosilal Ecrón ta stuq'uil norte. Li banamil le'e albil sc'oplal ti ja' yosilal canaanetique. Ja' te oy li vo'ob lum ti ja' mero banquilaletic yu'un li filistaetique, ja' li Gazae, li Asdode, li Ascalone, li Gate, xchi'uc li Ecrone. Xchi'uc te to icom avu'un noxtoc li yosilal avetic

Bible in Tzotzil de Chamula

³ ti q'uiil batel ta ti' uc'um Sihor, ta yeloval sloq'ueb c'ac'al yu'un ti Egiptoe, ti ta xc'ot c'alal to sts'ac ti Ecrone, xchi'uc ti oy ta yolon ti yolon xocon sloq'ueb c'ac'ale ti c'otem ta yosilic ti cananeoetique. Tey oy xtoc vo'ob ajvalil filisteoetique ti nacalic ta jteclum Gazae, ti ta jteclum Asdode, ti ta jteclum Ascalone, ti ta jteclum Gate, xchi'uc ti ta jteclum Ecrone. Ta sc'an u'ninel xtoc yosilalic ti aveoetique.

Josué 13:3 Iomraidhean Croise

Génesis 10:6

Li xnich'nabtac Came ja' Cus, Mizraim, Fut, xchi'uc Canaán.

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

1 Reyes 8:65

Li Salomón xchi'uc scotol xchi'iltaque ja'o yorail te lic spasic vucub c'ac'al q'uin sventa ch-ochic ta yaxnaetic. Bats'i ep li israeletic talemique. Te to liquemic tal ta ti'lum Hamat c'alal to ta bevo' yu'un Egipto. Ts'acal la spasic batel yan vucub c'ac'al q'uin noxtoc; ja' chanlajuneb (14) c'ac'al ic'ot ta scotol.

1 Crónicas 13:5

Li Davide la stsob scotol li israeletic xlic ta Sihor ta sts'aquic xchi'uc Egipto c'alal to ta yochebal lum Hamate, yu'un chbat yich'ic tal li xcaxail smantal Dios te ta Quiriat-jearime.

Isaías 23:3

Ta muc'ta nab ijelov tal li c'usitic chloc' ta Sihore; ta Nilo ijelov tal li ac'ulejalique; vo'ot ch'ivitot lac'ot yu'un li yantic banamile.

Jeremías 2:18

Pero tanae ¿c'usi chataic o ti chabatic ta Egiptoe? ¿Me yu'un ja' chbat avuch'beic ya'lel li uc'um Niloe? ¿C'usi chataic o ti chabatic ta Asiriae? ¿Me yu'un ja' chbat avuch'beic ya'lel li uc'um Eufratese?

Deuteronomio 2:23

Ja' co'ol jech chac c'u cha'al ic'ot ta pasel ta stojolic noxtoc li hevetic ti te to'ox nacalic ta tsobtsobnaetic ta nopol Gazae. Pero imilatic yu'un li filistaetic ti iliquic tal ta Cretae. Jech te inaquiic o.

Josué 13:13

Yan li Gesur xchi'uc Maacae muc snutsic loq'uel li israeletique. Te la xchi'inic ta naclej; te xchi'uquic o ta naclej c'alal to tana.

Jueces 16:5

Li banquilaletic yu'un filistaetique jech bat yalbeic li Dalilae: —Lo'lao li Sansone; jots'ol jaq'uilanbo c'u yu'un ti toj tsots slomoe, xchi'uc c'u x'elan xu' ta jtsalcutic, yu'un jech xu' ta jchuccutic. Chacac'botcutic lec atojol; ta xcac'cutic jmil xchi'uc vo'vinic (1,100) ta sep saquil taq'uin jujununcutic —xutic.

Jueces 3:3

Ja' te icomic li vo'ob banquilaletic yu'un filistaetique, xchi'uc scotol li canaanetique, li sidonetique, xchi'uc li hevetic ti te nacajtic ta vitsetic ta Líbano xlic ta vits Baal-hermón xc'ot c'alal to ta Hamate.

1 Samuel 5:1

C'alal laj yich'ic loq'uel xcaxail smantal Dios ta Eben-ezer li filistaetique, te c'ot yaq'uic ta Asdod.

1 Samuel 5:10

Jech la staquic batel ta lum Ecrón li xcaxail smantal Diose. C'alal ic'ot ta Ecrone, li cristianoetic tee tsots i'avanic: “Ivul xa li' ta jlumaltic ec li xcaxail smantal Dios yu'un israeletique, chlic smilutic jcotoltic ec”, xiic.

1 Samuel 5:8

Ja' yu'un lic stacbeic mantal scotol li banquilaletic yu'un filistaetic ti jmoj ac'o stsob sbaic scotolique, jech la sjac'beic: —¿C'usi ta jpastic ta sventa li xcaxail smantal Dios yu'un israeletique? —xutic. —Ich'ic batel ta lum Gat —xiic. Ja' yu'un li filistaetique laj yich'ic batel.

1 Samuel 6:4

Itac'ov li filistaetique: —¿C'usi tsc'an chcac'cutic ta sventa li stojol jmulcutique? —xiic. Itac'ovic: —Aq'uic vo'bej c'anal taq'uin jech smuc'tiquil jech chac c'u cha'al apun, xchi'uc vo'cot ch'o pasbil ta c'anal taq'uin. Ja' jech yepal tsc'an jech chac c'u cha'al yepal li banquilaletic avu'unique. Yu'un co'ol li vocol chavich' acotolic c'alal ta banquilaletic avu'unique.